عندي 22 سنة متخرجة من كليه قمة.اتعرفت علي شاب من حوالي شهرين..اكبر مني بكذا سنة متخرج من نفس الكليه بتاعتي يسبقني بسنتين..هو حد كويس ..اتعرفنا علي بعض كتير من خلال التليفون..وقابلته في النادي مرة واحده في حضوراخويا وبعلم اهلي لاني مش بخبي عنهم شيء..ومن بعدها بيتصل بيا كتير اكتر من مرة في اليوم.حكالي عن اشياء كتير تخصه..طريقتوا في الكلام مش طريقه اتنين زمايل..كلام حلو في الخباثة.. كل الكلام في حدود الادب طبعا..طلب مني انو يشوفني تاني فرفضت لانو في البيت مش هيوافقوا علي كده.وانا مش هعرف اعمل اي شيء بدون موافقتهم…وبيلح كتيير انوا نخرج مع بعض..انا بنت ملتزمة وعمري ما اتعاملت مع موقف زي ده.ليا زمايل اولاد في الكليه طبعا بس عمري ما سمحت اني اتكلم مع حد في التليفون بالكمية دي وبالطريقه دي…الا لضرورة بخصوص الدراسة ..فحسه اني مش راضية عن اللي بيحصل مع العلم اني مش بتصرف ولا بعمل شيء مش صح..حكيت لبنات اصحابي وكان رايهم ان ده علي وشك ارتباط بيكي..بس في شكوك جوايا انو عاوز يتسلي او يختبرني بيشوف هوافق علي الخروج ولا هرفض ..انا طموحة جدا بحب العلم..عاقله وناضجة ومش هوائية..طالما مثلا نيته ارتباط مش بيقولي ليه.؟؟؟ هل لسه بيتعرف اكتر؟؟هل يسمح ان اخته تخرج مع شاب زي ما بيطلب؟؟؟هل وهل وهل وهل؟؟؟؟بصراحة كده عاوزة اضع للموضوع نهاية..لاني معنديش وقت اضيعه..قدامي مستقبلي وشغلي هما اللي ابقي ليا من ده كله..
والله يابنتي نعم الاخلاق والتربية اللي انت عليها بؤرك فيك وعايزك تكوني حذرة في تعاملك مع الشاب ده ولاتطمني له او تنخدع بكلامه المعسول اللي يقوله لك او بنظرات الاعجاب لك لوكان غرضه شريف وجاد في الارتباط بك لصارحك هو من البداية اوعي تتكلم معو اوتصارحيه انت بحقيقة مشاعرك اهتم بدراستك ومستقبلك جيدا وابعدي عنه ولاتهتم بامره و صدقيني لو كان يحبك بيسال عنك ويجري وراءك ويصارحك بحقيقة مشاعره لكن الظاهر ان شكوك في محلها وانه قاعد يتسلى معك فقط فمن الافضل تركه والابتعاد عنه نهايئا وربنا بيكرمك بحسن منو يازينة البنات ياقمورة الف من يتمناكي ياعزيزتي تحياتي لك وتمنى لك كل التوفيق والخير والسعادة طوال حياتك