حبيته وهو مصمم يكدب عليا

السلام عليكم … محتاجه رأيكم فوي ف مشكلتي انا اتعرفت علي شاب علي النت بس هو كان بيدعي انه ممثل مشهور كنت في الاول مش مصدقاه بالمره وكنت بخده علي قد عقله لان شباب كتير قوي عملوه نفس الموضوع ده بسبب هوسهم بالفنان ده لانه في غايه الجمال ومعظم البنات بيحبوه المهم هو بصراحه كان متدين جدا جدا ودايما يكلمني عن الاسلام ونتناقش في مواضيع مختلفه في دينا وده كان في شهر رمضان وبسبب تتدينه ده قلت مستحيل شخص متدين بالشكل ده وعرف ربنا يكون كداب فبدأت اصدقه وخاصه ان الممثل ده معروف عنه بالتدين والاخلاق . وفي تالت يوم العيد قالي انه بيحبني وبصراحه مكنتش مصدقه نفسي وفرحت جدا وطبعا حكم شغله كنت مش بكلمه كتير كان تقريبا مره او مرتين ف الشهر بس هو اتعدي حدوده معايا كتير في الكلام وانا كنت بصده وبفكره بربنا الي دايما كان يكلمني عنه واني بحب ربي اكتر منه ومن اي حد ومش هاغضبه كان بيزعل واحيانا يسبني ويقفل وميجيش بعدها الا بفتره وبرده يحاول تاني فانا مقدرتش استحمل كده وسبته وعرفته اننا من دلوقتي اخوات واصدقاء مش اكتر غير ان سيره الجواز كانت بتعفرته وبسبب ده حسيت انه بيجي علي كرامتي وده خلاني اتمسك بقراري اكتر وفي الوقت ده كان دايما يقولي انا مش هاينفع اتجوز ان شاء الله ربنا هايرزقك بالي يسعدك انما انا وقتي كله لشغلي حسيت بعدها اني علي قد ماكنت بحبه وبحترمه علي قد مكرهته واحتقرته وفي الوقت ده كان فيه شخص تاني اتكلم معايا على الايميل  وقالي انه جاب ايميلي من الفيسبوك فانا قلتله انا اسفه مش هاقدر اتكلم معاك لاني مش بتكلم مع شباب قالي احنا هانتكلم في الدين بس قولتله حتي لو في الدين بس وفعلا كان بيعمل كده وكان بيسئلني في اسئله دينيه وتفسير لايات القرأن كنت بتحرج وبضطر ارد برده الشخص ده حبني بس بعدها بفتره قصيره وانا استغربت جدا كنت بتهرب منه بالزوق كان يقولي انا عارف انك مش بتحبيني بس انا بحبك ومش عارف اعمل ايه قوتله انت اسلوبك بيفكرني بحد كنت اعرفه قالي يمكن كان فيه حد في حياتك قابلي وانتي معتقده انه رجع تاني قولته بصراحه اه انصدم لاني حبيت قبل كده بس انا مكدبتش لاني بكره الكدب والي مقبلوش علي نفسي مقبلوش علي غيري بصراحه لو هافضل احكي هاحكي كتير بختصار ان اتأكدت بعد كده انه نفس الشخص الي كان عامل نفسه الفنان المشهور ده وساعات كان يكلمني من الايميلن بالشخصيتين في نفس الوقت علشان يبعد عني التفكير في انه هو تماماااا هو دلوقتي طلب مني الزواج وهايجيلي مصر السنه دي علشان يخطبني هو مش مصري ومش عربي اصلا كنا بنتكلم باللغه الانجليزيه لاني مش بعرف لغته ولا هو بيعرف عربي وكذالك الحال مع الشخصيه التانيه الي كان منتحلها حاولت اكتر من مره اني اخليه يعترف وبينتله حتي اني ممكن اسمحه بس فشلت ولسه مصمم علي كدبه انا مش عارفه هو بيفكير فيا ازاي وانا في نظره ايه بيحبني بجد ولا بيلعب بيا ؟ ! اسامحه ولا اسيبه ؟ خايفه اسامحه يضل يكدب عليا طول العمر وكمان حاسه انه شخص عنده انفصاام
اسفه طولت عليكم اسفه قوي ياريت تسعدوني يا اخواتي

مشاكل وحلول ذات صلة

• مجروحة وانقهرت ورحله خيانه زوجى مستمرة
• انا حامل ومعرفش كيف نقولها لوالديا
• استخرت الله بحبيبتي وحصلت بعض العقبات
• اهلي رافضين ارتباطي بحبيبتي لاني عرفتها من النت
• اهلها رفضوني وانا مش عايزها تضيع مني او تتجوز حد غيري
• اتفقنا على الزواج لكن حبنا بيقل
• هل اعتبر خائنة لحبيبي الحالي