انا بنت عندى 20 سنة حاليا من حوالى 3 سنين وشوية اتعرفت ع شاب من ع الفيس بوك الشاب دا كان ادى معايا ف ثانوى بس انا مكنتش اعرف عنه حاجة غير اكونته ع الفيس والحقيقة كنت معجبة بيه لانه جميل ف الشكل المهم انه بعتلى وقالى انه بيحبنى من لما شافنى كنا راحين تانية ثانوى لسه المهم انا فرحت جدا طبعا وف الاول رفضت وكدا بس كنت بمر بظروف عائلية مش كويسة ومكانش فى حد جمبى يوعينى فوافقت واتكلمنا فترة طبعا كأى شاب عمل كل حاجة عشان خاطر يخلينى احبه لحد م حصل وحبيته او تقريبا عشقته بقا هو كل حاجة ف حياتى وخصوصا انى معنديش صحاب فبقا هو كل حياتى وكان بيهون عليا المشاكل العائلية وبيعوضنى عن عدم اهتمام اهلى بيا وكنا كويسين وحبينا بعض اوى لحد 3 ثانوى كنت ببقا ف البيت كتير وحصل بينا للاسف تجاوزات بس ع النت انا عمرى م قابلته ف الحقيقة ولا قعدت معاه خالص كل كلامنا ع النت وكنا فيديو كول وكنا كويسين لحد م دخل الكلية وحسيته بقا متغير معايا مبقاش يهتم زى الاول وخناقتنا كترت وكل فترة كنا بنسيب بعض بس كنا بنرجع تانى دلوقتى انا ندمت ع التجاوزات دى ومنعتها وبقينا نتخانق كتير عليها هو بيطلب وانا برفض وكل م احاول ابعد عنه يقولى اخر مرة وانا هتغير انا بحبك ومش عاوز غيرك ولو مكنتش عاوزك مكنتش تجاوزت معاكى انا خجول جدا ومكنتش متوقع انى اعمل حاجة كدا مع حد وانا قلة اهتمامى بتبقا غصب عنى وهتغير وههتم وهنحاول نفهم بعض ونرجع زى الاول وكمان انا مش هقدر ابقا مع واحدة غيرك ف الجواز وكدا وانتى كمان بس بيبقا كويس هم يومين بالظبط وبعدين يرجع تانى يبطل يهتم وكل م اجى اسيبه يقولى انا بحبك وعاوزك وانا بحبه وهو كل حياتى فبرجع وبفتكرله مواقف وحاجات حلوة وبرجع عشان بلاقيه بيحكيلى وبيقولى كلام خاص مش بيقوله حتى لاهله ولما بيحصل اى حاجة معاه بيجرى عليا يحكيلى ولما يزعلنى او اطلب منه حاجة لو زهقان ومعملهاش الاقيه بعدها عملها عشان ميزعلنيش وغير كدا انى لوحدى مليش صحاب ومش اجتماعية فهو بالنسبالى صاحبتى كمان بحكيله ع كل حاجة واى حاجة بصبر نفسى واقول هستحمل لحد م يجى الوقت المناسب ليا للجواز ولو متغيرش اسيبه واتخطب لغيره بعدها بحيث يعوضنى بس انا بقيت محتاره وكل يوم بتعلق بيه اكتر وبحبه اكتر ومبقتش عارفه هو بيحبنى ولا لا طب لو بيحبنى مبيهتمش ليه طب لو مبيحبنيش مكمل معايا ليه وانا بطلت التجاوزات حتى طب بيحكيلى ليه محتاره ومش عارفه اكمل معاه دا طبيعى مثلا اكمن مش بنتقابل برا ولا هو مبقاش يحبنى اجى ع نفسى واسيبه هو خجول جدا ف الحقيقة وانا كمان وهو مش بيتعامل مع بنات غيرى وانا كمان مش بتعامل مع ولاد غيره احنا دلوقتى بقالنا 3 وشهرين مع بعض ياريت حد يقولى اعمل ايه والاهتمام اللى اقصده انه مش بيقول كلام حلو مش بيصبح ولا بيمسى عليا ممكن نبقا بنتكلم ويقوم يعمل اى حاجة ويسبنى من غير م يقولى مبيعرفش يفتح مواضيع يعنى لو انا متكلمتش هو ميتكلمش لو بعتلى صورة مثلا وانا قولتله حلوة او تغزلت فيه يقولى ميرسى بدل م يقول كلام حلو او يتغزل هو كمان فيا فعاوزه اعرف هو دا طبيعى من الرجالة بعد فترة ولا عشان مش بنتقابل
يااختي علاقتك بالشاب محرمة وغير صحيحة لازم تبعدي عنه وتقطع علاقتك به تماما ولاتجعل للشيطان طريق عليك حافظي على دينك وخلاقك وسمعتك وسمعة اهلك وكرامتهم وثقتهم فيك واياك والتفريط فيها مهما كانت الاسباب لوكان فعلا الشاب يحبك لحافظ عليك وماسمحش لنفسه بهذة السلوكيات الخاطئة معك توبي لربك واستغفريه واندم على ماحصل منك واتركيه نهايئا واهتم بدراستك ومستقبلك وربنا بيكرمك ويؤفقك في ابن الحلال الصالح اللي يستاهلك ويقدرك ويسعدك طوال عمرك وصدقيني الشاب ده بيضحك عليك ويتسلى بك وكل غرضه منك هو اشباع رغباته المحرمة فمن باب اولى انك تتركيه فورا ولاتعبيريه خالص ومع مرور الوقت سوف تنسيه تماما