أنا بنت عندي 28 سنة ومشكلتي بدأت من حوالي سنه .. تعرفت على شاب عن طريق الانترنت و في البدايه كان كلامنا عادي جدا و بعدين تطور الأمر إلى الكلام في الموبايل و كان دائما مهتم بيا و خلاني اتعلق بيه بطريقة لا توصف و بعدها اعترف أنه بيحبني من قبل مايشوفني و قلتله ازاي بتحبني من قبل ماتشوفني قال أنا حبيت الانسانة و الروح ومش مهم الشكل و أنا حبيته جدا واتعلقت بيه واتطور الأمر إلى أنه طلب مني صور و لما كنت برفض كان بيهددني أنه هيسيبني بحجة اني مش واثقة فيه وأنا كنت مغفله و بسمع كلامه و بعدين بدأ يجرني معاه بكل أسف للعادة ااسريه أيوة للعادة السرية في الأول طبعا رفضت و بكيت وهو كان بيقول لو بتحبيني اسمعي كلامي وأنا سمعت كلامه وانجريت معاه ومش عارفة انا ازاي عملت كده وكنت بعمل كده لانى كنت خايفة يسيبني و تطور الأمر بيننا إلى صور شبه عريانه منه و كان بيطلب مني كده برضه بس انا كنت برفض و لما كنت برفض كان بيسيبني وأنا اللي كنت برجعله و بقول هو اكيد بيحبني لكن بعد كل ده اكتشفت أنه خطب أيوة خطب واحدة غيري والمصيبه أنه كان بيطلب مني كده وهو خاطب و انهارت و واجهته بحقيقته و لكن هو ماردش عليا و سيبنا بعض لمدة شهر تقريبا وبعدها كلمني وأنا لانى بحبه و ملهوفة عليه حتى بعد ما عرفت حقيقته كلمته و قال انه وافق على الخطوبه علشان يرضى والده لكنه بيحبني أنا و صدقته وفضلنا مع بعض فترة بس انا كنت بغلي من جوايا ومش عارفة ازاي انتقم منه،وفي نفس الوقت بحبه ومش قادرة استغنى عنه خليته مرة وهو بيكلمني بعت رساله لخطيبته وقلت لها خطيبك بيكلمني وردي عليا وأنا اسمعك بعتتلي رساله وقالت لي ملكيش دعوة وأنا واثقة في خطيبي طبعا انا شعللت اكتر والمهم قبلنا مع بعض لكن طبعا خطيبته حكيتله على اللي حصل و هو بعت شتمني وقال إنه مش هيثق فيا تاني وقال إنه عرفني على حقيقتي و اني كنت عايزة ازله و حلف أنه هيفضحني و من وقتها بحاول أكلمه ومش بيرد عليا و لا على رسائلي .. أنا مش قادرة استغني عنه ومش عارفة انا عملت صح ولا غلط ومش عارفة اخرج من اللي انا فيه وبقول لنفسي ازاي واحد كان بيخدعني كده و باعني ازاي احبه لحد دلوقتي .. أنا حاسه انى مش طبيعيه و فكرت في الانتحار لكن خوفت من ربنا .. أنا تعبانه بكل،معنى الكلمة ومش عارفة اعمل ايه حواسه ان الدنيا سودة في عيني واللي تاعبني أكثر ان هو اللي سابني و بقيت أنا الوحشة بعد كل اللي عمله فيا ..ارجوكم ساعدوني أنا بضيع و ربنا يعلم أنا بكتبلكم ازاي .. ارجوكم محدش يقسي عليا
السلام عليكم ..اختي اياكي ان تفكري بالانتحار ..اوعك ..الانتحار يوصلك لجهنم والعياذ بالله …اتركي الشاب وشأنه هو يريد ان يلعب معك وان يوصلك للحرام اتركيه وتوكلي على الله ..والله سيكون معك ويبعث لكي من يفرح قلبك بالحلال ان شاء الله
يااختي كلنا بنخطي وماحدش منامعصوم من الوقوع في الخطيئة انت وقعت في 3اخطاء الاول- تعرفك على الشاب من خلال الانترنت وهي طريقة محرمة شرعالاتجوز ولايعول عليهالانها علاقة كذابة ومخادعة وليست الااوهام وسراب تجري وراءه البنت من غير ماتعلم حتى تحدث الكارثة وتقع في المصيبة عندها تعرف انهاكانت غلطانة ولم تحسن التصرف وتندم ساعة مايفيدفيه الندم الثاني- ارتكبت معه المحرم وهو ممارسةالعادةالسرية وبكل الصوروالاوضاع وده مثل الزنا والعياذبالله الثالث – علمت انه خطب امراةغيرك وبرضه استمريت في العلاقة معه وتماديت في الاتصال به لماذالم تقطعي العلاقة به نهاية وللابد حل كلهذي التصرفات والافعال الغيراخلاقية التي وقعت فيها يتطلب اولا التوبة الصادقة مع الله وكثرةالاستغفار اليه والاقلاع عن الذنوب والمعاصي نهايئا والندم على مافات وعدم الرجوع له ثانيا-قطع علافتك بهذالسافل الحقير الواطي الخبيث نهاية وبلارجعة ثالثا- تشيل من بالك فكرةالانتقام منه لانك ممكن تضري نفسك وتجلب العاروالفضيحةلك ولااهلك قديكون الشاب يستغل صورك وتسجيلات مكالمتك ويفضحك امام اهلك اوينشرها عبرالنت رابعا- غيري رقمك وايمليك الى رقم جديد ولاتعطيه لاي احد وصوني شرفك واخلاقك وتربيةاهلك لك وانسي ماحصل لك في السابق وربناعزوجل بيكرمك وبيعوضك بخيرمنه وتلاقي الزوج الصالح ابن الحلال اللي يطرق بابك ويستاهلك ويقدريسعدك طوال حياتك
لأ متبعتيش التسجيلات لاني لو بعتيها هو كمان ممكن يكون عملك تسجيلات وطبعا فضيحه البنت اكبر من الولد والولد عادي يعمل كده ده في الاول والاخر ولد اما البنت سمعه وشرف وعادي لو متغاظه اوي قربي من ربنا وابدءي حبي بس ولا عالنت ولا علي الموبايل وبعدين الحب بالقلب مش بالكلام
انا تقريبا فى نفس المشكلة انا شاب 21 وبحب واحدة على نت وبرضو خطبت لاكن سبت خطبتى وسصرحت حبيبتى بكل حاجة ودلوقتى انا تعبان موت بسبب مشاكل عائلية من سنين وشخصيتى اتغيرت نهائيا
انتي عملتي كدة لانك حبيتيه بصدق لانك اول مرة تحبي عشان كده التخلص من حبك ليه يكون صعب ولكن مع الايام راح تنسيه و موش راح تحبي تاني ابدا
ارجوكم يا جماعة أدعوا لي أنا نفسيتي تعبانه وعارفة اني غلطت بس انا والله انسانة،كويسة،وبنت ناس وهو ده اللي تاعبني اني طول العمر محترمة،و لما غلطت هو،ماقدرش و رماني زي أي واحدة جابها من الشارع .. أنا مش عارفة اعمل ايه عشان انساه أنا،حاسة ان حياتي مدمرة وهو عايش حياته و مرتاح و كتير بفكر ازاي يبقى هو ظالمني بالشكل ده و في منتهى السعادة وأنا اللي مظلومة ازاي مش قادرة أكمل حياتي ارجوكوا حد يرد عليا .. أنا حاسة اني مريضة بسبب اللي شوفته منه كان بيهينني وارجعله ويقفل السكة في وشي،وارجع له وعرفت أنه خطب غيري وبرضه رجعتله .. هو أنا ليه عملت في نفسي كده؟ وليه كنت ضعيفة ومازلت بالشكل ده؟ وليه هو عمل معايا كده؟ ارجوكم ادعو لي أن ربنا يريحني
الدنيا مليئه بالغدر لكن خذي الحل مني اسمعي جيدا ……. داومي لى الوضوء حتى في غير الصلاة واكثري من الاستغفار وكاماتذكرتيه وحسيتي بالالم افزعي الى الصلاة وادعي الله ان يصرفه عنكي وتصرفيه عنك والله لاذن خلا ل اسبوع حتشوفي فرق كبير واكثر من لا حول ولا قوةالا بالله
ابعدي عنه نهائيا وابتدئي حياه جديده مع ربنا ومع القراءن وشوفي الفرق بين حياتك مع واحد خاين ولا حياتك الاخري مع ربنا اللي محدش عمره قالو يارب وخذله
أنا بشكر كل اللي ردوا عليا و وقفوا جنبي في مصيبتي و ربنا مايوريكوا اللي انا فيه بس انا شبه مش بنام ولا قادرة أعيش ونفسي انتقم منه وافضحه واعرف خطيبته حقيقته وعندي ليه تسجيلات توديه في داهيه ارجوكم ساعدوني ابعتها ولا لأ .. أنا نفسي انتقم منه واعرفها حقيقة الملاك المزيف .. اللي قاهرني أنه عايش حياته ومبسوط ولا كأنه عمل حاجة.. ارجوكم أدعوا لي وحسبي الله ونعم الوكيل
الأخت الفاضلة صاحبة المشكلة – الحقيقة انتي غلطي ثاثة أخطاء الخطأ الأول الحب من النت – وده عالم غريب بتتكلمي مع حد متعرفيش عنه حاجة ممكن يكون متجوز ومخلف مثلا او له أي ظروف تانية يحةطه الغموض وعلي أرض الواقع هو خطب وسابك هو ممكن يستمر معاكي ويخدعك ويقولك هيتجوزك ويكذب عليكي ويألف اي كلام متعرفيش هيفبرك كذبه ايزاي هو كل اللي عاوزه يتسلي بيكي ويصورك وياخد مزاجه منك ويسيبك – الخطأ الثاني انتي عرفتي انه خطب واستمريتي معاه – طب عاوزة منه ايه – الخطأ الثالث انك طاوعتهخ بعمل العادة السرية والاوضاع المخلة اللي بيهددك بيها – حب النت غلط في غلط – فيه رجاله بيعملوا دردشة وهما متجوزين ويسايروا البنات الصغار وممكن يعملوا ستات ويهرجوا – ومحدش شايف حد وكله بيضحك علي كله – احمدي ربنا انك عرفتيه علي حقيقته في الوقت المناسب وانك لسة مخسرتيش حاجة لسة بشرفك وسمعتك – حافظي علي شرفك وسمعتك – واملئي فراغك بالتقرب لربنا سبحانه وتعالي واقري قرأن وصومي وصلي واستغرفي ربنا – وانتي مش صغيرة بلاش تقعي في الخطأ – اصحي قبل الفجر وادعي ربنا بكل ما تتمنيه وصلي لله وربنا يستجيب ليكي – ربنا يوفقك وكل عام وانتم بخير
اقفلي الصفحة بتاعت حياتك معاه دي يا ست البنات وابدأي من جديد لكن بشكل انضف وانتهى الموضوع
يا بنتي هو مش بيحبك وبيتسلي بيك سيبك منه نصيحه منى ليك لانه خاطب وانتى غلطى جداا لما بعتى الصور