الحب وفارق السن

انا اكبر منه 3 سنين واهلي رافضين تماماً

بحبه وهو اصغر مني بـ 3 سنين وكنت مستنية لما يدخل كلية محترمة عشان اعرف اكلم اهلي وهو كمان يقدر يكلمهم , لكن حصلت ظروف فجأة وجالي عريس كويس واضطريت اني اقول لاهلي وطبعا الموضوع اترفض تماما زي ما كنت متوقعة بس حسيت باحباط جااااامد وحسيت ان كل الدنيا اتقفلت ف وشي انا بجد بحبه جدا ومش متخيلة اكون لغيره , انا كان في شباب كتير بيحاولوا يقربوا مني وكدة وحسيت ان فيهم حاجة ناقصة او مش مستريحة معاهم بس انا مش عارفة اقنع اهلي خالص . بس بردو هو لسة في ثانوي وكدة ومينفعش بس حتى رافضين اني استناه لاني بنتهم الكبيرة وعايزين يفرحوا بيا , قلت لهم هتفرحوا لما اكون مبسوطة معاه بيقولوا لي استحالة تكوني مبسوطة معاه 🙁
انا مش عارفة اعمل ايه , اصحابي قالوا لي اني لو جه عريس او كدة وعاجب اهلي ابقى اقابله عشان ارضيهم وبعد كدة اقول لهم اني مش مرتاحة او كدة
وافهمهم ان موضوع الحب بتاعي مقفول , ومش افتحه خااااالص غير لما يدخل كلية كويسة ويعرف يدخل بيتنا
بس كمان بابا بيقول انه لسة قدامه جيش وبتاع وعلى ما يشتغل كمان ويكون قادر يصرف عليكي
بس اهله اصلا ماشاء الله مقتدرين ويقدروا يجهزوا لنا شقة وكدة على ما هو يخلص كليته
انا مش عارفة اعمل ايه !
انا راضية استناه الـ 6 او الـ 7 سنين دول والله وراضية اعيش معاه على قدنا لحد ما ربنا يكرمنا بس اهلي مش موافقين خالص وبيقولوا عشان مصلحتك وسعادتك وهما مش عارفين ان سعادتي مش هتكون غير معاه هو مش مع غيره