انا فى 3 ثانوى و هو ادى و معاية فى درسين فى الدرس كلنا بنتكلم عاكى كا صحاب مش اكتر بس هو كان بيبوصلى جامد اوى لحد ما مرة قلى انو معجب و بيحبنى انا مردتش علية و بعد فترة صحبتى ادتو نمرتى و بعدين انا لحظت ان فى دباة فة السلسة اللى فى رقبتة لما سالتو عليها قالى انو كان بيحب بنت قبلى بس هى ماتت و لنو مش عيقلعها خالص طبعا انا قدرت دة و سكت و بعديها بفترة لقيتو لبس الدبلة دى فى ايدة متكلمتش بردو بس هو كان بيكلمنى فى الموبايل كويس اوى و من يومين كلمنى و كان كويس اوى معاية بعدين قالى انا هقفل و نتكلم بعدين علشان هو هيقعد مع صحابو شوية المهم متصلش بيا تانى يوم انا اتصلت مردش خالص طول اليوم و بعدها بيوم كمان بقى يكنسل عليا و امبارح اتصلت تانى رد عليا و قالى انو تعبان اوى و عندو مشاكل و مش بيرود على حد اصلا و رد عليا علشان يطمنى بس اعدت اتكلم معاة قالى انا من يوم ما عرفتك و انا فى مشاكل طبعا انا استغربت اوووى قولتو انا قالى اة قالى انتى كل حاجة فيكى بتفكرنى ب (ع) اسلوبك كلامك حتى شكلك قلى انا بحبك و حياة ربنا اللى احسن منى و منك و قالى كلمة جرحتنى قوى قالى يا ريت (ع) كانت معاية دلوقتى بجد بتمنى تكون موجودة و انا علشان مقدرة انو تعبان نفسيا سكت بس عيط من غير ما احسسة و بعدين قولتو لو انا وجودى هيتعبك و يعملك مشاكل مع العلم انو عامل مشاكل معاهم فى البيت لانو مش بياكل و مكتئاب قولتو لو كدة ممكن ابعد و اسيب الدرس و اروح درس تانى بس هو قالى لا بجد مش فهمة حاجة اعدت فكرت قولت احاول انسهالو بي المشكلة انى بفكرو بيها يعنى مش هعرف انسية انا بجد متعذبة و كلمتو النهاردة اطمن علية كلمنى بس حسة انو مش طيقنى والله بيكلمنى بيبقى عايز يقفل مع العلم انى مكنتش بتصل بية خالص و هو اللى كان بيتصل ديما اختى قالتى متكلمهوش و سبية انا بجد تعبانة اوووووووووووووووى و معرفش مش فهمة حاجة و مش عرفة اعمل اية ؟ و اكلمو على موضوع الدبلة اللى لبسها فى ايدة ؟ و اسالو هو دلوقتى بيحبنى ولا بيحبها ولا لا انا متوترة و حالتى متدمرة بجد ساعدونى بلييييييييييييييييييييييييييييييييييز
🙂
مشاكل حب المراهقة
بيحبنى عشان شبه حبيبته اللى ماتت
اضيف بتاريخ: Saturday, December 10th, 2011 في 09:55
كلمات مشاكل وحلول: الحب, بنت, حب المراهقة, مشاكل الحب
كل اللي قاله الشاب لك كدب اوعي تصدقيه واحفظي كرامتك وعزةنفسك واقطع علاقتك معه فورا لانومايستاهلك وربك بيكرمك بخير منه يقدرك ويسعدك
حبيبتي كذااااااااب .. حبيبتو ماتت يوم بيلبس دبلة يوم سلسلة .. بتوقع حب وحدة وجرحتو هيك بتوقع .. فعشان ينساها قال ماتت .. بس ما بتوقع .. او مافي حبيبة أصلا بس مشان تشفقي عليه ..انتي يللي بيناسبك عمليه بس لا تخلي الكلام يأثر عليكي
بصى يا اختى انا لو كنت مكانك كنت اكيد اكيد مش هقدر اكمل معاه لان استحاله اقدر انى اكمل حياتى مع واحد بيعتبلرنى مجردبديل او انى بفكره بحبيبته ده احساس يوجع كتيييييييير كده هو مش بيحبك هو لسه متعلق بحبيبته كتير
حولى انك متتمسكيش بية غير لما ينسى امر حبيبتة اللة يرحمها وربنا يكون فى عونةولو قلك اى كلمة تجرحك اعذرية هوا يمكن مش حاسس بيقولك اية
انا من المغرب انا كمان حصل لي زي المشكلة دي تماما بس انا قلت له انو لازم نفترق لكي اعرف ردة فعلو بس هو قال لي لازم نبقى اصدقاء انت حبيبتي حاولي تشليه من بالك لانو ما في حدا يستاهل تبكي عليه او تضيعي مستقبلك انا مريت بنفس التجربة بس كنت حاطة عقلي براسي لانو ما كان بدي اتخد قرار اندم عليه بعدين انت مازال الحياة قدامك انا انصحك انو تفكري كويس
سيبك منه خالص
انا صاحبة المشكلة شكرا ياسمين ربنا يتمملك على خير و مبروك مقدما اعزمينى بقى ادعيلى امانة عليكى ربنا يستر 🙂
حبيبتي اللي يكدب اكيد هيكدب مليون مرة وده لسه ضغير يعني ميقدرش يخطبك ولا يتجوزك دالوقت خالص صح واهم حاجه في العلاقات اللي زي دي الصراحه علي فكرة انا مخطوبة وكنت اعرف خطيبي قبل الخطوبه وفضلنا نتكلم سبع شهور قبل الخطوبه هو صريح معايا جدا علشان كده علا قتنا نجحت واتخطبنا وهنكتب كتابنا الشهر الجاي رغم ان خطوبتنا بقالها شهرين بس بس اساس نجاح علاقتنا هي الصراحة من الاول فكري شويه قبل ما تتسرعي ومتخديش قرار وخلاص شوفي الصح فين واعمليه لان قرارك ده هيحدد مستقبلك معاه وبلاش تخدي قرار وبعدين ترجعي تندمي عليه وتدمري نفسيتك اتمنالك التوفيق دوما في حياتك ومستقبلك وربنا يرزقك بانسان كويس ويستهلك
انا صاحبة المشكلة شكرا اوووووووووووى يا ياسمين بجد مش عارفة اقولك اية بس والله ما لمسنى ولا خرجت معاة والله اعلم بكدة كويس المهم يا جماعة انا كتبت قبل كدة مفاجئة بس مظاهرتش يا ريت المرة دى تظهر المهم يا جماعة منار طلعت مش ميتة عايشة زى زيها و انا اتصدمت جدا من معرفة حاجة زى دى المهم انا اتكلمت معاها البنت اسلوبها مش زى خالص زى كانها وحدة متجوزة كدة يعنى فاهمة كل حاجة قصدى و اسلوبها يموت اللى قدمها المهم كل كلمة قالتها كانت بتحرق دمى بس مردتش ارد عليها و سكت و كانت صدمة اصلا كلمتنى عن محمد قالتى هو كويس و تقدرى تطمنى على نفسك معاة وان محمد اصلا ميهمهاش لانها بتحب واحد تانى ناو و ان محمد مينفعهاش هى كمنار يعنى و كلمها كلة قتلنى اخر الكلام قالتلى ان محمد بيعشق حاجة اسمها منار و كون انة لسة بيدور عليا و عايزنى دى مشكلتك مش مشكلتى ف قولتلها تمام باى دى بكلمها دة و اسلوبها اصغر منى بعدين تانى يوم انا رحت الدرس قولت لمحم كل شى انتهى يا محمد مكنتش احب انك تطلع كذاب قدامى ابدا بعدين هو كلم اختى الكبيرة هى 26 سنة و عارفة نى كل حاجة و اهل محمد بردو عارفين هى قالتلو محمد كفاية لحد كدة اية تعبت بجد انا بعدها باسبوع او اكتر كنت مش بتكلم مع اى حد خالص لانها صدمة والله بجد خصوصا نة اول حب لية بعدين هو مركز اوى معاية فى الدرس و لو كنت تعبانة او متضايقة بيكون متضايق زى او اكتر صحابى بيقولو انة ندمان و انة بيقول انى محترمة اى وحدة تانية كانت ممكن تغلط فية بس انا مقدرش اغلط فى حد و صدمتى كتمتها جواية المهم هو شكلة عايز يرجع طبعا انا مش عرفة يعنى سعات اقو لا خلاص انتهى و سعات اقول هرجعلو بس بشروط ف اعمل اية لو حاول ارجع ولا لا و لو اة اية الشروط ياريت تسعدونى فى اسرع وقت و صدقونى هعمل بالنصيحة شكرا 🙂
وهل يعقل ان الانسان يغير من حد متوفي هو يظهر كا ن متعلق بحبيبتة شويه رحمها الله ولكن مع مرور الايام هينساها وحكاية الدبلة دي ممكن تعتبريها دبلة عاديه ومتفكريش انها منها دي انسانه ميتة مينفعش تلوميه خليكي معاه للنهايه ولو منيسيهاش يبقي محبكيش وسيبيه لانه كده واخدك مجرد بديل لانه انتي حد شبيه لحد كان غالي عليه وتذكري اني قلت كان غالي يعني في الماضي
السلام عليكم يا اخواني اول شي كل مشكله ولهل حل وكلام اختي رودي صح احنا هنا بنقدم مساعد او نصيحه اللي اي حد عندووا مشكله اللي عندي كلمه كويس يقوله ولي ما عندوو مشكور بس من غير ما نتريق علي حد او علي مشكلتها لان صاحب المشكله بيكون في نار وتعبان يبي حل وبعدين اخوي طيار انك تحب ما هو عيب المهم يكون حب طاهر مش كل اللي الحب معناه مو محترم معناها اخوي الناس كلها مش محترمى في نظرك اخوي طيار حاول انا تعطي نصيحه ولا تجرح مشاعر غيرك وان شاء الله خير
الاول يا جماعة لازم تعرفهان كل واحد ليه راحته انه يلبس سلسله ولا يلبس
انسيال ولا خاتم طلامة هي فضة فهي مش محرمة وطلامة هي مش محرمة يبقى كلام الناس ميساويش حاجة
عندوا وبعدين انتوا جيين تحلوا مشكلة ولا جيين تتريقوا على الناس
والمفروض المطلوب منكم وجة نظر مش تريقة
وده حل ممكن يكون صح وممكن يكون غير مناسب
انك حتى لو كنتي شبه حبيبتوا فخلاص هي توفت ومش موجوده
لو هو فعلا عايزك وشريكي ينسى اللى فات ويعيش معاكي هو كده مخنش حبيبته اللى ماتت
بالعكس هي ممكن تكون سبب عشان يحبك ويعيش معاكي ويعجب بيكي
يا ريت تفهميه ان الحياة مش بتقف على حد وانها بتستمر طول ما القلب بينبض
ولو حسيتى انه فعلا اقتنع وقرر ينسه اللى فات ويبداء حياه جديدة
فمعنى كدة ان الموضوع منتهاش لان عليكي انك تنسيه اللى فات بالحب الصادق
والاحساس والتفاهم والحياة السعيدة ولو مقتنعش وعقلة فعلا توقف عند الماضي
فياريت تعيدي حساباتك وتبدائي بالاختفاء من حياته لانه لو منساش يبقى ديما
هيعمل مقارنة بينك وبين (ع) المتوفية ونسال الله لها الجنة والغفران
انا صحبة المشكلة بجد بشكرك جدا يا رودى شكرا بجد انت انسان محترم 🙂 🙂
انا صاحبة المشكلة اولا انا بشكر كل الناس المحترمة اللى نصحتنى انا الحمد لله نهيت الوضوع زى ما قولتولى و بالنسبة للناس اللى اتكلمت وحش عليا انا الحمد لله وثقة فى نفسى و بذاكر و جبت فى 2ث 94.9% و هو كان جايب 88.4% ة احنا الاثنين ادبى والله انا بجد اسفة انى قولت المشكلة كنت بس عايزة نصيحة معرفش انى هضيق ناس والله اسفة بس انا لو وحشة مكنتش سالت اعمل اية و مكنتش طلبت النصيحة بجد انا تعبت فترة بسبب الكلام دة و كنت مش قادرة حتى ارد يا ريت متنصحش حد كدة حتى لو انت صح هعاند معاك فبلاش لما تحب تصلح غلط مبفاش باسلوب غلط انا بجد حبيت اعرف راى الناس و الحب مش عيب و بعدين باريت تختار اسلوبك و بلاش غلط او متنصحش انا طبعا هحترم رئيك و سنك و شكرا اوى و اسفة تانى
اختي اسئلي عليهي من بعيد من شخص موثوق واعرفي حقيقته هل كانت لديه علاقة مع وحدة وتوفيت مثل ماقال لكي او انه يكذب ووجدها حجة لتتعلقي به
لاتتصلي به وان اتصل بكي كوني حذرة ولا تتلفظي بشيء تنذمي عليه .وان قال يحبكي و…. اطلبي منه ان يتقدم لخطبتكي وان تحجج ابتعدي عليه ولا تشوهي سمعتكي معه ارجو التوفيق
بصي يا توته انتى مخدوعه اوى اوى هو اي ده اللى شبه حبيبته اللى ماتت .. انا حاسه انه مسلسل مكسيكي
واما انتو لسه فثانوي حبها امتى ؟؟ وهما في اللفه
وانتى لازم تبقى جوهره مش معنى انه بصلك اوى في الدرس وقالك انه معجب يبقى هو معجب
كمان اوزنيها كده ازاى بيقولك انه بيحبك اوى بعدين يكنسل عليكي وعايز يقفل ؟؟
احلى حاجه صدقيني انك تتقلي ومحدش يقدر يوصلك .. الحل بين ايديكي امسحي نمرته من عندك بس قبل ماتعملى كده اتصلي بيه قوليله انا هنسحب من حياتك وربنا يرحم النونه اللى كان بيحبها وانك متقبليش تتهانى اكتر من كده وانك عرفتي حد تانى هيقولك مين قوليله عرفت ربنا وبخاف من يوم الحساب .. وخلى اول كلام حلو تسمعيه يبقى من جوزك مش من حته عيل ميسواش ومتتوقعيش ابدا ان ربنا يبارك فعلاقتك معاه لانه مش راضي عنها اصلا .. بالله عليكي رضا ربنا ولا رضاه هو .؟ ربنا لما بيحب عبده بيحبب فيه ملائكته وخلقه .. غيري الدرس اللى بتاخدي معاه واحرقي الشريحه بتاعتك .. ده لو انتى فعلا عايزه حل لكن لو عايزه تكملى معاه وتتعبي اكتر من كده براحتك .. يارب تسيبيه وشدي حيلك وفرحي اهلك .. ربنا معاكى يا توته
الله عليك يارايق والله انت برافو عليك
انا ببقى سعيدة لما بشوف الردود الجميلة دي بحس ان فيه رجاله موجودين في مصر
يااخي مش عارفة ايه السلسلة اللي بتتلبس دي مش مكسوفين منها يبقوا زي البنات
انا سألت جوزي انت لبستها قبل كده كان هيضربني ههههههههههه
اصله شرقاوي يعني الشراقوة ولاد عم الصعايدة
ولا البنات الخايبة اللي راحة تحب
يالهوي ده احنا مكناش بنات بأه والله انا خايفة على البت بنتي لتبقى هايفة زي البنات دول عندها لسة سنة والله حاملة همها من اللي بيحصل ده الله يسترها علينا وعلى كل الناس ويستر على بناتنا مسلمات ومسيحيات
اخويا الطيار الرايق انا اختك في الله اللي في الامارات اطمنك اني الحمد لله بخير وعملت سونار وربنا هيكرمني بازنه بولد وهسميه ياسين بازن الله جوزي نفسه في يوسف وياسين
عندنا يوسف وياسين جاي بازن الله بس ادعوا لي ربنا يكملي على خير
وانت ربنا يرضى عنك ويكرمك ويسعدك ابقى طمني عليك
مع السلامة
صباح الخير الاخ جنوبى يارب تكون بخير وانابشكرك على تعليقك على ردى وانا على فكره قاهرى مش صعيدى بس الصح ياريس مبيتقالش عليه غلط وكلنا عندنا بنات واخوات وكل شئ ولاكن معندناش المشى على حل شعرها بالطريقه دى عندنا بناتنا كلهم درجات 98% نجاح فى الدراسه ده سببه ايه الالتزام وشئ تانى اهم الادب راحه جايه فى حالها ملهاش دعوة بحد من البيت للكليه ومن الكليه للبيت او لقرايبنا وبس صباح ورد / المحامى
الطيار الرايق very goooooodقولت اللي عاوز اقولو باين عليك راجل صح وصعيدى وحمش وعندك نخوه
بصى يا موزة هو باين عليه كان بيحبها اوووى بجد و هو متاثر بيها لحد تاو فا انتى تسبيه خااالص لح ما يهدة و المشاكل اللى هو فيها دى تخلص و مكلمهوش غير لما هو يجى يكلمك غلشان يكون هدى كدا و عرف يفكر و انتى كمان تكونى عرفتى تفكرى كويس فى الموضوع ده و هل انتى هتقدرى تعيشى معاه و هو بيحبك علشان انتى شبه البنت اللى كان بيحبها ولا لا و ده رائى
يل طيار يا رايق دى مش طريقه تنصح بيها حد اوك يا ريت تتعلم تنصح أزاى. وحط نفسك بدالها