الحب قبل الزواج

عمل حبيبي عقبة امام الزواج

اضيف بتاريخ: Monday, January 23rd, 2012 في 17:27

كلمات مشاكل وحلول: الحب, الزواج, مشاكل الحب

10 رد to “عمل حبيبي عقبة امام الزواج”

1. مجنون نسوان

   

   22/02/2016 at 22:06

   يادكتورة يامحترمة هل من الدين والتربية والاصول انك تعرفي الشاب من غيررابط رسمى ومن وراءالاهل يوسفني ان اسمع هذالكلام من وحدة دكتورة متعلمةومثقفة بلاش نضحك على انفسناونبنى احلام وردية لحياة اساسها من الاول مبنى على الغلط لازم تعيشي الواقع وتعرفي ان الحب شئ والارتباط والزواج شئ اخرمختلف استحالة اهلك يوافقواعلى الشاب لاختلاف الفوراق بينكمافي المستوى التعليمي والاجتماعي والثقافي والتفكيري صدقينى مابقولش لك الكلام ده عشان احطمك او اقف عثرة في طريقكما لا لكن دي الحقيقة اللي لازم تعرفيها وترضي بها حتى لوالاهل فرضا وافقوا وتم الزواج بينكما صدقينى اول مشكلة تحصل بينكما سوف تولد العديد من المشاكل والخلافات والتباعد بينكما وتودي بكما الى مفترق الطرق وهوالانفصال والطلاق السريع الحياة والمعيشة صعبة زيماانت عارفة والغلاءوارتفاع الاسعار اصبح يثقل كاهل حتى الاثرياء فمابالك بالناس البسطاءمثل هذالشاب اللي يكافح ويجاهد من اجل لقمة العيش له ولمن يعوله من الاهل اتمنى انك ماتتسرعي في الارتباط به والافضل تنسيه وتخبريه بالحقيقة ان كل شئ قسمةونصيب وكل منكما ينام على الجنب اللي يرتاح له وتحياتي لك
2. الطائر الحزين

   

   15/02/2012 at 16:29

   عزيزتى المعذبه اولا ربنا يبارك لكما ان شاء الله ثانيا مشكلتك ان شاء الله بسيطه والحل فى يدك من كلامك الواضح ان خطيبك بيشتغل وهو بيكمل تعليمه لانه لسه مدخلش الجيش يعنى السن لسه ضغير انتى ممكن ترفض اى عريس دلوقتى لحد ما يخلص ويشتغل الشغلانه اللى اهلك يرضوا بيها وده كلامك انه قدامه فرص كويسه اما بالنسبه لتعبه دلوقتى فهو لازم يستحمل ولازم ينعب لان مفيش حلاوه من غير نار ومفيش مستقبل كويس من فراغ يعنى هو ان شاء الله لازم يتعب دلوقتى شويه علشان بعد كدا يقدر يفوز بيكى ويفوز باهلك وان شاء الله المستقبل الكويس وربنا يوفقك ومتستعجلليش على الجواز قوى دلوقتى
3. حازم الاهلاوى

   

   30/01/2012 at 23:29

   اختى
   ما شاء الله عليكم ربنا يزيدكم حب
   شوفي .. نتكلم من ناحيه الشغل دلوقتى ..
   خطيب ده راجل يعني المفروض انه يستحمل اى ضغوط من نواحي الشغل
   من مدير من رئيس حتى من المشرف المعفن ..
   انا بشتغل في دوله اوروبيه من وانا عندى 17 سنه ودلوقتى عندي 20
   مستحمل قرف وضغط اى حد فوق من في الشغل رغم ان فيهم ناس زباله بس لازم نستحمل عشان نوصل
   لانى حاطط في دماغي انى هوصل باذن الله .. وهبقي مكان واحد منهم
   يعني اهم حاجه انه خطيبك دلوقتى متحمل المسؤليه مش عيل سيس دي نقطه حلوه
   بيحبك وبيخاف عليكي تمام جدا
   بس في مشكله متخلفه جدا في مجتمعنا الشرقي عندنا اغلبيه والدينا يقولك
   انا بنتى دكتوره ..يبقي لازم تتجوز دكتور زيها
   انا بنتى مهندسه ..يبقي لازم مهندسه زيها
   انا بنتى كذا يبقي تتجوز كذا
   ميعرفوش ان ممكن بنت تكون دكتوره وتحب واحد عامل نضافه عشان بس هو راجل وجدع وقلبه طيب
   دلوقتى المشكله عندك ايه ان بنسبه كبيره والديكي ممكن ميوافقوش
   عندك حل
   كلمى اى حد من قرايبك يكون ليه تاثير خصوصا على باباكي
   لو مفيش حد من العيله شوفي حد من اصحاب باباكى يكون صديق مقرب ليه ويعزه جدا
   اضغطى ع مامتك وخليها تكلمو في الموضوع ده علطول .. تمام
   وانتى كمان لازم تعملى كدا وقوليله انا لو متجوزتوش هعمل في نفسي كذا وكذا
   بس طبعا انتى مش هتعملى حاجه مجرد محاوله بس
   اذا موافقش نهائي لا قدر الله يبقي مفيش غير انك تستسلمى للامر الواقع
   مش انتى او واحده متاخدش اللى بتحبه ولا هتكونى اخر واحده
   ربنا يكرمك ويجوزك اللى بتحبيه
4. نوسة

   

   30/01/2012 at 19:43

   شوفى ياحبيبتى مشكلتك دى يؤسفنى اقولك ان حلها صعب بس انتى حاولى تعملى اللى عليكى واللى ليكى نصيب فية هاتشوفية ياعالم بكرة مخبى اية بمعنى انك تصبرى علية لحد مايتخرج ويشتغل شغلانة معقولة وحالة يتصلح شوية وبعدين يتقدملك قبل مايروح الجيش وتحاولى انك تقنعى اهلك انك بتحبية وتبقى تساعدية فى المصاريف لو بتشتغلى اما بقى لو حظة كان سىء واتخرج ومالقاش شغل معقول وحالتة المادية اتحسنت فصعب اقولك برضة تتجوزية لان الجواز مسئولية كبيرة لو اتجوزتوا وحالتة المادية بالشكل دة هاتحصل بينكم مشاكل هاتخليكوا تكرهوا بعض فى النهاية وتندموا انكوا اتجوزتوا بس لو حصل كدة بعد الشر مش لازم تتجوزى حد انتى مش بتحبية لان دة حرام يعنى حاولى تسمعى لصوت القلب والعقل مع بعض مش القلب بس وحبيبك دة يستاهل انك تستنية وتقفى جنبة لحد مايتخرج عشان حرام يعمل كل دة عشانكك وانتى تسيبية حد عالم مش جايز لما يتخرج ربنا يرزقة بوظيفة كويسة ويشتغل ويتقدملك وانتى كمان تشتغلى وتساعدية مادام بتحبية واهلك يوافقوا وتبدئو حياتكم على قدكم وحبيبك دة لو راجل ومتحمل المسئولية بعد كدة مع تقدم الزمن هايكون عندكم كل حاجة انا اعرف ناس كتير اتجوزوا على قدهم وبعد كدة ربنا كرمهم وبقى عندهم كل حاجة مش احسن لما تتجوزى واحد يجيبلك كل حاجة وانتى مش بتحبية ساعتها مش هاتحسى بطعم اى حاجة عشان كدة اصبرى وادعى ربنا يكون من نصيبك وحاولى تفكرى بقلبك وعقلك فى نفس الوقت واعرفى ان ممكن ربنا يكون كاتبلك حاجة عكس ارادتك وتكون خير ليكى وانتى مش عارفة يارب لو كان خير ليكى يجعلة من نصيبك ومايتكسرش لاقلبة ولاقلبك ويرزقة بالخير ويتمم حكايتكو بالخير امييييييييين يارب العالمين
5. Osama Tawhed

   

   29/01/2012 at 07:51

   اختي : سوف ارد عليكي من منطلق العقل والمنطق ومن واقع تجارب كثيره ايضا .. فلا احد يستطيع ان ينكر قيمة الحب في الحياه الزوجيه ولكن لابد ان يكون هناك تكافؤ في كل شئ .ز لان الزواج ليس زواج ولد من بنت فقط فهو ارتباط عائلتين سويا فلابد ان يكون هناك توافق بين العائلتين او علي الاقل ليس هناك فوارق كبيره … ارجوا ان تسمعي لصوت العقل حتي لاتندمي بعد فوات الاوان ….. فأنتي امامك المستقبل كبير وسوف تقابلين من هو احسن منه واوسم منه بمركزك ومكانتك العلميه .. وسوف يكون هذا الشاب متوافق معكي في كل شئ …ولكن مع حبيبك هذا اعتقد بل اجزم بان هذه العلاقه مصيرها الفشل والندم .. وحتي لو تم زواجك منه سوف تندمين طوال حياتك صدقيني انا ليس لي مصلحه ولكني اكبر منك وعندي درايه كبيره بالحياه … الكلام الذي نقرأه ونشاهده في الافلام شئ والواقع شئ تاني مختلف .. فلا تخسري نفسك واهلك وكوني صؤيحه معهم ….وتكلمي مع حبيبك هذا بأن ليس هناك اي تكافئ .. او لاتتكلمي نهائيا فلابد ان يعرف هو من تلقاء نفسه بأن لايستاهلك لانه تقاعس واهمل في تعليم نفسه وذاته ليس من اجلك فقط ولكن من اجل نفسه ايضا … وربنا يوفقك
6. واحد من الناس

   

   25/01/2012 at 23:44

   حاولي تعرفي اهلك ان مصلحتك في جوازك ليه … ولو عايزينك مبسوطة يوافقوا عشان دي الحاجة اللي هتفضلك طول عمرك منه (( الحب )) … و هو الشخص الوحيد اللي هيحتويكي
7. همسات حب

   

   25/01/2012 at 10:49

   الأخت العاقلة والعزيزة أنا قرأت بالفعل مشكلتك القديمة وايضاً هذه المشكلة ونصيحتي ليكي أنك أوعي تكدبي على أهلك أو تبدئي حياتك بكدبة مهما كانت صغيرة واصبري انت وحبيبك لغايت ما يخلص الكلية وساعتها هيكون معاة بكالوريوس تجارة ويقدر يتقدم بشهادة وبشكل كويس ويقول لوالدك انة معاك بكالوريوس تجارة وانة أكيد قدامة فرص كويسة انة يشتغل في مجال كويس ومحترم وانة حد محترم وتعب كتير علشان يكون معاكي وساعتها اكيد اهلك هيقتنعوا ويوافقوا طالما انت بتحبية وعايزاة وبالذات لما يتأكدو من حبك لية تقبلي تقديري وأحترامي
8. توتا

   

   24/01/2012 at 20:08

   انا هقولك كلمة واحدة بس اصبرى ان الله مع الصابرين ولو ليكى نصيب فية هتاخدية ومتفتحوش الموضوع غير لما يخلص جيشة ويقرر مستقبلة وربنا معاكى
9. عجايب يا دنيا

   

   24/01/2012 at 15:29

   انتي عارفه انتي لو سبتيه لاي سبب من الاسباب حت لو السبب اهلك مش هتلقي زيو تاني دة غير انو هيموت من اتعب عشانك انتي ايه هوة بيحبك وبيعمل دة عشانك واكيد متعلم طبعا طيب انتى لو بتحبيه هتستنيه موافقه اهلك هتكون فى اايدك جيش مش جيش هتستنيه دة الحل معاكي اما موافقه اهلك بايدك هتخليهم يوافقهو ممكن يغير الشغلانه على قد المرتب يكون نفسه يعمل جمعيه بسيطه كويسه لو هيستمر فى الشغل الا هوة فيه ماشيه ومش عارف يغيروا بردك خليكي معاه عادي هيتقدم لو لو لقدر الله رافضو متبينيش قدامهم انك بتحبيه حتي لو حصل ايه عادي زى اى واحد بيتقدم اكسبيهم كلميهم بابا انت رافض ليه ايه العيب والحلو الا فيه اكلمي معاه فى وقت يكون رايق بابا انا شايفه فيه كدة وكدة وحش وشايفه فيه كدة وكدة حلو طب ايه رايك لو غير الشغلانه طب نشغلو معانا او هقوووووووووووووووووووووولك حاجه جامدة لو فى العيادة عندكم او فى حاجه وانتو فى يوم من الايام محتاجين واحد للشغل او حاجه قوليلو على المكان ويجي يشتغل وواحدة واحدة كل حاجه هتيجي ربنا يوفقك
10. واحد من الناس

    

    24/01/2012 at 11:03

    أختى العزيزة المفروض ان الانسان بيحب بالقلب وبالعقل الحياة العملية اكثر بكثير من الحب والعواطف انا لا اقلل من حبك لا والله ولا اقلل من شأن خطيبك
    ولكن انظرى الى المستقبل دعى الظروف تفعل ما تشاء واتركى امرك لله وهو المدبر لكل شىء بمعنى ان هذا الشاب قدامة مشوار كبير جدا لتكوين حياته