بصراحه انا اتعرفت على ولد في دبي من سنتين واعجبت بيه واتعرفنا فضلنا فتره صحاب بعدين ارتبطنا ومع الوقت اتعلقت بيه جدا ولكن انا اتضطريت اني انزل مصر لظروف معينه سبنا بعض كتير ورجعنا لحد ما اكتشفت ان واحد صحبو كلمني وقالي ان **** عايز يكلمك وهو في السجن (في دبي بيسمحولهم بدقايق كتير اوي )المهم عرفت انو اتمسك بحشيش طبعا اتصدمت جدا وفي نفس الوقت كنت عايزه اقف جمبو ولكن من نصايح صحابي سبتو وحسيت بالذنب جدا لانو حسيت اني اتخليت عنو بعد 4 شهور خرج من السجن كلمتو ورجعنا لبعض وهو نزل مصر عشان يكون معايه وانا مرعوبه انو ينتكس هنا ومش عارفه ايه الصح ابعد ولا اكمل لكن هو حاليا مابيشربش على حسب كلامو واكدب لو قولت مصدقاه لان انا بشك فيه كتيرولكن كمان عارفه انو مابيهموش حد وقوي جدا لو استفزيتو بكم كلمه هايقولي اه بشرب واخبطي راسك فالحيط بصراحه انا بحبو ومتاكده انو بيحبني بمواقف كتير اوي وقف جمبي فيها ومن غيرو ماكنتش عارفه كان ايه مصيري ولا ايه اللي حصلي هو متفتح عني بكتير وغير عاداتي وتقليدي خالص ولكن هو متقبل ده ومتقبل اني ماليش فالجو بتاعو ولا عمري هاكون زي البنات اللي عرفهم اوي بيعرفهم وهو بيحترمني جدا اللي هو عمرو مابيرضى يطلب مني انو نتقابل لوحدنا او حاجه لا انا ماشفتوش غير يوم ما اتعرفنا ويوم تاني قبل ما اسافر واجي مصر مش اكتر طول السنتين دول وهو طبعا السجن عطلو عن دراستو لانو اتسجن في اخر 4 شهور من الدراسه فهو قرر انو يجي مصر ويبدى هنا الدراسه ودخل الاكاديميه البحريه وبجد مش قادره اخد اي قرار ولا عارفه افكر
