السلام عليكم ورحمه الله وبركاته .. انا بجد مش لاقيه حد ينصحني وعجبني موقع مشاكل وحلول اوي وحابه انزل مشكلتي .. بدايه رجاء رجاء خاص محدش يتريق عليا او يضحك عليا رجاء انصحوني من قلبكوا واعتبروني اختكم الصغيره .. انا عندي 16 سنه من سنتين كان في شب يقربلي واتبادلنا نظرات اعجاب كتيره اوي حصلتلنا 6 او 7 مواقف كنا فيها بنبص لبعض باعجاب باين اوي بعديها الشب ده اعترفلي انه بحبني وانا عملت نفسي في البدايه مش فاهمه مع اني عارفه كل حاجه بعديها حبينا بعض اوي وفضلنا نتكلم طول الوقت عالفيسبوك وتيلفونات بس مش كتير 5 دقايق وخلاص بعدها في يوم طلب يقابلني بدايه رفضت بس بعديها وافقت قبل م نتقابل بيوم قالي انا لما قابلك حبوسك وحضنك انا كنت فاكراه بيهظر والله مكنتش فاكراه حيعمل كده فمشيت الموضوع وقلتله مش هتقدر المهم اتقابلنا بعديها حسيت ان هو عايز يحضني بس انا رفضت وهو حضني غصب عني بس مسمحتلوش يبوسني يعني حضني بالعافيه .. انا بصراحه لما بشوفه بقا متجمده فمكاني وقلبي بيدق اوي اوي لما بشوفه انا قلتله انا الكلام ده مش صح قعد يعتذر لي كتير ويقولي والله بحبك وكلام من ده … انا عارفه اني غلطت اوي وكلامي ملخبط كتير كمان بس مش عاررفه حد افضفض له ياريت تنصحوني اعمل ايه مع العلم انه انا كرهته اوي من يوميها وكلامنا قل اوي انا حاسه اني خنت اهلي وربنا غضبان عليا انا مش قادره نام عيطت اوي وحاسه نفسي رخيصه ياريت ترشدوني …
للاسف انت فتاة ساذجة وبلااخلاق ولاتربية ازاي تسمحي لنفسك تتكلم مع شاب غريب عنك وتخرجي معه من اصله لاعذر لك في مافعلتي لانك انت من سمح له يعمل معاك كدا احمدي الله انها جات على كده والا ماحدش عارف ايه ممكن يحصلك لواستمريت معه في تلك العلاقة المحرمة الواضح انه شاب فاسق وبيضحك عليك عشان يوصل لكل اللي عاوزه منك وهو هتك شرفك واحسنلك تبعدي عنه نهاية وللابد وتقطع علاقتك به تماما والله يسترعليك ويصلح حالك وكل بنات المسلمين
بيتسلى بيكى ولو مبعدتيش عنه هيعمل معاكى اكتر من كده وهتخسرى نفسك وسمعتك انتى لسه على البر بعد كده هيمسك عليكى تسجيل مكالمات وصور وغيره ويهددك بيهم
دموعك تدل على ندمك، مافعلتيه خطأ كبير ياصغيرتي وهو من مقدمات الزنا، اخطأت حين اطلقت بصرك للشاب ونسيت أن رسول الله صلى الله عليه وسلم قال (العينان تزنيان وزناهما النظر)وحتى اللسان يزني وزناه الكلام، اخطأت حين سمحت لنفسك بالتحدث الى شخص غريب سواء عبر الهاتف أو بمقابلته، لو أنك تحبين الله ورسوله وتحبين أهلك فاقطع علاقتك فورا به وغير رقمك ولا تكرر خطأك أبدا، واعلم أن الله يقبل التوبة عن عباده فاكثر من الاستغفار واكثر من الدعاء بصلاح الشأن والهداية والثبات والتوبة وعاهد نفسك ألاتعود للخطأ، وحافظ على سمعتك وسمعة أهلك وثقتهم بك، وفقك الله
ابعدى عنو تماما لان هو بيتسلى بيكى مفيش حد كحترم يعمل الكلام دة والحمد الله انها جت على كدة وبطلى تتكلمى معاة تانى وانتبهى لدروسك ولحياتك افضل انتى لسة صغيرة