انا عمرى ماكنت اتخيل ف حياتى انى هكتب عن حاجة زى دى ..انا بنت عندى 24 سنة طول عمرى وانا ف الكلية مليش اى كلام مع الولاد الالو ضرورة حتمية وكان الكلام ف حدود جدا لانى كنت مقتنعة جدا ان دا حرام رغم انى عادية ف لبسى ودينيا مش متزمتة بس كنت مقتنعة ان دا هيفتح باب لحاجات اكبر غلط حتى كنت بحلم من زمان اتطوع فى جمعية خيرية لعمل الخير ومساعدة الناس لكن مكنتش حابة الاختلاط اللى بيحصل لكن لما اتخرجت واشتغلت طريقتى اتغيرت غصب عنى لان هنا بقى فى ضرورة للكلام بحكم الشغل فبقيت بتكلم بس باحترام وتفكيرى اتغير شوية وقلت مادام فى حدود الواحد يتعامل عادى وكلهم اخواتى وفعلا دا اللى بحسه تجاه زمايلى ف الشغل وبعدها قررت اروح الجمعية الخيرية اللى بقالى سنين بحلم بيها ويعلم ربنا انى نيتى كانت لعمل الخير وبسسسس لكنى فوجئت ان مشاعرى بتتحرك تجاه شاب من اللى ف الجمعية الخيرية .. اعجبت باخلاقه واحترامه وتعامله مع الكل رغم ان انا زى ماانا متغيرتش ف طريقتى ف التعامل لا واخدة رقمه ولا اى حاجة من دى مجرد تعامل عادى جدا ف امور الجمعية (قبل كدا كان حصل اعجاب من ناحيتى بحد ف الجمعية بردو لكن دا كان مؤقت جدا واكتشف انها اوهام )لكن المرة دى حسة باحساس غريب انا مش عارفة دا اسمه ايه هل لانى بحلم بالزوج الصالح وشفت فيه صفات من اللى بحلم بيها ولا دا احتياج للحب ولا اوهام ف دماغى بس بقيت مبفكرش طول اليوم غير فيه وبحلم جدا باليوم اللى يقولى فيه بحبك وعاوز اتجوزك..كل يوم ادخل بروفيله عاوزة اروح الجمعية ف الوقت اللى هو بيروح فيه …. انا بتعذب وحسة ان دا حرام حسة ان المشاعر دى خيانة لزوجى المستقبلى حسة ان احساسى دا غلط جدا لدرجة انى مبقتش اروح الجمعية بقالى فترة.. انا متاكدة انه مبيفكرش فياولا بيعاملنى بطريقة مختلفة ولا اى حاجة وطبعا انا محسستوش باى حاجة عمالة ادعى ربنا يطلعه من قلبى وعمالة اقنع نفسى انه مينفعش لانه اصغر منى بشهرين وكمان اقصر منى بس بردو مش راضى يطلع من دماغى انا فعلا معرفش هودا حب ولا اعجاب ولاحتياج للحب ساعدونى اعمل ايه انا متاكدة انه مينفعش حاجة زى دى تحصل بس معرفش انا ليه بفكر كدا؟ ليه بحلم انه يتقدملى ويحبنى مع ان دا استحالة يحصل اعذرونى كلامى مش مترتب
اختي العزيزة انت فتاة محترمة وخلوقة وباين عليك بنت ناس كويسين شعورك تجاه هذا الشاب ليس حب كما تعنقدي وانما اعجاب وانبهار باخلاقه وطريقة تعامله مع الاخرين وربما لوسامته واحذرك من الانجراف نحوه او التساهل معه حتى تحافظ على شرفك واخلاقك وكرامتك وكرامة اهلك واياك وتتبع خطواته او اطالة النظرات له كلهذة الامور مرفوضة ولافي بنت محترمة ومتربية ترضاها على نفسها اهتم بعملك في الجمعية الخيرية وخليك واثقة من نفسك ومن اخلاقك وتربية اهلك لك وتاكدي ان الله بيكرمك بخيرمنه ان شاءالله دام انك ملتزمة بدينك ومحافظة على اخلاقك وشرفك وتربيتك وتسعي في الحلال والخير فربنا بيفرج عليك وبيرزقك من اوسع ابوابه تحياتي لك