انا بحب شخص ما ابتدت قصتي معاه عندما جاء الى منزلي ليعيد من جديد الصداقة بين اسرتي وواسرته التي انقطعت من 15 سنة ومن دون اسباب قد انقطعت تللك الصداقة فقد ابتعدت الاسرتان عن بعضهم بسبب مشاغل الحياة ليس الا في باديئ الامر لم اكن اريدة ولكن عندما جاء الى المنزل ورايتة وانا اصبحت في حال غير الحال شعرت ان قلبي يطير فرحا وشعرت ايضا برعشة في جسدي غير عادية وفرحت اكثر عندما عرفت انه غير مرتبط ولكنه يبحث عن فتاة مناسبة له تمنيت ان اكون هذة الفتاة وبعد تللك الزيارة كان يتصل بوالدتي على فترات متباعدة لكى نظل على اتصال معه ولكن ظل فترة طويلة حوالي عدة شهور لا يتصل ولا اعرف عنه اي شيئ وبعد ذلك بدات اشعر باليأس لفقداني لية ولكن بمجرد ان تاتي سيرته على بالي اجد قلبي يطير فرحا ويتجدد شعوري نحوه وكلما اقنع نفسي ان انساه واحاول ان ابتدي من جديد مع شخص اخر يزيد شوقي لية وحبي لية يزداد اكثر فاكثر وقدحاولت ان امنع نفسي من التفكير فية ولكن لم استطيع قد فكرت ان اتصل بية واعرف منه سبب البعد ولكن لم استطع خوفا وحفاظا على كرامتي وخوفا من ان يعتقد اني فتاة غير جيد وان يظن في ظن خطأ خاصة انه شاب يافع وقد علمت عنه ان شاب شقي وغير مطيع مثل اغلب الشباب ولكن لا اعلم لاي مدى هو شقي ارجوكم افيدوني بالحل المناسب لكي استطيع ان اعيش بسلام لاني حقيقي بتعذب عذاب شديد جدا وجزاكم الله كل خير
انا رائى انو كده كده ممكن ميبصلكيش لنا لو منك اجازف واحاول الفت انتباهه بس بطريقه ناعمه ورقيقه لان الشاب يحب البنت الهاديه الناعمه واللى بتهرج وتضحك عمال على بطال والرغايه كمان مش بيبصلها حاول تطولى الحديث معاه لو اتكلم صدفه بكلمات غامضه زى بجد وحشتنا اووى مش بنشوفك ليه ولا مش وحشناك بس بطريقه ناعمه وفيها رقه مش مياسه وكمان لو مامتك قريبه ليكى صارحيها بانك معجبه بيه خديها صديقه وخليها تعزمه طالما بيتصل بيكو وبيودكم بس انتى مقولتيش انتى عمرك اد ايه ولو انى حاسه انك حوالى 17 سنهاو 16
الحب عمره ما يكون من خلال السماع والشكل والا كان اعجاب وليس حب
ولا تحاولي ان تبرري لنفسك غير ذلك
انتى عايشة فى وهم اسمه الحب كيف تحبيه وليست هناك علاقة بينكما لمجرد رؤيته فقط ام انكى تحتاجين ان تعيشى قصة حب وخلاص وبصراحة هو ولا بيفكر فيكى عيشى حياتك ولا ترخصى نفسك ولو هو نصيبك بيجيكى زاحف للبيت ربنا يوفقك
صباح الخير/اولا كل ما تحكيه عن شعورك ناحيته هو اعجاب وربما يكون زائد شوية ولكنه ليس حب لان لا توجد بينكما علاقة قوية او كلام مستمر او اتصال يخلق الحب سيبها لربنا وحاولى تعيشى حياتك طبيعية جدا عسى ان تقابلى شخص اخر يحبك وتحبيه ولكن لو فى نصيب بينك وبين هذا الشخص هاتتجمعوا مرة اخرى
بسراحه انسيه وكملى حياتك من اجديد وما اتضيعى حالك لانو الحب من طرف واحد
سبيها لله ربنا مابيئزيش حد لو ليكى نصيب فيه هتخديه والعكس وبلاش التسرع انتى متعرفيش حاجه عنه الى انك معجبه بشكلو الخارجى لاكن الاهم هوه الشكل الداخلى
حالتك دي حب من طرف واحدالي حين اخطار اخر. والطرف البحب انت.
انت واحدة من خياراته .
هو شخص مبادر اذا عاوزك حا يكلمك
بس اللي عملتيه صح حافظي علي كرامتك ونظافة حبك له ما تتصليش.طيب والحل ايه..
اقولك علي حل :
شخص اخر وسيط ذو خبرة تثقي فيه تفتحيلو قلبك وتقوليلو ما يفهم منه “انا بحب فلان شوفو بيحبني ولا لا”.
مين ، ما اعرفش ، بس يفضل ان يكون اخوك الكبير اذا ليك اخوة او اخوك الليفسنه او امك او ابوك. المهم شخص يوصل له سؤال “فلان فلانة بتحبك انت بتحبها ولا لا” بالطريقة المناسبة
انت لازم تفتحي الموضوع مع حد.
ما تقدريش ، لا ، تقدري ، اهو انت كلمتينا
صحيح انك كتومة جدا لكن الوضع ده لازم يتغير .
مافيش حب بدون عذاب …عذاب الفراق وعذاب الوحشة وعذاب الخوف من الفقدان .. مش عاوزة تتعذبي بطلي تحبيه
طب ما انت كنت في الاول مش عايزاه ، عزتيه ليه ، علشان عاوز عروسه …..
هو كده لقي قلبك فارغ فدخل علي طول ، وانت ساعديته وقفلت الباب وحرستيه.
بس هو انسان حر طليق … ولن تستطيعي ان تجبريه علي حبك
وحتي لو احبك لن تستطيعي ان تجبريه علي الزواج منك ” شخص غير مطيع”
افتحي الباب ودعيه يخرج فان عاد فهو لك وان لم يعد فهو لم يكن يوما لك …
اذا تقدملك حد خلي اهلك يشاوروه اذا كان عاوزك ولا لا
افتحي قلبك للناس ، فما كل من نحبه نتزوجه
واعلمي ان رزقك لن يأكله احد ….واذا مكتوب لك منه اولاد هو حا يكون ابوهم
وحدي الله ، استغفريه
وفقك الله
ماتزعليش منى من الى هقوله بصى انتى قولتى (فقد ابتعدت الاسرتان عن بعضهم بسبب مشاغل الحياة ليس الا في باديئ الامر لم اكن اريدة ولكن عندما جاء الى المنزل ورايتة وانا اصبحت في حال غير الحال ) يعنى انتى كنتى رافضه الموضوع فى الاول لحد ما شوفتيه وتقريبا كده ان الشاب ده وسيم او شكله حلو وكمان عنده شخصيه جذابه فعلقك بيه من اول مرة بصى تعلقك بيه ده عشان هو بعد وكمان تعلق ظاهرى من الشكل يعنى ولما بعد عنك ومن غير اسباب اتعلقتى بيه اكتر وده طبعا لان ديه من طبيعه البشر ان (الممنوع مرغوب) وبالذات لما تكونى مش عارفه الاسباب وشكلها كمان التجربة الاولى ليكى وانك مش بتتعاملى ممع ناس كتير انا قصدى ان علاقاتك محدوده وديه حاجه كويسه ومش كويسه فى نفس الوقت على العموم انتى المفروض تحاولى تشغلى نفسك بأى حاجه ومتفكريش فيه لان ده احتمال يكون اعجاب ظاهرى فقط وبعدين واضح من كلامك انك بالنسبه ليه حد عادى متزعليش من قسوة كلامى بس انتى شكلك انسانه طيبه اوى فعلا واكيد هتلاقى حد كويس اوى تحبيه ويحبك بس اكيد غير الانسان ده وفكرى كويس اوى فى اى انسان بقلبك وعقلك مع بعض وبلاش تاخدى بالظواهر عشان تقدرى تحبى صح وتعيشى حياة حلوة بجد
حاولى تفاتحى مامتك فى الموضوع والام طيبة طبعا وهية هتسأل علية كانها عايز تطمن علية وتعرف لية هو مبيسألش لية زى الاول