في حيرة بسبب حب سنين و حبيب جديد

انا اسفة اني قصتي هتكون طويلة بس لو سمحت عايزة رد عليها بعد ما تقروها كويس
انا  بنت عندي 18 سنة وقعت بالغلط في الحب انا نقلت من بيتنا القديم من 4 سنين وسكنت في برج واحد كان بشورلي مرة في مرة جاوبته قاعدنا نتكلم بالاشارات رغم انه كان معاه رقمي وانا معايا رقمه لكن ماكنتش برد عليه لما بيتصل كان اول حب ليا وخلال فترة الاسبوعين اللي اتكلمناهم بالاشارات كنت حاسة ان كل ده حرام واني غلط اعمل كده يعني كان ضميري بيعذبني وعلشان كده فصلت معاه وبقيت اتعامل معاه معاملة وحشة اوي رغم انه ماعملش معايا حاجة وحشة كنت اول مرة اعمل حد بالمنظر ده وانا معرفوش المهم اني برضه ماكنتش نسياه كنت بفتكره كل فترة…. مرت سنة وهو لسة كل ما يشوفني من الشباك يشاورلي بصراحة اي حد بعد المعاملة الزبالة دي يرجع عن اللي بيعمله لكن تصميمه ده كان بالنسبة ليا غريب المهم اني بعد مشاورة واحدة صحبتي من المشكلة اللي مضايقاني دي اخد رقمه تاني منه وواتصلت بيه واتأسفت عن الطريقة اللي كنت بعمله بيها طبعا كان اول مرة يسمع صوتي وبصراحة كان سبب رئيسي اني ما اكلمهوش فون قبل كده صوتي لانه دايما جايبني لورا .. المهم انا قلتله اني متصلة بس علشان اتأسف مش اكتر واني اصلا ماليش في الحب والاصحاب والكلام الفاضي ده وانتهت المكالمة بعد فتره اتصل بيا انا ماكنتش حافظة رقمه فرديت ولما عرفت انه هو قاعدنا ساعة نتكلم مااعرفش الكلام ده جه من فين المهم انه جه قالي انا بحبك قلتله اني ماليش الحب والكلام الفاضي ده قالي خلاص خلينا اصحاب زي ما احنا رغم اني كنت بمووت فيه بس ما كنش ينفع وطبعا كانت علاقتنا محدودة وفي كلام محدود بعد اسبوع جه قالي انه مش قادر وانه بجد بيحبني من لحظتها بقينا احلي اتنين ع الكون بنحب بعض بطريقة غريبة ومن غير تفاصيل اكتر بعد مرور سنتين اتفصلنا طبعا اللي حصل ف السنتين دول من مشاكل وقلة حب بالتدريج مني ومنه وعدم اهتمام كل ده هو اللي قصر فينا قبل الانفصال كنت مصاحبة ع الفيس ولد محترم جدا اكتر منه كفايةانه ما حولش يكلمني ف الجنس حتي بعد ماحبينا بعض وبيخاف عليا اكتر من الاولاني وبيغر عليا اكتر بمعني اكتر فرق السماء والارض ما بينهم طبعا جمال وشخصية ورغم كل ده مش قادرين نبعد عن بعض انا والاول بنتكلم اصحاب رغم انه عارف ان في حد تاني بكلمه وبيحبني بس هومتأكد اني لسة بحبه وانا شاكة انه هو كمان بيحبني من اللي بيعملو بس رغم اللي بيعملو لما جيت قلتله انت بتحبني قالي عايزة ايه قلتله وتحب نرجع قالي قولي انك عايزة تفتحي الموضوع ده تاني قلتله ولا تاني ولا تالت بس انا عرفاك وهتفضل طول عمرك كده عندي شوف عندك هيوصلك لفين ورغم اننا واحنا اصحاب بيحصل بينا مشاكل بنرجع تاني كويسين انا مشوشة بين حبه اللي مش عارفة انساه واللي بيموت من كتر حبه فيا..
اسفة انه ف تفاصيل ناقصة بس لو حبين التفاصل فا انا مستعدة

مشاكل وحلول ذات صلة

• شك فيا لمجرد اني تجاهلته بسبب تصرفاته
• بحب واحد متجند في الجيش وامي عايزاه يتقدم
• لسه بحبها وبتكلم معاها بعد جوازها
• فسخت خطوبتي قبل الفرح باسبوعين و نفسيتي مدمره
• أموت ولا أتزوج رجلًا غيره
• كنت احب شخص وعندما تقدم لخطبتي رفضته
• بحب واحد قريبي بس هو ميعرفش وعرفت انه بيجهزو الخطوبة بتاعته