انا واحدة عمري 18 سنة وفي واحد معرفتي بيه لا تتعدى السنة! يعني لسة السنادي, عرفنا بعض من درس! بإختصار ان هو اعترفلي بحبه ليا بعد فترة وانا كمان كنت معجبه بيه جدا وبعد فترة الاعجاب قلب على حب, بس احنا مكناش متصاحبين, المهم فترة بعد فترة عرفت حاجات كتيرة عنه, وعرفت انو عمل كل حاجة وحشة في الدنيا ممكن تتعمل, من شرب السجائر لغاية الزنا! بس هو حلف كتير انه بيكره الجزء ده من حياته وانه عمل كل حاجة ممكن تتعمل عشان ربنا يغفرله, ولغاية دلوقتي وأنا شاهدة انه فعلا بيعمل كل حاجة صح من أول الصلاة لغاية الأعمال الخيرية الكبيرة! ده غير معرفته الواسعة بكل امور الدين والدنيا! وأنا عارفة انه فعلا اتغير لأن معرفتي بيه أثبتت كدة, وحاجات كتيرة تبين انه بقى انسان صالح! بس طبعا انا مقدرتش اكمل معاه, مقدرتش استحمل اني لو كملت ممكن في يوم من الايام يكون دة زوجي, عشان كدة بعدت عنه وخدت رأي بعض من أهلي قالوا اني طبعا لازم ابعد عنه ومعرفوش تاني ومردش عليه, ده غير التهزيق على معرفتي بشخص زيه وانه اصلا حرام اني اكلم ولد! الفكرة ان هو متمسك بيا لحد دلوقتي و بيحاول يوصلي بكل الطرق ومش سايبني في حالي وبيعترفلي بصدق حبه ليا وبيحلف كتير و بيعيط من اني بعيدة عنه لأنه ببساطة شايف ان انا أمله الوحيد في انه يفضل نضيف في الدنيا دي! سؤالي هنا! هل فعلا ابعد عنه؟ يعني البني ادم ده خلاص في نظر المجتمع نكرة و عاصي؟ يعني مفيش فرصة اني افضل جمبه اساعده؟ حتى مع اني عارفة ان عنده مشاكل نفسية كتييرة جدا وهو مش معترف بيها بس انا عارفاها! ابعد واكون مش اخر حد يبعد عنه عشان النظرة اللي عمرها ما هتتغير ليه دي؟ حتى بعد ما فعلا تاب وفعلا بفى راضي عن حياته؟ ايه اللي ممكن اعمله يرضي ربنا و في نفس الوقت اساعده بيه؟
يعني خلاص الكويسين خلصوا؟؟؟ يعني هو ما يحبش الا واحدة عارفة التاريخ المشين يعني لو واحدة فعلت الفواحش والذنوب تتجوز واحد عارف ولا تشوف واحد ما يعرفش وتستر نفسها وتتوب وبلاش فضايح ؟ اذا هو يشوف واحدة غيرك وانتي شوفي لك واحد غيره
عزيزتي كل منا بيخطي في هذة الدنيا ولاحد معصوم من الخطئية وخير الخطايين التوابين ودام انو الشاب تاب توبة صادقة على مافعل في الماضي واتصلح حاله واستقام وتاكدت من صلاح حاله وتوبته وانه بالفعل صار شخص ملتزم بالدين ويخاف الله عزوجل ومحافظ على اداء الصلاة في وقتها واقلع عن المحرمات والمعاصي والذنوب في حياته فلايمنع من الارتباط به ونظرة الناس والمجتمع بانه نكرة وعاصي فدي نظرية خاطئة والله يعلم السرائر وهوعلام الغيوب تكلم مع اهلك لاجل يوافقوا عليه ومن كلامك عنه ان الشاب فعلا تاب واتصلح حاله ويحبك فعلا ولايريد ان يستغني عنك فلا تتخلي عنه وقفي معه حتى لاتخسري قلب انسان احبك بالفعل واصرارك عليه يجعل اهلك يوافقون عليه ويقبلون زواجك منه وربنا يتمم لكم بالخير ويوفق بينكما ويسعدكم في حياتكم القادمة