باختصار خطبت بنت خالتى فى الاول انا مكنتش بكرهها ولا بحبها وهى برضه لاكانت بتركهنى ولابتحبنى انا شفت انها بنت جميله محترمه ومؤدبه وبنت ناس ومتربيه قدام عنيا وبالتالى لا داعى انى ادور على عروسه وهى موجوده قدام عنيا فخطبتها قضينا حوالى 8 شهور وانا كل يوم حبى ليها بيكبرواتعودت عليها وبزعل لما تغيب عنى شويه وببقى ملهوف على رؤيتها وحسستها بكل ده ودايما فى رسايلى ليها بحسسها بحبى الكبير ليها …انا عارف انها بتحبنى بس حبها ليا اقل بكتير من حبى ليها مش بتبقى ملهوفه ولا مشتاقه تشوفنى بحس ان مشاعرها بارده تجاهى .لوحصل اى خلاف بينابحس انى زعلى مش غالى عليها بس على الرغم من كده انا ببقى حريص على عدم انفصالتا عن بعض والحقيقه برضه هى كذلك ………..مشكلتى معاها انها بارده عاطفيا معايا فى الوقت اللى حبها فى القلبى زى النار اللى بتحرقنى فى المقابل بحس انها زى لوح التلج اللى بيطفى كل الشوق والحب اللى جوايا.. انا حاسس انى فى نص الطريق ولاهى حبيتنى بنفس قوة حبى ليها ولاهى بتكرهنى فانا مش عارف اكمل معاها ولا اسيبها وخاصه انها بنت خالتى ولو سيبتها هيبقى فيه خلاف كبير بين العيلتين؟؟؟؟؟؟؟؟؟؟
يااخي اذا كنت فعلا تحب بنت خالتك فحافظ عليها وعلى اخلاقها وتربيتها وشرفها وسمعة اهلها وكرامتهم واعلم ان الحب الحقيقي بيكون بعد الزواج واحمدالله انها فتاة محترمة ومتربية وعلى خلق ولاتحرجها او تضايقها بطلبك لها انها تبادلك الحب والمشاعر والكلام الرومنسي اصبر حتى تتزوجوا وهتلاقي منها كل شي انت عايزه خليك عاقل وحسن التصرف معها تمنى انك تفهم كلامي وتعمل به لاجل صلاح حالكم واستمرار خطوبتكم وربنا يتمم لكم بالخير وعقبال الفرح الكبير عماقريب باذن الله تعالى