انا عندى 19 سنة وانا فى اولى كليه دلوقتى ……من 5 سنين حبيت واحد وهو حبنى وارتبطنا وماما كانت عارفه الموضوع ده …وهو فى نفس سنى برده وكان بيسبنى كتير بس لما كان بيرجعلى كنت بوافق عشان بحبه ….لكن فى اول السنه دى لما دخلت الكليه كان فى واحد معجب بيا وحاول يكلمنى وكلمنى ع الفيس كذا مره عن اننا زمايل فى الكليه وكده وانا كنت بتعامل ع اساس كده …وبعدين جه فى يوم وقالى انه بيحبنى وانا اتعاملت مع زى اﻻول برده فتره وبعدين ….جت عليا فتره كان فى مشاكل كتير فى بيتى ومشاكل كمان مع الشاب الى بحبه من 5 سنين وبعدين كنت مخنوقه ونفسيتى تعبانة اوى ….فكنت بتكلم مع الشاب الى معايا فى الكليه ده لحد ماتوهمت انى حبيته وارتبط بيه معرفش ازاى وﻻ ليه عملت كده بس هو بيحبنى اوى وميقدرش يستغنى عنى وانا كل مااحاول ابعد عنه يقولى مستسبنيش انا هموت من غيرك مش هعرف اعيش وانتى مش معايا …..انا كنت فى الفتره دى بعيده عن ربنا ولما جيت اقرب من ربنا فوقت وعرفت انى كده انسانة زباله اوى وعارفه ان ربنا ممكن ميسامحنيش بس انا تعبت مش عارفه ابعد عن الى انا عملته فى نفسي ده مش عارفه اعمل ايه حد يقولى حل يخلينى اعرف اسيبه عشان انا كده ظلمته اوى وظلمت الى حبيته من 5 سنين وهو بيحبنى ومتمسك بيا انا عايشه فى عذاب انا نفسي اﻻقى حل يرجعنى للى كنت عليه قبل كده كنت قريبه من ربنا ومبسبش صﻻة وبقرا قرءان كتير وكنت انسانة كويسه حد يقولى اعمل ايه ….هو انا ينفع ارجع زى ماكنت وﻻ هفضل وحشه كده وربنا مش هيسامحنى وهتفضح؟ انا نفسي ربنا يسترنى ويسامحنى ع غلطتى ويطلعنى منها انا بقيت بصلى كل يوم وادعى فى كل صﻻة ان ربنا يسترنى ويسامحنى ويطلعنى من غلطتى دى …عايزة حل بالله عليكوا انا بضيع
الحمدلله انك عرفت غلطتك قبل فوات الاوان وتوبت الى الله واستغفريته فهو الغفور الرحيم استمري على توبتك وصلاح حالك واهتمي بدراستك ومستقبلك وربنا بيوفقك ويسترعليك طوال عمرك