انا 21 سنة بحب واحد معايا في الكلية هو 21 برده و كلها كام شهر وهنتخطب بس مشاكلنا كتير اوي فاهم انه صح في كل حاجة انا هحكي المشاكل وانتوا احكموا او حد يقولي اعمل ايه انا بجد تعبانة رغم كل ده بيقولي انا بحبك اول مشكلة انه عاوزني ارجع البيت الساعة 8 مدام انا لوحدي معنديش فيها مشكلة بس فيه ظروف ممكن تمنعني اني ارجع 8 هديكوا مثال كنت عند الكوافير بعمل شعري انا راحة للكوافير 6 و على ما عملتلي شعري بقت 9 الا ربع وكانت خالتي معايا في الكوافير و كنت رايحة ازور ناس مامتي موجودة هناك عندهم و هما في الشارع اللي ورا الكوافير ومصمم اني كدة مش بسمع الكلام اديكوا مثال تاني انا من دمياط بخرج كل يوم خميس في راس البر مع صحابي عادي بابا بيجي ياخدني فانا بقعد براحتي استناه لحد مايجي بما انه بيخلص شغل متأخر فعلى ما يخرج لاننا بنقعد في راس البر كام يوم على ما بيجيلي بتبقى 1 او 1 و نص بتبقى ظروف انا عارفة انه متأخر بس اكيد كلكوا عارفين راس البر بتبقى زحمة و فيها ناس لمتأخر و كمان بابا بيجي ياخدني مش مروحة لوحدي بيقلي اخرك الساعة 12 تكوني في عربية باباكي و مهاش مشكلتي باباكي يتأخر طب انا اعمل ايه .. اهم مشكلة بتواجهني في حياتي صحابي اللي شايفهم انهم مش كويسين و مش محترمين هما عاديين بنات اعدة بس براحتها شوية مش اللي بالكم فيه انهم بنات شمال هو مصمم انهم بنات مش كويسة وهيبوظوني كل اما اخرج معاهم كل اسبوع انام معيطة بسبب الكلام اللي بيقعد يقلهولي لو واحدة ضحكت مع اللي جنبها يبقى دول بيضحكوا بصوت عالي عاوزة اقنعه اننا بنقعد مبنعملش حاجة مش مقتنع خالص مع ان دي الحقيقة لا دي بتعمل وشوفي لبسها ازاي وماشاء الله دي بتكلم ولاد صحاب المفروض انا بس اللي اخصه ولا ايه ؟ احب اقلكوا الحلول الللي توصل ليها و يقولي دي اخر فرصة ليكي بيقولي يا جماعة لو اتأخرتي عن 8 او 12 المواعيد بتاعتك يبقى مكالمة واحدة اعرف انتي روحتي ومتعرفيش عني حاجة تاني عيد ميلادي يوم السبت وعندي خطوبة يوم الجمعة يقولي انا مش راضي عنها بس روحي اقله اكيد مش هتتشاكل معايا يوم عيد ميلادي تخيلوا يقولي ايه يقولي انا مش هقولك حاجة اصلا ولا هكلمك وهقفل موبايلي قبل ما تروحي القهرة الاكبر انه بيقولي لو حصل تصرف معجبنيش وانتي اعدة مع صحابك او حد بص عليكي ولد او لفتي نظر حد هكلم بنات عليكي اقوله هي كدة يقولي اه لو حتى هكلمها يوم صحاب مش حاجة تانية ويقولي هقولك كمان اني بكلمها طبعا انا مردتش ده على نفسي وقلتله انا مش هسمحلك تعمل فيا كدة وكل واحد يروح لحاله لكن مرداش وقالي مش بمزاجك هتكملي وهشوفك و هتاخدي هديتك و بعد كل ده يا جماعة يقولي انا بحبك وبخاف عليكي قبل ما حد يقولي سيبيه انا مقدرش اسبه لانه غيرني كتير اوي عن ما كنت زمان زمان مكنتش عارفة الصح من الغلط بتصرف بطيبة اوي مش عارفة الناس على حقيقتها كل ده هو عرفهولي احنا بقلنا سنة مع بعض شوفت منه حنية مش فاي حد اي حاجة بطلبها بيعملها اي حاجة نفسي فيها بيجبهالي بس هو اتغير اوي اوي عن زمان يقولي مكنتش اعرف ان صحابك وحشين انا فعلا لو مهما اصحابي عملوا ايه انا عمري ما هرجع زي الاول وهفضل زي ماانا طول عمري انا بجد تعبانة جدا مش عارفة اعمل ايه انا عاوزة حل بس حل ينفع يتنفذ محدش يقولي طنشيه متكلميهوش عشان يعرف قيمتك لانه مش بتاع كدة اما بيتشاكل معايا لازم اليوم يخلص واحنا مخلصين شكل ارجوكوا عاوزة حل ضروري انا بحاول اقنعه ان فيه حاجة مهاش فايدي اعملها وهو مش عاوز يقتنع وعاوزة اقنعه انه بعد الخطوبة كل حاجة هتخف و مش عاوز يقتنع اعمل ايه ؟؟
