انا عندى 21 سنه وخطيبى عنده22 سنه وانا مخطوبه خطوبه تقليديه بقالى سنتين كنت ف البدايه بحب خطيبى مع مرور الايام بدات احس انه مش بيتعامل معايا بصراحه بيكذب ف حاجات كتير واهلى يقولولى معلشى ده شاب استحملى وبعد كده هيتغير وانا حسه انى مفيش اى مشاعر عندى تجاهه ولا حب ولا اهتمام ولا اى شىء وحاولت كتيرانى اتغير وارجع احبه بس للاسف بقالى سنه ع كده وهو بيفكر ف نفسه وبحس انه بيرتاح لما يضايقنى وانه بيحاول يعمل اى حاجه عشان يكسرنى بس انا مش بديله الفرصه المهم من حوالى شهر انا اعجبت بشخص واكتشفت انه معجب بيا وبدانا نبادل بعض نفس المشاعر ان يكون ف اهتمام وخوف عليا وبصراحه انا اهلى مستحيل يخلونى اسيب خطيبى متمسكين بيه جدا عشان ماديا مرتاح وعشان المستقبل شايفينوه معاه حاولت كتير اسيبوه بس كلهم رفضوا وبصراحه انا برضه خايفه من نظره الشخص اللى انا حبيته على خطيبى ممكن يكون بيقول عليا ايه وهل لو سبت خطيبى هيقبل يرتبط بيا صدقونى انا بكلم معاه عشان انا حسه انى من يوم مااتخطبت وانا مش حسه بالفرحه ولا دوقت طعم الفرح لما الشخص التانى بشوفه بروح اقعد معاه وببق فرحانه اوى فرحه عمرى ماحستها وكلامى بيبق بلهفه بس ارجع البيت واقول ياترى بيقول عنى ايه صدقونى والله غصب عنى نفسى افرح ارجوكو ساعدونى
يابنتي حرام عليك تعمل كدا في نفسك وفي خطيبك واهلك انت مخطوبة لهذا الشاب فلازم تحترم خطيبك وتتقي الله فيه وتبعدي عن الخيانة انت الان تخونيه مع شاب اخر وهل دي تصرفات واخلاق البنت المحترمة والمتربية لاابدا اقطع علاقتك بذلك الشاب نهايا واهتم بخطيبك وعامليه كويس واسالي عنه وحاولي تغييره للافضل وربنا يتمم لك بالخير ياقمورة وتفرح عماقريب ان شاء الله وتلاقي الخير والرضا والسعادة والاستقرار معو طوال حياتك وصدقني الحب الحقيقي ياتي بعد الزواج وسوف تعرف ذلك بعد زواجكما وربنا يؤفقكم ويسترعليكم ويسعدكم