مشكلتى بدات من خمس شهور انا طالبه فى كليه هندسه ،،الحمدلله خجوله جداا ومحترمه وعلى طول راسى فى الارض فى الكليه بتكسف جداا من اى ولد وعمرى الحمدلله ما كلمت اى ولد او فكرت حتى اعمل ده دايما رضا ربنا اول اولوياتى ،،،بس من خمس شهور حبيت زميلى فى الكليه هو طالب معايا فى هندسه هو اللى صرح بحبه انا كنت معجبه بشخصيته جدااا بس عمرى والله ما كلمته او حتى بصيت عليه ،،الموضوع كله جه صدفه المهم حبينا بعض واتفقنا على الارتباط وكان عايز يكلم اخويا كبدايه بس انه يبدى حسن نيه وانا كنت موافقه جداا بس حصلت ظروف واجلناها شويه اتفقنا اننا نرضى ربنا من البدايه حتى لو احنا عارفين ان مجرد كلامنا غلط لانه بدون علم اهلنا واحنا معترفين بده بس الحمدلله بنصلى الفجر مع بعض اقصد فى نفس الوقت وبنقرا قران مع بعض ونختمه كذا مره وبنذاكر الحمدلله كويس بنشجع بعض فى كل حاجه الحمدلله ،،اى مشكله بنقف جنب بعض وحصل كذا موقف اثبتلى بجد مدى حبه وانه بيخاف علياا ،،لفت نظرى ان البس اوسع شويه وفعلا بقيت البس واسع جداا م ان لبسى كان واسع بس هو حب يكون اوسع ومش بنتكلم او بنقف فى الكليه خالص او حتى بنتقابل مفيش الكلام ده ،،حبنا صادق جداا وطاهر هو اول مره يحب وانا اول مره اكلم ولد فى حياتى بيحكيلى عن ادق التفاصيل والمواقف اللى مر بيها تقريبا عارفين كل حاجه عن بعض ،،خالته عارفه انه بيحبنى وكلمتها قبل كده ،،،انا سوالى وخوفى ان ربنا يكون مش راضى عننا لااننا بنتكلم من ورا اهلنا بس والله عايزين نقولهم بس خايفين من رد فعلهم ،،،هل ممكن ربنا مش يوفقنا ويكرمنا ببعض لااننا بدانا غلط ،،،،،،شكرااا لسعه صدركم
يااختي علاقتكم والحمد لله نقيه وفعلا كما فهمت تتعاونوا علي البر والتقوي لكن صدقيني ولن اجامل الباطل يبقي باطل مهما زينتيه بقراءه القرآن الكريم واللبس المحتشم فالحل يكلم اهله وانت تصارحي اهلك وخطوبه او قراءه فاتحه غير ذلك لاينفع صدقيني عن تجربه اول مره صعبه وجميله جدا لكن صدقيني مرارتها صعبه فمن البدايه كلمي اهلك عنه واذا رفضوا لصغر سنه فااقنيعهم حتي بفاتحه فان رفضوا فسلمي امرك لله عزوجل واتركيه ونصيحه غاليه ((اشتري الله عزوجل ورضاهوسلمي الامر ولو خير فربنا كريم ويحب الخير لو غير فقولي الحمد لله ))