انا بحب شاب اوي انا عندي ١٧ سنة و هو عنده ١٩ وهو كمان بيحبني و بيعملي كل اللي انا عايزاه تقريبا .. هو دلوقتي في ٣ثانوي احنا مع بعض بقالنا سنتين .. في الاول مكنش بيحبني اوي كان مصاحبني تسلية و بعد فترة حبني بجد .. هو انسان كويس جدا و بيخاف عليا و علي مصلحتي و علب طول بيشجعني علي المذاكرة .. اهلي عارفين واهله كانوا عارفين من السنة اللي فاتت بس هو بقي بيقولهم اني احنا صحاب عادي عشان مشاكل حصلت في نهاية السنة اللي فااتت بس اخته الكبيرة و اخوه الصغير عارف و ساعات بخرج مع مامته و باباه و اخوه و علي طول بنخرج مع اخته تقريبا .. المهم هو كان عاد السنة اللي فاتت اللي. هي تانية ثانوي حصلت مشكلة كبيرة اوي مع واحدة صحبتي و هو دخل فيها هو و اهله و اهلي .. بعدها سبنا بعض بس كانت اسواأ فترة في حياتي .. كنا بنتكلم بس صحاب عادي في البداية و قليل اوي اوي وبعدها بدأنا نتكلم كتير و بعدها زي المتصاحبين و بعدها رجعنا لبعض .. بس رجوعنا ده كان بصعوبة احنا كنا متفقين اني احنا مش هنتكلم في الموضوع ده غير لما نخلص الثانوية و هو لو حب واحدة هييجي يقولي .. المهم انا خايفة اوي ليسيبني لما يخش جامعة و خايفة نبعد عن بعض و في نفس الوقت انا عايزة ابعد عنه عشان السنة ده مهمة اوي بالنسباله و عشان اعرف كمان. هو بجد عايز يكمل معايا و لا سايبها بظروفها ..هو بقي بيقولي لنا انا بقوله انا خايفة لتسيبني لما تخش جامعة بيقولي سبيها بظروفها و بعدين خلينا في الفترة اللي احنا فيها ده و بعدين مش احنا مبسوطين دلوقتي ليه بتفكري كدة انتي اختي و حبيبتي . صديقتي و كل حاجة ليا و كمان انا مش بكلم غيرك وهو فعلا مش بيكلم بنات غيري .. بس ما ممكن هي ده المشكلة انه مايعرفش غيري عشان كدة بيحبني .. بس هو انل اول ماعرفته كان بيكلم بنات بس لما عرفني بعدها بشوية مبقاش بيكلم حذ عشان مزعلش .. انا دلوقتي مش عارفة اعمل ايه اهله بدأوا يعملوا معاه مشاكل. عشان بيكلمني كتير بنخرج كتير عشان اجازتي لس هو بيقولهم عادي احنا صحاب عادي و انا صديقها الوحيد و هي معندهاش صحاب .. ارجوكم قولولي اعمل ايه انا بحبه اوووي و هو كمان بس عايزة احافظ علي الحب ده و اخلي اهله يكونوا مبسوطين منه .. هما اهله بيحبوني بس ما بيحبوش زني هما عارفين اني زنانة شوية .. هما بيقولوله اعمل اللي عايزه لما تخش جامعة بس عدي السنة ده .. اعمل اييييه …. و بصراحة عندي احساس اني المؤضوع ده مختلف انا اول مرة اهلي يوافقوا اني اكلم ولد و احبه .. و بعدين هما كمان بيثقوا في و شايفين انه راجل و كؤيس .. اريد حلا واقعيا استطيع فعله و التعايش معه دون ان اشعر حبيبي انني لم اعد اريده
عايز اكون صريح جدا معاك وصادق وماتزعليش من الكلام اللي هقوله لك مافيش حاجة اسمها صداقة بين الشاب والفتاة وده غلط كبير مع الاسف يستاهلوا فيه الاهل الاباء والامهات وتكون عواقبه وخيمة جدا على البنت اكثر من الولد مستغرب جدا ان اهلك عارفين انك على علاقة مع الولد ده وراضين كل الرضا و هذا مخالف لتعاليم الدين الحنيف والقيم والمبادئ التي قام عليها وتعطي انطباع كبير انك فتاة بلاخلاق ولاتربية دي الحقيقة اهل الشاب خايفين عليه وعلى مستقبله واهلك عكسهم تماما لايهتمون ولايعطون بال لكلهذا وسوف تكوني انت الضحية لو حصل لك شئ لاقدر الله من هذا الشاب ابنتي الغالية لانضع البنزين بجوار النار ونقول لا يمكن ان تولع وتشتعل ربنا عزوجل اكرمنا بالعقل عن سائر مخلوقاته ولانرمي انفسنا في النار ونقول ياليت ماعملنا كدا وكدا انت جوهرة غالية والشرف اعز ماتمكه الفتاة لو فرطت فيه فقدت كل شئ كرامتك وسمعتك وسمعة اهلك واصبحت علك في حلوق كل الناس ولن يتزوجك احد او يفكر في الارتباط بك بعدما يعرف ماحصل لك صدقيني دي الحقيقة اللي اخاطبك بها واتمنى تلقى صدا عندك وقبول لها الشاب قدامه لسه مشوار طويل الجامعة وقد ياخذ فيها 3-4 سنوات وسوف يلاقي هناك بنات اشكال والوان متعددة الجنسيات والطباع وسوف ينجرف وراء هذا العالم الجديد وياخذه التيار ويبدا في تجاهلك ونسيانك وربما يرفض حتى الكلام معك فهل تنتظري حتى يكون هذا حالك لاشك ان عقلك مغيب تماما وهذا الشاب بكلامه المعسول سلبك حتى التفكير والاتزان واصبحت تلهث وراءه بدون وعي ولاعقل ولاتفكير وكانك رخيصة اوي فوقي لروحك قبل فوات الاوان واهتم بنفسك ودراستك وتحقيق طموحك في هذة الحياة وانت لسه شابة صغيرة والمستقبل امامك وهتلاقي احسن منو بكثير هل عدموا الشباب من هذة الدنيا وماظلش الا الواد ده سوف تذكرين كلامي ده وتندم اشد الندم لو مشيت وراء اوهامك المريضة وتعلقك الغير اخلاقي بالولد ده نعم الحب الحقيقي ياتي بعد الزواج وليس قبله ولا تصدقي كلهذة الاوهام والمشاعر الزائفة والخداعة اغلب الشباب يعملوا كده مع البنات وربما اكثر مما يقوله لك هذا الشاب اللي مغرمة به اشد الغرام وصرتي لاتفكري الا فيه وفي ارضاءه حتى لو كان ده على حساب كرامتك وكرامة اهلك وسمعتهم زيما اهلو عاوزينه يكمل تعليمه ويروح على الجامعة ويظمن مستقبله انت برضو فكري في مستقبلك ودراستك ولاتخلي حاجة تشغلك عنهما ابدا وعيب اوي البنت تجري وراء الشاب البنت المحترمة ابدا ماتعمل كدا حتى لو كان ده اخر رجل في هذا العالم اتمنى تكون فهمت كلامي واستوعبت كل ماقولت لك ارجوا ذلك وتمنى لك كل التوفيق والخير والسعادة طوال حياتك