الحب قبل الزواج

ثقته فيا انتهت.. و مش قادرة اعيش من غيره

انا عندى 20 سنة كنت مرتبطة بشاب معايا فى الجامعة.. الاول كنا صحاب و ساعتها كان فى حاجات ف اسلوبى مبتعجبهوش زى انى كان ليا كلام مع زمايل ولاد فى الجامعة و هو اللى خلانى اغير دا كله,, هو غير فيا حاجات كتير للاحسن و ارتبطنا ببعض سنتين بس كنا دايما ف مشاكل هو كان بيتلكك على اى حاجة و يعمل منها مشكلة و كنا بنسيب بعض بس بترجع بعدها على طول,, كنت دايما بخاف اقوله حاجات كتير عنى علشان كنت ببقى خايفة يبعد عنى لانى بجد بحبه جدااا و مبقدرش اعيش من غيره,, و لما كان هو بيعرف حاجة صدفة او من برا كان بيتخانق و بنسيب بعض,, انا كنت ببقى شايفه انه سابنى علشان الحاجة مش علشان هدف ان انا خبيت رغم ان الحاجات كانت بتبقى حاجات مليش دخل فيها يعنى حاجات عائلية و كدا,, بس كنا بنرجع لبعض بعدها ساعات انا كنت برجع اكلمه و اعتذرله و مكنش بيسامح بسهولة,, و ساعات كان هو اللى يرجع يكلمنى..
و المواضيع دى انتهت و عدت قترة,, و بقينا كويسين جدا مع بعض بس بعدها رجعنا نتخانق على مشاكل تافهة و افكارنا بقت مختلفة,, و بعدها قرر انه يبعد و الموضوع انتهى على كدا..
فى الفترة دى انا كنت متدمرة جدا حاولت اخرج نفسى من اللى انا فيه و للاسف دخلت نفسى ف متاهات تانية,, دخلت مسرح الجامعة و اختلط بولاد كتير و بعدها ولد منهم بدأ يقربلى لكن مقدرتش اقربله بس بعد فترة بقينا صحاب و حكيتله عن الشاب دا و بعدها بدأ يقربلى اكتر و للاسف ارتبطت بيه ولكن بعدها مقدرتش اكمل و بعدت عنه بعدها رجعلى حبيبى و كان عاوزنى اسامحه و قالى انه اتغير و فى اللحظة دى سألنى انا اتكلمت مع حد غيره خفت احكيله يبعد عنى تانى و انا لما صدقت انه رجعلى و قى الاخر عرف من الشخص دا نفسه ووقع بينا و هو بعد عنى تانى و قالى انه مبقاش قادر يثق فيا تانى انا مش عارفة اعمل ايه,, حاولت اعتذرله كتير و اكلمه لكن هو قالى انه بردو لسه بيحبنى و مش قادر يبعد عنى لكن كل ما يحاول يقرب الشك فيا بيغلبه,, و اخر مرة كلمته و اغتزرتله و هو رفض قررت ابعد و قولتله انى مش هقرب تانى,, و بعدها بفترة هو كلمنى لكن كلمته باسلوب مش كويس راح قالى بعدها بكام يوم انه هيخطب…
كش عارفة اعمل ايه ولا عارفة هو فعلا هيخطب واللا لا بس كل صحابى بيقولولى انه اكيد بيكدب عليا,, مع العلم انه ف المرة اللى قالى فيها انه هيخطب كلمنى فيها باسلوب وحش جدا جدا مقدرتش استحمله و هزأنى كتييير!!!!
انا مش عارفة اعمل ايه انا خلاص هتجنن و مش قادرة,, نفسي يسامحني و ينسى اللى فات اعمل ايه؟؟؟