ياريت اللي حيدخل يشتم او يتكلم بأسلوب مش كويس ميتكلمش احسن انا بحب ولد جداً و كان زميلي في الجامعة و اتخرج و اهلي و اهله علي علم بالعلاقة اللي بينا يعني لكن احنا مش بس علاقة حب يعني بحصل بيني و بينه حجات خارجة عن ارادتنا و انا مش بحس ان انا عايزة اتجوز اي حد او مستعجلة حاجة معينة لكن بحس ان انا عايزة الشخص ده جداً و لما بيغيب عني اول ما بنشوف بعض بنحضن بعض جداً و بنكون متلهفين بطريقة شديدة مجرد الحضن و ببقي بعيط من الحزن ف غيابه و مش بنزل من البيت اصلاً غير لو حشوفه او لغرض الدراسة و حياتي هو و بس بعتبره صاحبي و صاحبتي و امي و ابويا و اخويا و اختي و مقدرش اتخيل حياتي من غيره و مببقاش عايزة اشوف حد من صحابي ولا بكون فاضية ليهم لاني دايماً مشغولة بالتفكير فيه و بكون عايزة ارضيه و نفسي جداً ان اتجوزه و بدعي ربنا كل لحظة يجمعني بيه ف اسرع وقت لكن هو ظروفه لسة معندهوش اي حاجة مستقبله كويس جداً و كل حاجة فيه كويسة لكن زي مل الشباب لسة قدامة بدري انا عايزاه حتي لو مش حعمل فرح و لا شبكة و لا اي حاجة لكن اكيد مش حطلب منه كدة وضحتله كتير بدون قصد ان انا مش عايزة حاجة نفسي جداً يبقي الموضوع بشكل رسمي اكتر مش معرفة الاهل بس يعني يجي يتقدم رسمي و خطوبة في البيت حتي لو من غير دبلة او دبلة فضة!!! انا مش عايزة ارخص نفسي و وصلت لحالة يا يقولي امتي يا حبعد عنه!!! لكن انا بحبه جداً خايفة السنين تفضل تمر كدة! اي حد يقرا ياريت يدعيلي ربنا يسترني و يستر بنات المسلمين و يجمع بسني و بينه ق الحلال لعلها تكون ساعة استجابة ربنا يرزقكم ما تتمنون.
طيب واخرة كل هذا الحب والعلاقة بينكما طالما انو اهلك واهله عارفينها فليه مايجي ويخطبك يابنت الناس رسمي ويكون وضعكم وشكلكم قدام الناس كويس بدل مايجيبوا في سيرتك وحش ولا برضو طز في كلام الناس وافعلي مابدالك واخرتك هتندمي على تصرفاتك الغير اخلاقية والمتهورة وتقولي ياليتني مافعلت كدا ولاحصل مني كدا وكمان مستغرب جدا من اهلك اللي عاجبهم الوضع ده يشوفوكي خارجة وطالعة مع الشاب ده من غير رابط رسمي وكان الامر عندهم عادي جدا يعني معطينك كامل الحرية المطلقة والثقة الزائدة وانشاءالله تكون جديرة بها وعند حسن ظنهم بك بدون تجريح ولااساءة لك يابنت الناس عاوزك تعقل وتبطل هوس وجنون بتاعك ده وتعرفي ازاي تحافظي على اخلاقك وسمعتك وسمعة اهلك وكرامتهم وتقلل من اندفاعك للشاب ولهفتك عليه ركزي في دراستك ومستقبلك اكرم لك ولو كان الشاب فعلا يريدك ويحبك مثلماانت تحبيه فطلب منه ان يتقدم لااهلك ويخطبك منهم رسمي غير كدا ماينفعش تظلوا مع بعض بدون علاقة رسمية وانت تريدي الستر فاستري على نفسك واتقي الله عزوجل واتركي تلك التصرفات اللي تعمليها مع الولد والبنت المحترمة المؤدبة ابدا ماتعمل كدا تجرى وراء الشاب وتغرم به وترخص نفسها وتحط من قدرها وقدر اهلها وتقول عاوزته بلا مهر ولاشبكة ولافرح الى اخره ربنا يهديك ويصلحك ويسترعليك انت وكل بنات المسلمين