السلام عليكم ، أنا فتاة عمرى 19 سنة ، بدرس بالجامعة والحمد لله ، قصتى ابتدت من سنة إنى عرفت واحد بالجامعة وكان عمره مثلى يعنى (18 سنة ) ، الإنسان ده عمل المستحيل مشانى ، وقف بجنى وساعدنى كتير فى حياتى ، لأنو مريت بأصعب تجربة بحياتى وهيا إنو بابا الله يرحمو توفى ومالقيت حدا يوقف جنبى ، المهم فى الأول ماحبيتو بس بعد ماعرفته كويس حبيته ، لأنى كنت خايفة إنو يطلع ولد مش كويس ، بعدها بالشوية بالشوية بدى يقولى فى إشيا لأنو خايف عليا ، مثل إلبسى هيك وإعملى هيك وماتعملى هيك ، طبعا هالاشياء كتير منيحة مو يخطر ببالكم انها اشية مش منيحة يعنى إلبسى أطول اكتر ، ماتعملى مكياج لأنو البنت المتربية مابتعملوا إلا فى الحفلات وهيك ، كانت فى مشاكل بيناتنا ، والصراحة أنا اللى عملت إشيا هوا مابدو ياها بس أنا بحس انها عادى ، يعنى مثلا صديق بعتلى مسج تهنئة فى عيد فأنا رديت عليه بمسج ، هيك شغلات ، المهم قلت خلص هوا مابدو هيك انا مارح إعمل ولا اشى تانى يزعلو ، هللا بعد سنة تغير وبدى انسان مجنون بالحب وزادت الغيرة لين صارت عم اضايق فيا ، بالجامعة يلاحق فيا فى كل مكان ، طول الوقت مكالماتك مش أقل من 25 مكالمة فى اليوم وكل مكالمة مش أقل من نص ساعة ، واذا عندى كورس وفيه اولاد يجينى عالكورس ويبدا يقولى واذا حدا يضايقك والا يعملك شئ ، وهيدي الإشياء مخليتو ماعم يدرس ، وانا كتير نصحتوا وإلتلوا إنو دراستك وشهادتك أهم شى ، وانو عيلتك هيك بتفكر إنو انا اللى عم لهيك عن دراستك ، يقولى مادخلك بعيلتى أنا بعرف شو بعمل ، أنا قبل كنت إنسانة هادية بس عصبية مرات ، هللا من كتر مضايقاته ليا ، صرنا عم نتخانق مرتين باليوم ، لعدة اسباب ومنها مضايقاته ليا بالجامعة ، يعنى مابيعطينى مساحة تحتى أخد راحتى مع رفيقاتى ، وكأنى إنسان آلى وهو ماسك الريموت كنترول وإعملى هيك وماتعملى هيك وماتروحى لمكان فيو ولاد ، ولما بتطلعى كلمينى وقوليلى وين رايحة وشو هوى المكان ، وإذا ماعجبو ، لاتروحى ، أنا ماعدت إتحمل وأصبحت عصبية كتييييير ، وانا عندى إخوي صغار مابدى العصبية هي ترجع عليهن ، لأنهم ماإلن حدا غيرى انا وإمي ، وهو إنسان عصبى كتير كتير ، ومن كتر مضايقاته لين بدينا نتخانق بالجامعة ، وماحلو المنظر قدام الناس كتير مو حلو ، مو عارفة شو بدى إعمل ، حاولت معاه كتير والل وحاولت أفهمه أنا شو بدى ، بس ماتغير شى ، ومرات كتيرة إلتلو خلاص كل واحد يروح لحالوا ، مافى نصيب ، يقولى انا رح إتغير مشانك وشوفينى كيف راح صير ، ويتغير يوم واللى بعدوا يرجع نفس الشخص ، وكل ماإلو خلاص يقوللى انا مش رح خليك وأنتى ليا ،ورح نتزوج ، وإذا بدك هللا نتزوج ماعندى مشكل ، والموضوع الزواج إمي مابدها ياه لانو ماعندو شهادة ، وأمى معاها حق تخيلوا واحد ماعندو شهادة كيف بدو يعيش هالأيام ، أنا مو عارفة شو بدى إعمل ، أنا تعبت معاه ، وصرت إنسانة عصبية كتير ، وبحس حالى مخنوقة كتير ، اتمنى وياريت تساعدونى ، وتقولولى شو أعمل ، وشكرا
شوف ياابنتي الحبيبة هذا شخص مريض ويعاني من مشكلة نفسية وهذة حالات كثيرة موجودة للاسف في مجتمعاتنا ولايمكن اغفالها هو قد احبك فعلا وصارحك بكل الحقيقة والدليل خوفه عليك وغيرته الشديدة عليك فهذة الغيرة دلالة على الحب لكن غيرته الزائدة والغير مقبولة اصبحت لاتطاق ابدا وصار بدو يتحكم فيك لاتخرج مع هذا ولاتكلم فلان ولاتعمل هيك واعمل هيك ويتصرف وكانه خطيبك او جوزك وظهرت عليه العصبية المفرطة وتغير لشخص اخر غير الشخص اللي كنت تعرفيه في الاول اليس كذلك فهذا نتيجة للعصيبة الزائدة عنده وكثرة الشكوك فيك وهواجسه انك ربما على علاقة مع شاب اخر وطالما ان امك رافضته لانه ليس معو شهادة فهي محقة فيما فعلت وانت برضو ارفضيه ولكن بطريقة مافيها جرح او اساءة لمشاعره قولي له انك بدكي تكمل تعليمك وماتفكري في الزواج في الوقت الحالي ولااظنه يستمر في ملاحقتك او فرض نفسه عليك لو كان عنده ذرة من الرجولة والكرامة وربنا يسترعليك ويخليك لااهلك ويبارك فيك ويكرمك بابن الحلال اللي تقرو به عيينك وتلاقي معو كل الخير والرضا والامان والسعادة وراحة البال والاستقرار طوال حياتك وسلميلي على الماما واخواتك ربنا يسعدكم