انا بحب انسان اتعرفنا على بعض عن طريق الصدفه واحنا زمايل بجامعه واحده لكن هوه فى كليه وانا فى كليه تانيه المهم ان الانسان ده اعترفلى انه بيحبنى لكن انا كنت لسه معرافهوش ومش كنت هقدر احكم على نفسى اذا كنت اريده فعلا ام لا لكن جلسنا وتحدثنا مع بعض و حسيت انى مشدوداله لكن فى الوقت نفسه ليست اثق فيه لانه كان بيعرف بنات قبلى كتير وهوه الذى حكى لى ذلك وطلب منى ان انتظره السنه الباقيه له بالجامعه حتى يتخرج ويتقدملى وطلبت منه ان يعطينى فرصه افكر وبعد تفكيرى تحدثت معه مره اخرى و وافقته على طلبه بشروط ان يكون كلامنا مع بعض قليل ولقائنا بالجامعه ايضا قليل حته يحدث الارتباط الرسمى لاننى كما قولت كنت لست اثق فيه الثقه الكامله و مع ذلك وافقنى على شروطى وكان عادة يطلبنى يوميا وانا بكلمه كل حوالى ثلاثه ايام وفى مره ظل هوه يتصل بى لمده اسبوع وانا لا ارد وبعدها كلمته وهوه ايضا مردش ومن يومها متكلمناش مع بعض تانى حته هوه بعد عنى من غير ما يقولى اى حاجه فا انا مش عارفه ما تفسير ذلك وهل هوه فعلا كان يحبنى ام انه ظن انى لا اقبله مع ان ذلك ليس صحيح فانا احبه لكن خايفه اوضحله ذلك فماذا افعل هل اكلمه ام اتركه لما يرجع
يابنتي كل سنة وانت طيبة وعيد مبارك وسعيد على الجميع علاقتك بالشاب زميلك في الجامعة علاقة غير صحيحة ولافي بنت محترمة تقبل انها ترتبط بشخص بتاع بنات وله علاقات معهن احمدي الله انك عرفت حقيقته وابتعدت عنه واياك والاتصال به اوالكلام معو اهتم بدراستك ومستقبلك والحفاظ على خلاقك وسمعتك وسمعة اهلك وثقة اهلك فيك وعمرو ماحبك مثلما انت متصوره وانما كان بيتسلى بك لاجل يوقعك في طريقه مثل كل البنات اللي عرفهم سابقا اتركيه ولاتهتم به تماما وربي يسترعليك ويؤفقك في دراستك ويكرمك بابن الحلال اللي يعرف قدرك ويصون مشاعرك ويسعدك العمر كله ان شاء الله