انا بنت عندي 21 سنه وهو اصغر مني بسنه بس بنحب بعض بمعني الكلمه بقالنا 4 سنين بحلوهم ومورهم و الحمد لله اغلب الناس عارفه وانا بحبه لانه طيب ليا وبيحبني وبيخاف عليا رغم انى “عندي مرض في الدم “لا يشفي منه وهومش فارق معاه “زى ما بيقول” المهم انا من عيله ” فري ” بس محافظه وهو عكسي يعني ممكن يعمل اي حاجه الا”غضب الله “بس مش ملتزم لا في صلاه ولا صوم فاكر ان الحياه مفيهاش قوانين ربانيه هو ظابط وبيعامل الناس بطريقه وحشه اوي وانا خايفه عليه من الايام كما تدين تدان المهم عايزه اسيبه علشان مش راضي يتغير فاكرنا في اوربا او فاكر الدنيا بقيا لحد مش عايز حتي يبطل كلام بقله ادب بس مش عارفه لانه ساعات بيبكي عليا زي العيل ويقولي تهون عليكي عشرتنا و الكلام ده يعني وانا مصدقت حد يحبني بالشكل ده
ابعدي عنه بجد هتتعبي في حياتك بعد كدة الحب بعد الجوار غير الخطوبة او قبل كدة لازم يكون في ارتياح للشخص وحاسة بامان معاه والي يغلط ف الناس ويعاملهم وحش هيجي اليوم يغلط فيكي ويتعبك وحياتك تبقي جحيم رجعي نفسك وربنا ييسر امورك