بحب شاب من 7 سنين حبيته بجد وهوا حبنى بجد هوا قريبى فى الاول كنت بتكسف ابص حتى فى عنيه ولما كنت بكلمه كنت بتحرج اوى كنا بنروح ليهم زيارات كتير مامتى ومامته عارفين اننا بنحب بعض بعد كدة بقا يكلمنى فى حاجات مينفعش انو يتكلم فيها وانا كنت بصده وبتوه علشان مش يتكلم فى الموضوع دة وبعد كددة بدا يطلب منى انو يحضنى وكدة بس انا رفضت وقولتلوا بلاش تكلمنى فى كدة تانى وبردو كان بيكلمنى لما كنت فى يوم معاه وحضنى بس انا بعدته وقولتلوا انت مش بتحبنى علشان اللى بيحب حد بيحافظ عليه وقالى والله بيبقى غصب عنى انا خلاص مش هعمل كدة تانى بعد كدة طلب منو يشوفنى عندهم فى البيت بس مش كنا لوحدنا وحصل دة تانى بس غصب عنى لقيتنى مصدتوش المرة دى وكنت فى وقتها فرحانة بس بعد كدة كلمته فى التليفون وانا بعيط قولتلوا انا عملت غلطط وكدة حرام وبعد كدة الموضوع بدأ يتطور لحاجات تانية بس انا بنت والله زى مانا موصلتش للدرجة دى قعدت 6 سنين يحصل بينى وبينو كدة وبعد كدة بندم وبصلى لربنا وبدعيله يسامحنى ويبعدنى عن الشر وكنت برجع اعمل كدة تانى وارجع اندم كدة ربنا مش هيقبل منى التوبة صح انا نفسى ابعد عن الكلام دة ومعملش حاجة غلط علشان ربنا يباركلى وخايفه ربنا ميقبلش منى التوبه لانى وعدته كتير انى مش هعمل كدة وبردو بعدها عملت وحبيبى دة جه واتقدملى واهلى رفضوه وندمانه اشد الندم ان اانا هتجوز واحد تانى وعملت كدة مع غيره ومش عارفه اعمل ايه انا عارفه انى غلططانة بس انا عاوزة نصايحكو وانا اسفة انى طولت عليكو
بصي للي جاي يا حبيبتي بس إتعلمي من اخطائك وحافظي علي نفسك
بصي يا بنت الحلال قرييك ده لو كان بيحبك بجد كان هيعمل المستحيل عشان اهلك يوافقوا كان هيعمل أي شيء لأن اللي بيحب حد مبيقدرش يعيش من غيره وانت ساعديه واقفي جنبه واعملوا المستحيل انتو الاتنين لو بتحبوا بعض بجد لحد ما أهلك يوافقوا
اما بقي في حالة انه طلع ندل ومصدق انه اهلك رفضوه او مرضيش يضحي ويكافح ويعمل أي حاجة عشانك وعشان اهلك يوافقوا فيا بنت الحلال لازم تدعي ربنا دعوة صادقة وترجعي لربنا وتوبي توبة نصوحة واقطعي علاقتك بالقذر ده نهائي وأما يتقدم لك حد قولي له علي انك كنت بتحب قريبك ده بس ما تقليش له ع اللي كان بينكم المهم انه يعرف أن كان في حد قبله وزي ماقلت لك اقطعي علاقتك بالقذر اللي تخلي عنك ده نهائي
ونصيحة مني لوجه الله أما ربنا يرزقك وتجوزي اتقي الله في جوزك وحبيه بجد من قلبك وخلي بالك منه ومن بناتك وولادك حافظي علي بناتك من اي حد حتي من اقرب الناس ليهم من قرايبهم حتي عشان مايتكررش معاهم نفس اللي حصل معاكي وولادك علميهم الأدب والتربية علميهم يتقوا ربنا في نفسهم وفي بنات الناس وان عمرهم ما يعملوه حاجة في أي بنت نهائي عشان في يوم من الأيام هيترد لهم في اخواتهم وفي بناتهم
بصي يا اختي العزيزة انتي لسه فيك الخير ولسه فيك محبة الله حاولي ترجعي لربنا وتنفذي الكلام اللي قلتلك عليه بالحرف الواحد
السلام عليكم….