مشكلتي اني مع الاسف حبيت واحد وعلاقتنا تطورت خدعني ولمسني ولكني مازلت عذراء سبته وتبت لربنا ولكن ظهر في حياتي واحد تاني قال انه بيحبني ومسامحني علي اللي حصل مع اللي قبله بس موعدنيش بالجواز انا عارفة ان مفيش راجل بيسامح علي الحاجات دي مع العلم اني مش جميلة علشان يحبني كده ويسامحني اعمل ايه خايفة يكون بيلعب بيا وفي نفس الوقت انا شايفاه انسان محترم جدا وينفعلي خايفة اضيعه وخايفة انه يكون بيلعب بيا لان مفيش راجل بيسامح على كده بس في نفس ممكن يكون ربنا بعتهولي نجدة لقلبي وعلشان اللي احبه يكون عارف كل حاجة عني ومبقاش مخبية حاجة اعمل ايه اسيبه والا لا مع العلم اني صغيرة انا لسه ٢٠ سنة
اتفق مع الاخ -انسان عادي -في كل ماقال لصاحبةالمشكلة هذاهوعين الصواب والراي الصحيح اللي لازم تعمليه واتمنى لك التوفيق والسعادة مع الانسان اللي اخترتيه في حياتك ولك صادق احترامي
انتي غلطتي وتبتي؟؟؟ توبة نصوح لله تعالى مش لحد تاني …مفيش داعي تحكي عن الماضي استري نفسك لانه مفيش حد يسترك غير الله سبحانه وتعالى انتي لو تتوبي ربنا يغفرلك ويعفو عنك يعني يمحيلك ذنبك كانه ما حصلش لكن لما تحكي لشخص اخطاءك مع انها ما تخصوش لانها كانت من قبل ما تعرفيه لا خنتيه ولا خدعتيه حتى لو سامحك رح يجي يوم و الشيطان يلعب بعقله ويخليه يفكر كيف كان يلمسك الاخر وشو عمل معاكي رح يخرج عن اعصابه ويعايرك لانه بشر فيقي واوعي تفضحي نفسك لكن بشرط التوبة الخالصة لله
أتمنى أن تقفلي جوالك وتقفلي بابك على حبيبك الجديد وتتركيه للأبد وتبداي حياة جديدة
وكأنكي لم تفعلي شيئا وقد قلتي بنفسك أنك تبتي إلى الله وماذا بعد التوبة إلا المشي في طريق سليم بعيد عن الحب القديم وبعيد عن الحب بكامله
ونصيحة مني الحب ليس فيه استفراد من يقول لك قابليني أو تعالي معي كي نفعل القبلات أونلمس بعض
لاتذهبي أبدا أبدا حتى لواراد أن يترككي
فاللذي يحب بصدق لايستفرد بحبيبته أبدا لأنه يخاف عليها من نفسه ومن شهوته
ويعلم بأنه ما اجتمع رجل وامرأة إلا وكانت الشهوة في أوج قوتها وتلك مشكلة ولربما فقدتي عذريتك في المرة القادمة
لا تقابلي أي شخص تحبينه بعد ذلك إلا فقط بعد الزواج فقط هذا الوقت الصالح للإستفراد بكي
وثانيا إذا خطبك أحدهم لا تجعليه يستفرد بك وكوني مع أهلك أو أمك أو أخوكي
وثالثا نصيحة مني لوجه الله
اتركي الحب وشأنه فالآن أنتي في مرحلة جرح ونزيف عاطفي خذي وقتك حتى تعالجي جروحك وآلامك
وابتعدي عن الحب نهائيا نهائيا وذلك أسلم لكي.
أولا غلطتي لم اعترفتي لحبيبك الجديد بالماضي اللذي حصل لك
فهو حب جديد وحياة جديدة ورجل جديد وعقل جديد وقلب جديد
بمعنى اللي صار مابينك ومابين الرجل اللي قبلك يجب أن لايقال لأي أحد ولاحتى لنفسك ولاحتى لصديقتك
فأي رجل تقول له حبيبته أنني فعلت شيئا وهو أن حبيبي السابق لمسني وهكذا وأنني مازلت عذراء
الاشياء اللتي تخطر في باله
هو أنكي امرأة لستي أهلا للحب ولاأهل للثقة
والشيء الثاني اللذي سيخطر على باله
هو أنه لوكان شخصا دنيئا لربما استغلك لفعل الفاحشة نعم وهذا حصل بشكل كبير
وقد قرأت قصصا واقعية على ذلك الشيء
فهنالك من الرجال من حينما يعلم بأن حبيبته اعترفت له بأنه استفرد بها حبيبها السابق
يأخذها كعاهرة كساقطة وليست كحبيبة وليست كامرأة يريد الزواج منها مستقبلا
فنصيحتي لكي تراجعي عن حبك الجديد واتركيه لأنكي ستذهبين إلى طريق تفقدين فيه عذريتك لا سمح الله عسى الله أن يحفظكي ويستر عليكي ويحميكي آمين
بصى انتى اكيد قريتى فى النت عن مصايب كتير حصلت لبنات زيك وانا واحدة منهم خليكى صريحة مع نفسك ومع غيرك اى حد بيحبك وعاوز يتجوزك هيتقدملك غير كده كله كدب وحجج باطلة اطلبى منه يتقدملك لو قالك مش هيقدر ﻻى سبييه وقوليله لما تقدر تعالى وانهى علاقتك بيه نهائيا لان المرة الى فاتت جات سليمة متضمنيش المرة دى وبعدين فين التوبة الى توبتيها وربنا يسترها معاكى ويكرمك بالزوج الصالح
اولا عندك حق فاللى بتقوليه .. بس انسى كلمة مفيش راجل بيسامح فى كدة .. انا الانسانة اللى بحبها صارحتنى بكل حاجة كانت فى حياتها قبل كدة وكان ليها علاقة ولسة بنت برضه .. وانا عشان بحبها بجد ولقيت فيها حاجات كتير مش موجودة فاى بنت كنت عرفتها .. زائد انى انا كمان كان ليا اكتر من علاقة ببنات كتير .. فمش عدل ان الواحد يعيش ويعمل كل اللى هو عاوزه ويدور على واحدة متكونش فتحت عنيها غير عليه .. شوفى الوقت اللى كان فيه علاقتك دى .. كان هو فين ما يمكن لو كنتو اتقابلتو وعرفتيه من الاول مكنتيش دخلتى فى العلاقة دى من الاصل .. او ممكن هو كان فى وقتها مع واحدة تانية او فى علاقة تانية .. بصى اللى بيحب بجد بيسامح ومتقوليش هو مش هيسامحنى علشان انا عادية او مش حلوة اوى او او او .. الحب مالهوش مقياس وصدقينى لو هو سابك علشان مقدرش يسامح فى اللى صارحتيه بيه تاكدى مليون فى المية ان انتى اللى كسبانة وان نصيبه هيبقى فواحدة تكون عملت اللى ما يعمل وكانت مش بنت وراحت عملت عملية مثلا .. وعاملة الخضرا وصدقينى بيحصل ويوميا انا شفت حواليا كتير حاجات تشيب مع ان سنى مش كبير اوى 26 سنة … بس انا عرفت كتير وشفت كتير بحكم شغلى فى الطيران لفيت الدنيا كلها .. وصدقينى نصيحتى ليكى فاى حال من الاحوال انتى الكسبانة .. ولو لا قدر الله الموضوع ما كملش خليكى على موقفك واوعى تخدعى حد او واحد عاوزك علشان ربنا يفتح عنيكى ويعرفك اللى بيحبك بجد من اللى مبيحبكيش او عاوزك تفصيلة على مزاجه .. اللى بيحب حد بيحبه بحلوه ومره بعيوبه وباخطاءه وبيقبله بماضيه وباهله وبمستواه ايا كان … حاجة اخيرة بس عشان مش عاوز اطول عليكى حاولى متتدخليش فى اختياره او تضغطى عليه او تستعجليه فى موضوع الارتباط ولازم هو اللى ييجى يطلبك ويبقى مقتنع وعاوزك بارادته من غير طلب منك او ضغط او الحاح … علشان تتأكدى انه مش هييجى فيوم يعايرك بماضيكى ويقولك انا اتسرعت وكانت غلطة والكلام الخايب دة اللى بيحصل لما الرجالة الغيرة بتعميهم او يحسو انك بتكلمى واحد او حد بأسلوب كويس ويبدأ يشك والشيطان يلعب فى دماغه ويشتغل على حتة ان اللى عمل حاجة مرة ممكن يعملها عشرة … وياريت على قد ما تقدرى بلاش يبقى فيه مابينكم اى ايحائات جنسية او لمسات معينة غير مسك الايد او كدة .. ومكالمات التليفون اللى فيها رومانسية تبقى بحدود علشان متطورش وتبقى مكالمات جنسية .. وبعدين لو لا قدر الله محصلش نصيب .. تضطرى تصارحى اللى بعده بغلطتين مش بغلطة واحدة.
اتمنى اكون افدتك ولو حابة تتناقشى فى الموضوع مع حد ينصحك عن تجربة .. قوليلى وانا اكتبلك الايميل بتاعى ونتواصل وتقبلى نصيحتى كأخ مع فائق احترامى
طب انا عايزه اعرف ليه تفضحي نفسك وربنا ستر عليكي بصي ياحبيبتي بدال انتي والحمد لله عذراء متفضحيش نفسك حاجه حصلت وربنا تاب عليكي ولو بيحبك هيروح يتقدملك ولو مرضيش يخطبك من اهلك يبقى المره الجايه لما ربنا يرزقك بأبن الحلال تستري على نفسك زي ما ربنا ستر عليكي ومتفضحيش نفسك .