انا حبيت قبل كدا بس عمري ما اتكلمت مع بنت و انا خجول جدا , كنت بحب كده من بعيد لبعيد و خلاص و مكنش فيه اي تفاعل من الطرف التاني ..
هخش في الموضوع على طول , بحب واحدة بقالي 10 شهور مفيش يوم مش بفكر فيها فيه .. اول مرة شوفتها كنت في درس رياضة , احنا في 3 ثانوي بس انا ملتزم دراسيا و كده و مكنتش حابب اعطل نفسي ولا اعطلها معايا .. عرفت عنها كل حاجة من واحد قريبها بس هو قال كل حاجة عنها من غير ما يقصد , و معايا رقم تليفونها بس مش عارف لما اتصل بيها اقول ايه .. هي أساسا كل اللي تعرفه الاسم الاول بس و كمان تعرف شكلي كدة و خلاص , انا والله قصدي خير و حالتي المادية كويسة و بشتغل في الفوركس على النت و عندي استعداد اخطب بس عايز اربطها بيا لحد ما اظبط موضوع الخطوبة مع اهلي .. قولولي اعمل ايه ؟ انا تعبت نفسيا جدا , آسف على الإطالة
