الحب من طرف واحد

بحبه وخايفة يبطل يحكي معي او يبعد ويكرهني

ما راح اطول عليكم بس يا ريت تنصحوني كاختكم .
انا حبيت شخص من ايام الجامعة حبيته كتير من طرف واحد عمري ما حكيت معاه هو محترم جدا ومؤدب بس اتخرجنا وكل واحد راح بطريق بس انا ضليتني احبه وافكر فيه ونفسي اعرف عنه وعن تفكيره وشخصيته والي صار انو حصلت على اميله من دون ما يعرف عن طريق وحدة وبلشنا نتراسل علاقتنا مبنية على الاحترام والله حسيته قريب مني كتير بس المشكلة اني براسله باسم مستعار مو اسمي هاي غلطتي وهي اني كذبت من اول بس كنت خايفة ما يحكيني او انزل من عينه اذا عرف مين انا وانو انا كنت معاه بنفس التخصص والكلية بالايام هاي حسينا حالنا قراب من بعض نفس التفكير والاسلوب والاحترام ماسكة حالي بالعافية حتى ما اكشف هويتي بس احساسي بالذنب قاتلني وخايفة اذا حكتلو عن حالي يبطل يحكي معي او يبعد ويكرهني .اعترفلي انو متعلق في لانو بحس بالامان والراحة معي بس انا لما اسمع هيك بتعب لانو هو متعلق بشخصية واسم غير اسمي شو اعمل؟صعب اعترفلو وصعب اسيبه وصعب اتحمل فكرة انو يكرهني وانزل من عينو شو اعمل؟؟؟؟؟؟