الحب من طرف واحد

بحبه بس ضميري بيأنبي

انا مش عارفه ابتدي منين بس انا واحده عمري ما حبيت لحد دلوقت انا ف الجامعه ف اخر سنه ليا وانا اسااسا مش بكلم ولاد خالص بس كل الحكايه اني كان ليا وجهه نظر ف الموضوع اني مش مستعده اني احب واحد وفي الاخر مرتبطش بيه فكنت دايما اقول لنفسي الشخص اللي هرتبط بيه هوا دا الشخص اللي لازم احبه واني حرام عليا فعلا ان افكر ف انسان لحد ما حسيت في لحظه اني بحب واحد زميلي ف الكليه او علي الاقل معجبه بيه يمكن لانه فيه كل المواصفات اللي بتمناها انسان محترم متدين متفوق مش بيكلم بنات كل الحاجات دي شديتني ليه غصب عني بقيت دايما افكر فيه اتمني اشوفه ولان هوا ف قسم وانا ف قسم تاني فنادر لما اشوفه بس لما بدخل الكليه بحس من جوايا اني عايزه الف الكليه حته حته عشان اشوفه بس ولو مره. و بحس لما اي حد من صحابي بيتكلم عليه او حتي يجيبو اسمه بدايق اوووي بحس ان في نار قايده ف قلبي
وبقيت شبه مدمنه اني ادخل الفيس بوك عشان اشوف بروفايله وكل لما ادخل بروفايله بحس ان ده فعلا شخص يتحب
مش عارفه اعمل ايه المشكله اني عارفه كل اللي بعمله ده حرام وساعات كتير بقول لنفسي حرام اللي انا بعمله ده وبحس اني بخون الشخص اللي هرتبط بيه بعد كده لمجرد اني فكرت ف حد قبل كده ومش عارفه اعمل ايه ادعولي بالله عليكو ان الترم ده يخلص واستريح