بحبه وهو بيحب بنت من ديانة مختلفة

أنا حيرانة كتير يا جماعة وبتمنى تعطوني حل لمشكلتي وأنا رح أشتغل على حالي بحل هاي المشكلة من ردودكم .
أنا من بلاد الشام عمري 25 سنة وبحب شخص عمره 27 سنة كمان من بلاد الشام لكن من بلد مختلف عن بلدي ، الشاب رائع جدا بأخلاقه ومبادئه واحترامه إلى وعنده رجولة ونخوة فوق الوصف ، شخصيته كتير حلوة وقوية وإله هيبته بين أهله وصحابه والناس وشاب عصامي ومقتدر وجذاب لأبعد الحدود ، وأنا الحمدلله على قدر عالي من الجمال بشهادة الجميع وطبعا الجمال جمال الروح والحمدلله الكل بيشهدلي بخفة الظل إضافة إلى إني بنت اجتماعية ومحبوبة وناجحة كتير بمجال عملي ودراستي وأهلي وصاحباتي.
مشكلتي إني بحبه وبموت فيه وعلاقتنا ابتدت من شهرين لكن هو بحب بنت من نفس بلده وهي مسيحية مارونية وطبعا كل الناس خير وبركة سواء مسيحي ولا مسلم ولا غيرو ، هو بيستلطفني كتير وبحكيلي دائما إنو بحب كل شي فيه وهاد الشي بقدر أقرأه من عيونه ولمعانهم وقت اللي بنكون مع بعض وبيضحك على كل إشي بحكيه وبحب كل كلمة بحكيها واعترف من أول يوم إنه في حب بحياته وورجاني صورتها وهي بكل صراحة جميلة وناعمة جدا وبحكيلي إنو هي وعدته إنو رح تسلم بعد خمس سنوات وحالياً عمرها 19 سنة وبتدرس بجامعة راقية كتير فبلدها وأنا وياه عايشين بالخليج طبعا أنا مع عائلتي وأهلي وهو مع أصحابه .
المهم أنا كتير بحبه ونفسي أفهمه وجهة نظري بإنه ينساها ويعطينا فرصة نبلش مع بعض خاصة إنو مستحيل البنت اللي بحبها تسلم لانه عرفت من صاحباتي من نفس ديانتها وطائفتها إنو مستحيل أهلها يسمحولها تسلم وهو عارف هالإشي ومتأكد منه وبحكيلي لو ما أسلمت مستحيل آخدها … وإحنا هلأ بنعامل بعض كأصدقاء وفي بينا احترام كبير جدا وبيحكيلي كل إشي بصير معو بالتفصيل الممل وأنا كذلك وبنتقابل مرة بالأسبوع أو مرتين وأحيانا بحسو كتير ملهوف ومشتاقلي بس ما بدو يتمادى بمشاعره معي لانه بحبها وما بده يعذبني بس هو حاسس كم أنا بحبه بصراحة أكتر نفسي أعترفله بحبي خاصة إنو أنا وياه في كيميا بينا وفي مزح وضحك وبنفهم على بعض كتير بالعيون قبل لا الواحد فينا يحكي أنا متأكدة إنو كتير معجب فيه وبحبني كصديقة وكإنسانة عزيزة على قلبو مش أكتر وأنا بدياه يحبني متل ما بحبه وعازة علي حالي أطلب منه ينساها وبندأ مع بعض خاصة إني متأكدة إنهم مش رح يستمرو مع بعض بحكم اختلاف الديانات وإضافة إلى إنه فبلد وهي فبلد والبعيد عن العين بعيد عن القلب وهي كتير حلوة فوق الخيال وما أعتقد إنها تضلها مخلصة إله كل هالفترة يعني أكيد رح يحاولو شباب من عندها بالجامعة يستلطفوها ويتقربوا منها يعني لو أخلصتلو سنة مش رح تقدر تستناه أكتر ..ز
أنا هاي وجهة نظري بدي تدلوني شو أعمل ؟؟؟ بأسرع وقت لاني تعبت من كبت مشاعري أكتر من هيك نفسي يحس فيه ويبادلني نفس الشعور

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه