انا *** شاب عندى 20سنه بحب كل حاجه حلوه بحب اخرج مع اصحابى كتير والسفر معاهم والكوره وبحب الهزار والحياه الحلوه مشكلتى الوحيده فى الحب دى الحاجه الوحيده اللى نقصانى . المهم انا كنت مرتبط بواحده فى اولى فى الجامعه وبعدين سابتنى عشان واحد اتقدملها مهندس وجاهز وكل حاجه والمفروض اننا بنحب بعض جات تقولى انا بحب واحد تانى دى حاجه . خلص الموضوع ده وانا قررت انى مرتبطش بحد تانى لكن بعد 3 سنين اتعرفت على واحده واتصحبنا وبعدين بقينا بنتكلم كتير فى التليفون وهيا مش مرتبطه وانا اتشديت ليها واعجبت بيها وماقولتلهاش حاجه الا اما اتاكدت من نفسى وقولتلها وهيا مش موافقه حتى اسلوبها اتغير معايا اوى جالها عريس بقولها انتا شايفه مين اللى احسن ليكى قالتلى لا انتا ولا هوا وكلام يجرح كتير فضلت وراها فتره كبيره بالشهور والله وكنا بنتكلم كل يوم مره تكلمنى حلو والتانيه لا وكدا وبعدين انا تعبت قولتلها دى اخر مكامله بينا انتى عايزانى صاحب انا مش هاقدر عشان كدا مش هاعرف انساكى ومكلمتهاش تانى لمدة اسبوع هيا اتصلت بيا بحجة مالهاش لزمه ورجعنا اتكلمنا تانى وبعدين قالتلى هافكر فى الموضوع تانى . وكل مره تقول كدا وترجع تقول لالالالا . انا مابقتش فاهمها عايزه ايه منى لو هيا مش عايزنى بترجع تكلمنى ليه ولو عايزنى بتتعبنى معاها ليه انا مش فاهم حاجه ياريت تقولولى اعمل ايه فى موضوع الحب ده نفسى حد يحس بيا ويحبنى بجد ويهتم بيا واهتم بيه ونعيش حايتنا ياترا الحب اللى بجد ده موجود ولا وهم
يا راجل ده انا حبيتك من كلامك من غير ما اعرفك.طبعا انا بضحك معاك.شوف بقي انتا مشكلتك اللي انا شايفها انك تسئ الاختيار لأن اللي بتحكيه ده عباره عن بنتين الاولي عايزه تتجوز وخلاص بدون اي مشاعر يعني تعيش علي قفا اي لطخ زي ماحصل والتانيه اكيد طبعا عارفه واحد غيرك بس انتا ما تعرفش لما يبقوا كويسين تقلب عليك ولما يتخانقوا ترجعلك.عايز اقولك أن الحب ده من عند الله وموجود طبعا من قديم الأزل والحل هو انك تبعد عن اللي انتا بتحكي عنها دي خالص لانها لو بتحبك من اول ما تصارحها هتلاقيها ملهوفه عليك..عيش حياتك الفتره اللي جايه واصبر لحد ما هتلاقي اللي انتا بتدور عليه وما تجرييش ورا الحب سيبه هتلاقيه جاي لحد عندك اسمع كلامي ومش هتندم…