في بداية الموضوع هشرح بداية التعارف كان من سنة تقريبا وكان على الفيس بوك وطلع بالصدفة ساكن في نفس الحي اللي انا ساكنة فيه وطلع صاحب جاري معرفة من بعيد يعني… في بداية الموضوع مكنتش مهتمة بيه اوي بس كان عاجبني شكله بس وعادي يعني مكنتش حاطاه في دماغي اوي و عدت الايام وبقينا بنتكلم واتقربنا من بعض وشاف صوري وكان معجب بشكلي بس ماكانش في وضوح في الكلام يعني مش محددين اي حاجة ازا كنا اصحاب او اكتر من كده هو كان دايما يقولي انا مش حاسس ان انتي اختي بس لازم افهمك واتكلم معاكي على الطبيعه كان مصر اوي انه يقابلني وكان دايما يفتح الموضوع ده معايا وانا رفضت بس انا مع الوقت اتعلقت بيه واعجبت بشخصيته ووافقت واتقابلنا فعلا بس ما اتكلمناش كتير اوي لاني كنت محرجة اوي ومكنتش عارفة اتكلم لاني اول مرة اخوض تجربة زي دي ومن يوم ما شفته وانا مش قادرة اتخيل حياتي من غيره بجد حبيته اوي وحسيت ان هو اللي هيكملني ومع العلم ان احنا مناسبين لبعض في كل حاجة سواء مستوى مادي او علمي او عائلي بس المشكلة بقى انه لحد دلوقتي مقليش اي حاجة غير ان الوقت يوم مااتقابلنا مكانش كافي ان احنا نفهم بعض ولازم نفعد مع بعض وقت اطول من كده وهو اليومين دول مشغووول اوي بحكم شغله كطبيب ومبنتكلمش زي الاول بس انا مدايقة من الوضع ده اوي…ناس كتير قالتلي قوليله انك بتحبيه بس انا مقدرش اعمل كده واحط نفسي في موقف زي ده .. ساعات بيحسسني انه بيغير عليا وساعات بحس انه بيبادلني نفس الشعور بس مش راضي يعترف بصراحة ولا يوضحلي وخايفه اواجهه ليقولي انا موعدتكيش بحاجة … انا بدعي ربنا ليل نهار انه يحبني والله مش عارفه اعمل ايه ؟؟
انا اتعاملت مع حد يشبهه وكان مصر اخرج بس الحمد لله رفضت ف كل مره وكان طبيب بردو كده وطلع انسان مريض وحاجه مكنتش اتخيلها بصراحة كان قمه الخبث بحد كأنك بتكلمي عنه يكونش هو محمد حسان
بالذمة مش مكسوفة من نفسك وانت تقولي الكلام التافه دا والغير اخلاقي مافيش بنت محترمة تعمل كدا ابدا وصدقيني انت ماشيه في طريق مايعلم به الا ربنا احذرك احذرك احذرك من هذا الشاب الخبيث الماكر فهو لايحبك كماتظني وتتوهمي وانما يريد استدراجك لاجل الايقاع بك في الرذيلة هل فهمت الحقيقة اما لازلت على عماك ومش حاسه بوقوع المصيبة لك ربنا يسترعليك ويكفيك شره لازم تبعدي عنه وتقطع علاقتك به تماما لو كنت حريصة على سمعتك وشرفك وسمعة اهلك والله يهديك ويصلح حالك