سلام عليكو انا بنت متزوجة عندى 19 سنه كنت بحب واحد زمان وانا عندى 14 سنه وراح قال لصحابه صحابه ده يبقا صاحب اخويه فلم عرف راح قال لخويه اخويه ضربنى اوى وزبعدين صحب حبيبى الى قال لاخويا دخل حياتى واخدنى من صاحبه الى هو حبيبى ومن ساعة مدخل حياتى وهو خربهالى ومدمرلى حياتى خطبنى وطول فتره الخطوبه وهو بيضربنى وبيشتمنى وانا كنت بسكت خوف لو سبتها مجوزش تانى مع انى حلوه اووووى وربنا بس كنت خايفه ان كل اصحابى يجوزو وانا لا لا صبرت عليه وهو يبقا جارنا عمره مجالى زى اى و واحده مخطوبه على طول انا الى كنت برحلوه البيت وكان بيطلب منى حاجات مش حلوه لغاية مانزل من نظرى وانا كمان نزلت من نظره وبقا يضربنى وانا مخطوبه ليه ويشتمنى ويهزئنى ويقل ادابه على ماما وبابا اتجوزتها ويوم فرحى عمرى ما كنت حاسه انى فرحانه زى زى اى واحده النهارده ليله دخلتها بالعكس كان اوحش يوم فى حياتى علشان كنت حاسه انى دخل على اوحش ايام حياتى اول اسبوع جواز بقا يضربنى ومكنش بيجى جمبى غير قليل اوى علشان كان زهق منى ما هو كان بيعمل الى عايزه ايام فتره الخطوبه وانا كمان عمرى ما كنت حاسه ولا حاسه بى ولا حاسه انى مبسوطه معه اولا تلات ايام فى الجوز بقا يضربنى ويكتفنى ويخلينى اجرى بالقميص تحت عند مامتو واخواتو علشان مش يضربنى واول تلات اشهر سيبت البيت ومشيت رحت بيت بابا البيت بتعنا فى نفس الشارع الى انا متجوزه فيه فلم لمحنى جرى ورايا فى الشارع ودخل بيتنا واخدنى من جوه بالغصب وشدنى من شعرى واخوتو دخلو علينا بالسكاكين وبهدلونا وبهدلو اخواتى \بعد كده رجعتلو تانى وانا كنت حامل بقا يضربنى فى بطنى وينزلنى تحت الحنفيه علشان افطس وبقفا يكتفنى ويجيب الجوافه يكلوه ويرمى عليه البزر وانا متكتفها بالسعات وام كنت ببقا مع اثناء العلاقه كان بيطلب منى حاجات حرام وام كنت ارفض كان بيقومنى وانا من غير اى هدوم وينزل فى ضرب ويجرجرنى من شعرى فى الشقه ويبهدلنى ويموتنى من الضرب وانا حامل واما ولدت اول تلات ايام فى الولاده وانا لسه مفكتش الرباط بقا يضربنى ويجرى ورايا وانا كنت ولده قيصرى وةلسه مفكتش الخياطة بقا يجرى ورايا فى الشقه علشان يضربنى انا شفت كتير اووووى كل الى انا قولتها ده مش حاجه لسه الى مقلتهوش اقذر من كده المهم كرهتو وكرهت ايامى معها وحياتى واصلا انا فى الخطوبه كنت عايزه اسيبها بدل المره الف بس معرفتش المهم بقت خلاص هموت من حياتى وحاسه انى عندى 19 الف سنه من 19 سنه هو دخل حياتى من سن 14 سنه وانا عندى دلوقتى 19 وهو عنده 30 معايه منها ولد بس المهم حاسيت انى عمرى راح لغيط ما انا فى يوم هو كان ضربنى وكنت اعده قدام الباب بعيط لقيت شاب زى القمر معدى هو يبيشتغل جمبنا وكنت بشوفه كتير وكنت حاسه انى بتشد له وكان نفسى اكون مراتو واكون معه فى الحلال لكن للاسف هو مجوز ومخلف بس انا من كتر الى انا فيه اتشدتلو اوى وحاسيت انى نفسى اكون ليه فى الحلال رحت جبت رقم تليفونه وكلمتو بس مش قلتلوه انا مين بلغيط ما امنتلو قلتلو انا طلب يقبلنى فى مكان عاام قبلتو واعد معه المهم بعد فتره لقت نفسى بحبه ومش قدره اعيش من غيره وهو كمان حبنى اوى واتعلق بيه ومبقاش قادر يعيش من غيرى واتواتاعلقنا ببعض اوى وعشقنا بعض ونسينا اننا متجوزين كل الى افتكرنا اننا اتقبلنا والحب قرر انها يتولد بينا فى ظروف غلط ومش صح انا حولت كذ مرلا\ره ابعد عنه وهو كمان علشان خاطر رضا ربنا وبقنا نصلى لربنا ونصوم وندعيها يسمحنا بس مقدرنش والحب الى بيبنا رجعنا لبعض تانى بلقها نفسى معه وهو بيلقها نفسو معايه نسينا اننا احنا مش ملك بعض وانا هو ملك لحد وانا ملك لحد تانى واننا مش نجوز لبعض بص كل الى افتكرنا اننا لازم نكون مع بعض حاسيت معه انى رجعت لسن 14 سنه وعوضنى كل السنين الى شفتها يا رب انا تعبت سامحنى يا رب العالمين ادعولى قولولى اعمل ايه وربنا نفسى اكون ليه فى الحلال انا بنت ناس والهى ومتربيه بس الحب جانى فى وقت غلط خالها صورتى قدام الناس غلط وخلى صورتى قدامكم غلكط سمحونى يريت كل حد يقرا رسالتى يحس بيه قبل ميحكم عليه ويشوف سنين المر الى انا عشتها كل صحابى اتجوزها على حب وحاسين بجوازتهم الا انا عمرى ما حسيت مع جوزى بحاجه غير الضرب والاهانه والشتيمها منه ومن اهلها ويعط يقولى يبنت كذا وكذا انا جيبك خدمه لى امى وجيبك لمزجى وطول اليل ضشغال وطول النهار مع اصحابه فى الشقه بتاعتى وام انا اطلع الشقه يزئنى من على السلم ويقولى ايه الى مطلعك هنا يا بنت كذا اقولها دى شقتى يقولى لا دى شقتى انا وصحابى ومحدش يعد فيه غيرى انا وصحبى ويجيب الشبشب من قدام الباب وينزل ضرب على دماغى فيه ولا اى حد من البيت اشتكى من ينزل فيه ضرب ويجرجرنى على السلالم ويموتنى والنبى اعمل ايه انا سنمحونى وربنا غصب عنى انا بحب الشخص التانى ده اوى ومحدش يقولى كلامى جوزك وقولبله كده غلط ممنوع اتكلم معه لو جيت اتناقش معه يضربنى ويبهدلنى ويقتلنى انا هموت انا نفسى اموت وارتاتح سمحنى يارب سورى للازعاج شكر ليكم ولى احسن موقع على الانترنت سلام عليكم ورحمه الله وبركاتو
انتى بتتكلمى فى اية . الموضوع مش محتاج تفكير . دة انسان زبالة ومتخلف وحيوان ومش حاسس بقيمتك . هو فعلا انتى رخصتى نفسك معاة من الاول ودة اللى خلاة يزود فيها ويبقى زبالة اوى كدة . لكن خلاص اللى حصل حصل المهم دلوقتى الحل انك تطلقى . لازم تطلقى . تسيبى البيت وتمشى ومترجعيش لو حصل اية . بصرف النظر عن انة هيحصل جواز بينك وبين الواد اللى بتحبية دة . انما لازم تطلقى لكرامتك وحياتك وايامك وتخلصى من القرف دة . تحياتى .
اختي من الاساس انت غلطت كثير لمارحت للزقت زوجك للبيت قبل الزواج ورخصت نفسك وده خلاه يتمادى في الاساءةوالاهانةلك بعدالزواج وقلة ارادةوعجزاهلك اللي تخلوعنك ومادافعواعن شرفك وكرامتك امام الكلب السافل ده كان الواجب يحموك منه ويخلصوك باي طريقة حتى لوتطلب الامر تدخل الشرطة واتهامه بضربه لك واهانته المستمرة لك والكل شاهد بمايفعله بك لكنك رضيت بالذل والاهانة ومسالة انك تعرفت على شاب اخر فده حرام وخيانة زوجية لايمكن مسماحتك عليها مهماكانت ظروفك وحشةومعاملة زوجك ليك لاتبرر لك الخيانة من حقك طلب الطلاق من زوجك السافل الغيرمحترم والزواج برجل اخريقدر ظروفك ويعوضك عن كل ماشفتي من زوجك السابق بس عن طريق وسائل شرعية وبالحلال مش بالحرام وحافظي على ماتبقى من شرفك وكرامتك وسمعةاهلك وماتغلطيش تاني مرة كفاية اللي عملتي في السابق خليك واعية والحياة دروس وعبر لازم ناخدمنهاالمفيد لناونتعلم من اخطائناوربنايوفقك ويكرمك بالهدايةوالاستقامةويعوضك بكل الخير وبالستروالعافية
ازاي كل اللي هوة عاوزة خدة في الخطوبة يعني انتي اديتة صورة وحشة عنك من البدايو بمعرفتك للي انتي كنتي بتحبية وثانيا بتفريطك في نفسك وكمان بتحبي شخص بعد الجواز اتمني انك تتوبي وتتمني ان ربنا يصلح شخصيتك الاول
انتي من الاساس غلطانة مليون مرة عندماوافقت على الزواج من الحيوان ده اللي ظاهرانه ابن شوارع واهله ماعرفوش يربوه وعليك طلب الطلاق منه وفورا وحفظ كرامتك وشرفك وكرامةاهلك وبهدليه في المحاكم واقسام الشرطة وخليه عبرة لكل من لايعتبر وكفايه الضرب والسب والاهانات اللي عملهافيك وشهادةاهلك وكل الجيران في صالحك وتاكدي انه جبان وسافل ومنحط ولاعمره حيتغير ابدا وربي يحميك ويسترعليك ويكرمك بخيرمنه
انامستغرب جدا ازاي انت وافقت عل الزواج من الحيوان دا اللي مافي قلبه شفقةولارحمةولاخوف من الله وايضا اهلك ازاي ساكتين على الوضع دا ماينفعش السكوت عليه ياماما لازم تصوني نفسك وكرامتك وتحميهم من الكلب السافل الزبالة ده اطلبي الطلاق منه وفورا وارفعي عليه قضية تعدي وضرب واهاناته المستمرةلك واوعك تتنازلي اوتتهاوني معه اطلاقا علشان يتادب ويتربي السافل ده ويعرف ان الله حق وانو بنات الناس مش لعبة رخيصة له ولاهله الاوغاد وربي يخلصك منه على خير وينتقم منه عاجل غير اجل وحسبي الله ونعم الوكيل على كل ظالم ومفتري
اختي اناتالمت لسماع قصتك مع السافل المنحط الحقير داواتسال اين هم اهلك من اللي بيحصل معاك والاهم راضين بالذل والاهانات دي لبنتهم ربنايسامحهم على تخاذلهم معك والمطلوب منك الان ان ترفعي قضية خلع من ابن الكلب ده وتشكي فيهاضربه لك واهانتاه المستمرة لك وتاكدي انوالقانون في صفك وبيحميك من الحيوان داه ولاتخافي منه انت مظلومة وصاحبة حق والله معك وحاميك منه ومن شره واقطع علاقتك مع الراجل التاني اللي تقولي انويحبك داغلط وحرام تقيم معه علاقة وانتي على ذمة راجل اخر اتقي الله يجعل لك مخرجاويصلح حالك وبيعوضك بالزوج الصالح اللي يسعدك بالحلال في حياتك
بصى اقولك نصيحتى:::
من كلامك ان اهلك مش هيعرفوا يجيبولك حقك…وبالتالى حوار الطلاق مش هيبجيب همه بل العكس هيبهدلك اكتر..وبالتالى انا شايف انك ترفعى قضية خلع..قضية اية؟؟..قضية خلع
اول حاجة تروحى للمحامى او اى حد من اهلك::: يساله لان قضية الخلع عاوزة إثبات انه بيضربك او اى حاجة من كده..فالمحامى هو اكتر واحد هيقولك تعملى إية عشان تقدرى تخلعيه….دى نصيحتى ليكى وانا على فكرة متفهم ظروفك اوى.. بس انتى غلطتى لما اتجوزتى الشخص ده..انتى كنت بقيتى عانس اشرفلك وافضل ليكى من اللى انتى فيه..وانتى غلطتى تانى ونصيحتى ليكى انك تسيبى الشخص اللى بتحبيه لزوجته….وبمشيئة الله تعالى تقدرى تخلعيه..وربنا يكرمك بزوج محترم كويس ان شاء الله……..ده رأييى ليكى وياريت اى بنت تقرأ تجربتك تاخد عبرة وتختار بعناية وتركيز الزوج…على العموم اتمنالك انك تعملى اللى بقولك عليه
بصى يا اختى انا انصحيك انيك تطلبى الطلاق منو ومدام اهليك سورى يعنى ناس ملهومش فى الخناق والمشاكل يبقا شوفى حد من قريبك يعنى خالتيك او عمتيك او جديك يعنى حد من قريبك تهربى عندو وكمان يكون قوى علشان جوزيك لو راح وحب انو يرجعيك بلعفيه يعرف يحميكى منو وتشوفى محامى يرفعليك قضيه طلاق او خولع يعنى سعتها المحامى هيشوف انى اللى مضمونا اكتر وخليكى قعده عن قريبك لحد ما القضيه تخلص وان شاء الله تكسبيها وتخلصى من الكلب دا وبعدين سمحينى ازاى اهل يسكتو على اهانه بنتهم بشكل دا يعنى متهيالى لو حد غير اهليك كان دفنو مكان مهو واقف وحتى لو كان هو واهلو بيبوخو ربسو الاقصد جربى اللى بيقولك على وربنا ينجيكى وانتى كمان صلى وقراى القران وادعى ربنا انو ينجيكى وان شاء الله
بدايتا احبك احيي كل مشكله ليها حل كلام تمام. جدا وانتي مدام هو بالشكل ده لازم تطلقي لانك علي با ب الزنا كده اوصيكي ونفسي
بمرعات الله فالدنيا الي زوال والموت هو الشئ الوحيد المضمون فعتصمي بالله ومن يتقي الله يجعل له مخرج اختي الحبيبه اعلم ما تعنيه
فانتي في نار. لكن نار الاخره لا طاقه لنا بها
طيب بوصى هقولك على حاجه …مبدأيا …انتى مش راضيه باسلوب حياة جوزك ..يبقى بكل ادب واحترام تطلبى الطلاق …انتى لسا صغيره ..وولادك يروحم لابوهم هو يربيهم ..كده انتى هتبقى انسانه هتعيشى بكرامتك …ولازم تعرفى انك هتتطلقى عشان تعيشى بكرامه وتهربى من الذل ده وربنا ان شاء الله ينتقملك من جوزك واهله ..لكن متحطيش ف دماغك انك هتتطلقى عشان حبيبك لانى بصراحه مش متاكد من ان حبيبك هيتجوزك لما تتطلقى لكن لو جه واتقدملك يا ريت ويبقى ربنا عوضك خير …
كل اللي قلتيه ده ابتلاء من ربنا وان شاء الله يغيثك عاجلا أم اجلا من الحيوان ده,بس انتي كان عندك فرصة ايام الخطوبة لما كان جوزك بيطلب منك حاجات مش كويسة أنك تقولي لاهلك واهله وتفسخي الخطوبة بسبب سوء اخلاقه لكن الله اعلم انتي كنت حابة كده او لأ,ثانيا مفيش حاجة اسمها تحبي راجل متجوز وانتي كمان متجوزة ده بيبقى بداية الزنا ومتبرريش حبك ليه بقسوة جوزك لأن المبررات تعددت لكن الخيانة هدفها واحد وانتي كده هتخربي على بيتك وبيت الراجل المتجوز ده وحطي نفسك مكان مراته هل ترضي أن واحدة تانية تحب جوزك اللي بتحبيه؟!!!اتقي الله واللي مترضيهوش على نفسك مترضيهوش على غيرك وتدوري على سعادتك على حساب تعاسة غيرك