مشاكل الشباب النفسية

الخجل وعدم الثقة بالنفس

اضيف بتاريخ: Thursday, September 9th, 2010 في 02:40

كلمات مشاكل وحلول: الثقة بالنفس, الخجل, شاب, مشاكل نفسية

8 رد to “الخجل وعدم الثقة بالنفس”

1. Hero-Wanted

   

   15/09/2010 at 01:53

   شكرا لكم على ردودكم
   وان شاء الله هحاول امشى بكلامكم

   والف شكر على النصائح
2. w7d men elnas

   

   11/09/2010 at 22:35

   كلنا في الاول بنكون كدا
   بس تجارب الحياة بتعلم وتقوى الواحد
   عامة انا بؤيد نصيحة الى قال لازم تعرف قدراتك وتقوي نفسك
   وماتخليش الثقة تكون خارجية بس
   لازم تقوى نفسك بتعبيرات انا واثق من نفسي
   انا مش خايف انا انسان ممتاز وتكلم نفسك دايما بايجابية
   واسثمر نفسك في مجالات الانشطة والاحتكاك بالناس
   وتمنياتى لك بكل التوفيق
3. HanyMoh

   

   11/09/2010 at 05:31

   بص يا صاحبي

   أنا كنت زيك لفترة قريبة نسبيا وأنا عندي 26 سنة دلوقتي

   لكن علشان تقضي على الخجل وعدم الثقة بالنفس

   يبقى لازم تعرف قدراتك،،، لو معرفتش قدراتك يبقى لازم تبني لنفسك قدرات جديدة.. مش بهزر

   مثلا العب رياضة والرياضة أساس في تكوين الثقة،،، أنا كنت نحيف لكن مارست رياضات عنيفة والحمد لله بقيت كويس إلى حد كبير،،، قوي نفسك علميا ودراسيا،،، واجه الحاجات اللي بتخجل منها مرة واتنين وتلاتة علشان تقدر تتعود عليها،،، وطبعا في ناس مش بتخجل من حاجات أنت بتخجل منها وأنت أحسن منهم…..
4. elrahal

   

   10/09/2010 at 01:26

   انا حاحسس بيك جدا لان انا كنت ذيك كدة واللي خلاني كدة هيه الصدمات اللي قابلتهافي بداية حياة كاشاب ذي صدمة اول حب وصدمة اقرب الاصدقاء لية كل دة خلاني اخاف من الناس وخلاني ابعد عن اي حد يقرب مني واصبحت منطوي جدا وذلك كان معي بداية دراستي في الكلية ولكن الحمد لله قابلت اصدقاء مخلصين جدا اما لو انت منطوي بسبب الخجل فعلاجك الوحيد هو ان تذيد ثقتك بنفسك وتحاول تتعرف علي اصدقاء عندهم مشاكل فهاتحولو تحلو مشاكلكم مع بعض وهاتحسو ببعض وابعد عن العيال اللي هما فاكين شوية لانهم هايعقدوك ذيادةوعلي فكرة انا في تجارة ذيك
5. masrawy

   

   09/09/2010 at 21:34

   بص يا سيدى أنا هجيبلك من الآخر

   ربنا ما بيخلقش حاجة أو انسان والحاجة دى ملهاش لازمة

   ربنا بيخلق اى حد لهدف معين وان الانسان ليه فايدة معينه وهدف من خلقة

   دور جواك على حاجة حاسس ان انت مختلف فيها ومفيش حد غيرك يعملها حاجة انت متميز فيها

   متميز فى الكمبيوتر مثلا مخك حلو فى الرياضة بتلعب كورة حلو عندك موهبة انك بتعرف تكتب شعر أو فى التأليف

   شوف جواك انت كويس ومتميز فى ايه وخلى عندك ثقة كبيرة فى نفسك وحاول تخلط نفسك بالناس وتتعايش معاهم

   وصدقنى لما توصل وتعرف انت ربنا خلقك ليه وميزك بالصفة دى ليه هتعرف اد ايه انت ليك لازمة

   وقد ايه ربنا بيحبك وصدقنى انت اكيد ربنا خلقك علشان هدف معين لأن ربنا مش بيخلق اى حاجة كدة والسلام

   المهم ان انت تدور جوة نفسك ولما تلاقى نفسك صدقنى هتحس ان حياتك ليها معنى
6. ayman

   

   09/09/2010 at 15:07

   تعرف ايه علاجك
   علاجك انك تقدم خدماتك للناس ابتغاء وجه الله
   حتى ولو رحت المسجد القريب منك واعتدت على تنظيفة ولو يوم فى الأسبوع
   اى حد له طلب يمكنك فعله فافعلة حتى لو لم تقدر فكن معاه ولا تتركة وهو يبحث عن الحل
   صدقنى لا يوجد ما هو افضل من لذة العطاء وستجد الناس من حولك دائما يحبوك
   ارجو الدعاء لى ولوالدتى رحمها الله
7. حسام البحيرى

   

   09/09/2010 at 11:18

   اخويا حبيبى
   الاول احب اقولك انى ليا واحد صاحبى نفس الكلام
   بس قعدنا نحاول معاه لحد ما بقى شوية احسن
   الخجل مش وحش بس لو زيادة يبقى وحش
   واحدة واحدة ومتتهمش نفسك ديماً بالتقصير حاول تتعرف على الناس
   رتب كلامك قبل ما تتكلم وانا متاكد هى البداية وبعدها هتبقى تمام
   حاول وخلى قدامك صورة لحد اجتماعى جداً وحاول تقلده حتى لو الحد دا من خيالك
   قلده فى طريقه تعرفه على الناس فى تلقائيته فى اجتماعيته وهتلاقى فى خلال ايام الصفه دى عندك باذن الله
   وخلى بالك مفيش حد مالوش لازمة ولو انت حاسس بكدا يبقى حاول يبقى لك وجود واثبت نفسك ومتخمفش من انظار الناس ومتحطهمش فى دماغك خالص واتعامل بتلقائيه

   .. حسام البحيرى ..
8. وهم الحب

   

   09/09/2010 at 08:45

   من الشيطان وانت كويس بس انت مؤدب وكبر دماغك