مشاكل حب المراهقة

الخوف من كلام الناس شبح بيطاردنى

انا بنت عندى 14 سنه ومن قريه صغيره عندنا علاقات الحب والصداقات دى بين البنت والولد مرفوضه تماما علشان كده اى علاقه بين ولد وبنت بتكون سريه اوى والا سمعتهم تبوظ المهم انا فى شاب عنده 17 سنه حبنى وفضل يلح عليا علشان اكلمه ويقولى انو بيحبنى من زمان اوى (هو فعلا كان بيبصلى كتير لدرجه ملحوظه وحاول كذا مره يكلمنى وكنت بصده) وبدأ يبعتلى رسايل ع الفيس بوك وكان كل مايشوفنى يقف قدامى ويقولى مش هتمشى الا لما تسدقينى وتردى عليا ويقولى اد ايه هو بيحبنى ورافض انو يسيبنى مهما حصل وانا ف البدايه كنت رافضه تماما زى ماكنت بعمل مع اى حد بيحاول يكلمنى لكن انا ف المره دى كنت منجذباله من اول مره بعد كده انا كنت رديت عليه ع الفيس واتكلمنا شويه وحاولت اقنعه انى مش هكلمه ومليش ف الكلام ده بس هو قال انو بيحبنى ومش هيسبنى وانا شويه شويه حبيته وبقيت بحبه اوى كمان ومقدرش استغنى عنه وفضلنا نتكلم ع الفيس ع طول بس كان وقتها خلاص فى ناس كتير شافونا لما كان بيقف قدامى ويكلمنى وبدأ الكلام علينا لغاية ماوصل لاخواتى البنات وهما كبار فزعقولى وبهدلونى واخدو منى التليفون وبقى ممنوع اقعد ع النت وبعتولو مع قريبته وقالولو انو لازم يبعد عنى وانو لوحاول يكلمنى تانى مش هيحصله كويس وانا اتأذمت جدا ف الفتره دى وبقيت بتعامل معامله وحشه منهم وهددونى انى لو عملت كده تانى هيقولو لبابا واماما وهما مش هيبقى عندهم تفاهم ف الموضوع ابدا وهتحرم من كل حاجه ف حياتى حتى يمكن الدراسه كمان طبعا انا خفت بس كنت كل مااشوفه بتأثر اوى وهو كمان كان بيفضل يبصلى وكئنه هيجرى عليا ويجيلى وطلب انو يكلم اختى وتوصلو لحل كويس بس هى رفضت الكلام معاه وبعد فتره انا كنت واقفه وببصله وعنيا اتملت دموع لما شافى جالى وقالى “متعيطيش انا بحبك بس هعمل ايه؟قلتله انا اسفه علشان اللى حصل قالى انتى ملكيش ذنب بس انا مش هسيبك”وبعد كده اتفقنا اننا نصبر لغاية ماالامور تتصلح وبعد ماخلصت امتحانات عملت ايميل باسم مستعار وكلمته من عليه ومحدش يعرف عن الايميل ده حاجه غيرو هو بس وبعدين لما مبقتش اعرف افتح من فتره صغيره كلمته ف التليفون بس من خط استبن معايا ومش بفتحه غير لما اجى اكلمه وبنتكلم دلوقت بس كل فين وفين لما بيتيسر ليا وقت مناسب وبتبقى مده المكامله 5 او 10 دقايق ونادر لما بنقدر نتكلم مده كويسه بس انا دلوقت معاه وهو بيحبنى وانا كمان بعشقه وودعدنى انو مش هيسيبنى مهما حصل وانى لما اخلص ثانويه هيتقدملى فورا
المشكله هنا دلوقت خوفى من اهلى واللى ممكن يحصل لو عرفو؟
خوفى من ربنا لانى حاسه ان ده ممكن يكون حرام علشان البعض بيقول كده؟
خوفى ان الظروف تفرقنا؟
خوفى من الناس وكلامهم؟
ياترى ممكن يكون حبنا د وهم؟
اعمل ايه علشان اخواتى يبطلو يأنبو فيا؟
خايفه انو يسيبنى ف يوم م الايام؟
وفى مشكله تخصو..اهو مكنش بيصلى وانا قلتله انو لو ماصلاش هسيبه فبقى بيصلى بس متقطع ازاى ينتظم؟
وهو بيشوب سجاير ..ازاى يبطلها هو بيحاول بس فتره وبيرجع؟
هو كان بيكلم بنات بس دلوت بيحلفلى انو مسح ارقامهم كلهم ومبقاش يكلم اى حد ولما حد فيهم بيتصل بيه بيقولى وبيعرفنى حتى قالو ايه
بس ازاى ممكن اتأكد؟
شكرا واسفه انى طولت