أولا السلام عليكم ثانيا أنا هكون في المرحلة الاولى من الثانوية العامة السنة الجاية وصاحباتي كلهم متفقين ياخدوا دروس في سناتر والسناتر مش قريبة من بيتي يعني بهدلة وبيقولوا ان مدرسين السناتر مفيش زيهم في الشطارة وطريقة الشرح ولو أنا قررت اخد درس خصوصي عند أي مدرس عادي هاندم ومش هاجيب مجموع كويس يدخلني طب زي ما أنا عايزة فهل ده حقيقي ولا عادي مش فارقة درس خصوصي ولا سنتر ما دام أنا بذاكر كويس ؟؟؟؟؟
مشاكل الثانوية العامة
الدروس الخصوصية في الثانوية العامة ضرورة ؟
اضيف بتاريخ: Thursday, June 30th, 2011 في 07:23
كلمات مشاكل وحلول: الثانوية العامة, مشاكل الثانوية العامة
لا ياحبيبتى مش شرك خالص السناتر دى انا اكبر منك بسنه والمدرسين بره بيكونوا كويسين جداااا المهم انتى ترتاحى للمدرس نفسيا وتعرفى تستوعبى المعلومه
وكمان انتى مجهودك اهم حاجه سيبك من اللى تقوللك دا مدرس شاطر ودا فاشل لالا انتى عليكى العامل الاكبر بعد الله طبعا ..
وكمان انتى بتقولى تندمى لو لاقدر الله ماجبتيش مجموع لا ياجميله دا قدر ربنا انتى اعملى اللى عليكى وسيبيها لله وباذن الله يحققلك امنيتك
انتى شوفى مدرس قرب منك وترتاحيله نفسيا وحتى لو اصحابك مش معاكى هتعمليلك اصحاب عنده وربنا يوفقك ياقمر
للأسف حال التعليم في مصر متدهور لاقصي حدود و الحمد لله انا خلصت ثالثة ثانوي السنة دي
و عاوز اقولك ان معظم المدرسين زي بعض الطالب هو اللي بيشغل المدرس اللي قدامه و بعض المدرسين بيبقي اهم حاجه عنده الفلوس فقط
انا مدرس واشتغلت في سنتر وخصوصي المهم في الاول والاخر الطالب الدرس الخصوصي بيفتح المجال للطالب لو كمل على ماتعلمه وذاكر واستفاد من المدرس هيجيب الدرجات لو اعتمد نظريا انه بيدرس خصوصي فقط مش هيحصل على شيء