السلام عليكم ورحمة الله وبركاته انا عايزه استفسر عن حاجه انا كنت رفيعة جدا وزني ٤٥ وطولي ١٦٢ وجربت كل حاجه عشان ازيد بس مافيش فايدة لحد ماتعبت وزهقت من كلام الناس والكومنتات علي وزني لحد ماقررت اني اخد ديكسازون وترايكتين لاني قريت عنهم انهم بيزودوا الوزن وبسرعه كمان وفعلا اخدتهم ووزني زاد جدا وف فتره قليلة كمان بس الدكتور الصيدلي كان قالي ماينفعش ابطلهم مره واحده انا بقالي شهر ونص باخده اول شهر ٣ مرات ف اليوم وبعدين ١٠ ايام مرتين ف اليوم وحاليا باخد حباية ف اليوم بس انا تعبت جدا ورجلي وجعاني جدا ومش بقدر امشي عليها واقل مجهود بيتعبني انا خايفة ليكون الديكسازون عملي حاجه ف رجلي لدرجة اني بقيت بصلي وانا قاعده من كتر الوجع اللي ف رجلي وف نفس الوقت مش قادره ابطل الديكسازون مره واحده ولازم امشيه بالتدريج عشان مايضرنيش تاني حاجه هل بعد مااوقف الديكسازون والترايكتين هخس تاني ولا وزني هيثبت علي كدا …. اتمني حد يجاوبني لاني بجد قلقانه جدا
السمنة و طرق التخسيس
اخدت ديكسازون عشان ازيد ومش عارفه ابطلة
اضيف بتاريخ: Sunday, November 30th, 2014 في 18:54
انصح حضرتك تبطليه لاانى كنت باخده وبيعمل ميه تحت الجلد تحى انك منفوخه ده مش طحن وكمان بيعمل مشاكل فى اللمعده وبطلته عادى من غير مشاكل بس هاتخسى تانى بعدها على فكره
الله بجد وزنك زاد؟؟..انا كنت باخد ترايكتين وعلي فكره مش ليه اي اضرار هو بيدي احساس بالنعس والخمول بس..انا دايما مشكلتي اني استمر عليه مش اني ابطله لانه بينعس زي ماقولتلك..انما اعتقد وجع رجلك مالوش علاقه بالادويه دي خالص..انا والدي دكتور وهو ال كاتبلي عليهم لو كانت مضره ماكنش هيكتبهم.