اعمل ايه فى شك خطيبى؟

انا مخطوبة من سنة بدأنا بالمصارحة فى كل شئ فى الاول وقبل الخطوبة الرسمية لاحظت شكه المستمر فيا لدرجة المراقبة قولت يمكن خايف عليا وواجهته ان مش دى الطريقة المناسبة وبرغم ان كل الناس بتقول بلاش الواحده تصارح الشخص اذا كان فى علاقة سابقة لكن قبل ما ييجى البيت واجهنى بإذا كان فى اى شئ اصارحه بى وانا قولتله انا الماضى بالنسبالى ميفرقش المهم انت هتبقا معايا ايه، وحكتله كل شئ عنى اللى ماكنتش قولته وقالى نبتدى صفحة جديدة صدقته لكن بدأ يسأل فى تفاصيل التفاصيل لحاجات فاتت ووقت ماكنش موجود فيه ولما اقول مبيصدقش ويسأل وانا كنت دايما حاسه بذنب عشان اتأخرت فى الوقت اللى حكيتله فيه عن كل حاجه. وكنت بوافقه على اى حاجه بيقولها
حصل ما بينا مشاكل كتير بلاش خروج مع اصحابك ولا شغل ولا نزول فى اى مكان وغير مسموح انى اتأخر فى الرد على التليفون حتى لو غصب عنى ولو هعمل اى حاجه اقولها قبل ما اعملها وغيرلى تليفونى وانا اللى طلبت منه عشان يطمن وفوجئت انه بيجيب بيان بالمكالمات ويسألنى. ولكن بأستمرار كان بيتعصب ويطلب منى اسيب التليفون مفتوح يسمع انا بعمل ايه وبرغم كده كان اى حاجه بيسمعها بيفسرها تفسير سئ جدا ومهما حاولت افسر مبيصدقنيش.
واستحملت وسكت واتكلمت كتير وقولتله انا بحبك وقعدت من البيت وخليت اهلى يوافقوا على ظروفه وتعجيل الجواز عشان يطمن وعشان اطمنه كنت بسيب معاه التليفون عشان يطمن وقرب ميعاد فرحى وحاولت من حبى لى اقول لنفسى ان ده طبيعى وكل اللى حواليا بعدوا عنى خوفا لا يحصلى مشاكل وبرغم كده فاجئنى فى يوم بأنه شاف رقم متسجل عندى تحت اسم بنت وانه اتصل بي وطلع رقم راجل … فضل يقولى مين ده ..قولتله معرفش وفعلا انا معرفش الرقم ده نهائى ولما هديت وركزت لقيت ان الرقم ده عبار عن تاريخ صورة محطوطة للاسم (20112012**)اليوم 20 وشهر 11 وسنة 2012 و** رقم ترتيب الصورة ولكن مصدقنيش واتنرفز وقالى انا جاى اخد حاجتى (الشبكة وخلافه) فضلت صابره ومستحمله دقايق لكن هو صمم ييجى ياخد حاجته وعرفت اهلى.
اعمل ايه؟

مشاكل وحلول ذات صلة

• خطيبي يطلب التسامح بعد الخيانة
• خطيبي عايزني اسرق اهلي
• تجهيزات الخطوبة و الفستان والكوافير ازمة
• خطيبي الصعيدي باسني وحضني وخايفة منه
• ذليلة لخطيبي وحاسة انه مش بيحبني
• خطيبي كان يحب فتاة وماتت
• انا وخطيبي نمارس الجنس السطحي لكن قرفت