انا مشكلتى عارفة انها مخجلة جدا , وانا مش عارفة احكى لمين بس ارجوكم أفيدونى ضرورى
انا اتعرفت على شاب بعد فقدان والدى واختى بشهور وثقت فيه جدا وارتحتلوا وقلت انه هيكون ليا كل حاجة والدتى مرضت جدا واصبحت فى دنيا تانية
وانا كنت محتاجاله اوى للاسف مع الوقت حبيتوا وثقت فيه وفى لحظة ضعف انا استسلمت وصدقتوا وللاسف خسرت اغلى حاجة عندى وطلبت منه كتير انه يتقدملى وفعلا كلم اهله وباباه رفض وفضل مع الوقت يقولى هقنعهم واصبرى وع الحال ده 4 سنين
وبقا بيطلب منى الحكاية دى كتير وتقريبا بقت اهم حاجة عنده , وانا بتهرب منه واتقدملى ناس كتير وماما نفسها تطمن عليا وانا مش عارفة اتصرف ازاى
ده غير انه بقا بيهددنى لانى بتهرب منه ومن مقابلته , بقا بيقولى انتى مش بتتهتمى بيا ولا بشوفك , واى تصرف منى يقولى هسيبك ومالكيش حاجة عندى
وانا بقيت بحس بالقرف كل ما احاول انى اتقرب منه او اتكلم معاه بذوق ,
للاسف انا مش عارفة اعمل ايه .. وهو بيحاول اوقات يقنعنى انه بيحبنى بس استحالة يكون ده حب
وانا مبقتش بحس اى حاجة ناحيته لانه اكتر حد اذانى فى الدنيا استغل ضعفى وحرمانى والحالة النفسية الا كنت فيها بعد فقدان اغلى الناس ليا
ارجوكم قولولى اعمل ايه ؟
العذرية وغشاء البكارة
أفقدنى عذريتى ويقوم بإذلالى
اضيف بتاريخ: Wednesday, February 28th, 2018 في 21:39
كلمات مشاكل وحلول: بنت, حب, شاب
اتركيه نهائيا لانه مش بتاع زواج خالص وبيتسلى بيك اعملى عملية ترقيع وابدئى حياتك مع شخص يحترمك ويقدرك
ابعدي عنه هو داقك ف الحرام واتعود ومش متحمل مسئولية … انسي الموضوع وبلاش تقابليه تاني واي حد يتقدملك مناسب اتجوزيه وربنا يستر عليكي وعلينا
شوفي يابنتي ربنا يصبرك على فقدان والدك واختك ويرحمهما الله ويسكنهما الجنة ويخلف عليكم بالخير انت غلطت جدا لما وثقت في هذا الشاب السافل الواطي اللي اغواكي وسلبك اعز ماعندك وهو شرفكي واصبح يتهرب منك ولايريد الزواج منك وعمرو لن يفعل هذا اتركيه فورا واقطع علاقتكي به نهاية وللابد واياك والرجوع له مرة اخرى توبي لربك واستغفريه واندمي على ماحصل منك والله يقبل التوبة من عباده وهو الغفور الرحيم لن يفضحك الله بل بستر عليكي ويكرمكي بابن الحلال الصالح اللي يستاهلكي ويقدرمشاعركي ويسعدكي استري نفسك فالله يحب الستر على عباده ولن يخذلك الله ابدا طالما انك تايبه من المحرمات والمعاصي وتريدي الحلال والستر فسوف يؤفقك الله ويرزقك من اوسع ابوابه ربي يصلح حالكي ويسترعليكي ويكرمكي بالزوج الصالح في حياتكي