السلام عليكم ورحمة الله وبركاته ياجماعه بالله عليكم شوفولي حل للمشكله دى انا نفسيتي وحشه اوى ومش قدره اتكلم مع حد غيركم انا مشكلتي اختي الكبيره كانت مخطوبه عن حب جنون من اربع سنين وحصلت مشاكل وسابو بعض وبعضها بفتره اتخطبت لواحد تاني واعدت سنه وبرضو سابو بعض بسبب انو كان بيخنق عليها اوى في كل حاجا المهم كدا بقالهم شهر سايبين بعض بس هيا بتكلمو من ورانا وانا عارفه لان هيا اختي الوحيده واسرارها معايا وانا نفس الشيء المهم خطيبها دا كان بيكلمني انا برضو وبيسلم عليا في الموبايل وجه في مره قالي انا عايز اخد رايك في حاجا قولتلو اتفضل قالي انا ليا واحد صاحبي كان خاطب واحده وبعد الخطوبه اكتشف انها مش عذراء والبنت دى قالتلو ان خاطبها الاولاني هو اللي عمل معاها كدا المهم وصاحبي سامحها وكمل معاها وكان هايتجوزها بس هيا سابته عشان كان بيخنق عليها اوى وهو لسه بيحبها وعايز يرجعلها انتي ايه رايك فانا قولت رايى بقسوه قولتلو دى واحده غيرها تبوس الارض اللي بيمشي عليها وتحمد وقولتلو وهو ايش ضمنه ان خاطبها الاولاني هو اللي عمل كدا قالي يعني انتي رايك كدا قولتلو اة المهم محطتش في بالي حاجا وجه اللي كان خطيب اختي دا في مره اتخانق مع اختي فاتصل بيا واعد يشتم الفا وحشه ويقولي عندى ليكي مفاجاه عارفه مين اللي كنت بيحكيلك عنها اللي مش بنت اللي بتنام من الشباب واعد يشتم قد كدا فانا اول ماعرفت ان البنت اللي انا اتكلمت بقسوه عليها دى طلعت اختي انهرت واعدت اترعش وكنت بلطم علي وشي ورحت صوت لاختي قولتلي انتي مش بنت قالتلي دانا كنت بقولو كدا عشان اغيظو فانا لحد دلوقتي كل امه افتكر اعيط ومش عارفه اعمل ايه اخد اختي عند دكتوره واشوفها عذراء ولا لاء انا مش عارفه اتصرف لوحدى وماقدرش اقول لماما ولا حد من عندنا دول يموتوها بجد انا مش عارفه اعمل ايه انا بكتبلكم وانا منهاره من العياط اختي في محنه وانا مش قارده اعملها حاجا لوحدى ارجوكم بلاش تحرجو فيا انا مش ذنبي حاجا وقولولي اعمل ايه بجد انا تعبانه ومش لاقيه حل انا مكنتش متوقعه من اختي دى كدا وعملت كدا فين وازاى المشكله انها خايفه تحكيلي
روحى اكشفى عليها عند دكتور خبرة ف البكارة واتاكدى ولو فعلا كده ساعديها ف عمل عملية ترقيع دايمة واقفى مع اختك للاخر وسيبك من الخطيب ده وخليها تبدا حياتها مع شخص طبيعى ولا تقول له اى شئ عن الماضى
خدى اختك و اطلعو على الدكتور بس لو طلعت كانت صادقه هتعتذرى ليها و تمسحى و تعرفى اللى كان خطيبها اللى اصول لو كان بيحبها يحافظ عليها حتى لو الموضوع اتفركش ميغلطش فيها
مش عاوزك تظلمي اختك لمجرد كلام سمعتيه من واحد ********* اقعدي مع اختك وخليها تصارحك بالحقيقة وماتخبي عنك شئ هل حصل بينها وبينه ذلك الشاب علاقة غيرشرعية يعني بصريح العباراة نامت معو ومارس الجنس معها فان رفضت الكلام معك فتاكدي ان الكلام اللي قاله عنها صح ولابد تاخذيها للطبيبة عشان تتاكدي اكثر وفي الحالة دي لازم تستري على اختك وماتفضيحها مهما كانت الظروف وقد يكون ال**** ده ضحك عليها او اعتدى عليها بالاكراه والتهديد وتستر اختك نفسها وتعمل ترقيع لغشاء بكارتها وتعيش حياتها حتى يكرمها الله بالزواج من ابن الحلال اللي يستاهلها ويسعدها ولاحول ولاقوة الابالله وسترعليكم في الدنيا والاخرة واصلح لكم الحال