اتعرفت علي شاب من ٣ سنين واحببنا بعضا ولكن حصلت خلافات كتير بينا وهو رجع لحبيبته القديمه كذا مره وانا معاه وكان بيكذب عليا وعلاقتنا اتوترت ودا غير انو وصل انه بقي يضربني من اقل كلام وفي مره ضربني في العربية قدام واحد صاحبه وفتح العربيه ورماني مننها في الشارع والناس اتلمت وبعد كدا نزل جري يشيلني من الارض وفضل يعيط قدام صاحبه وانا اتكسرت اوي بس عمري مابعدت عنه حتا لو عمل فيا ايه لما كان بيصالحني ف نفس الوقت كنت بتراضي ،، وفي يوم كنت رايحة اسيبه و كنت عاملة حفلة وداع يعني وكنا ف مكتبه انا وهو لوحدنا وكنت مجهزة المكان رومانسي جدا و للاسف هو لم يقاوم جمالي وانا كنت ضعيفة جدا وللاسف افقدني غشاء البكارة ! وانا انهارت من البكاء وخفت منه وهو فضل يعيط وفضل يقولي انا عمري ماهسيبك والله واوعدوي هيتغير ويبقي كويس ف كل حاجة علشاني وعشان يرضيني وفضل يهديني و بعدها بقي كويس اوي معايا بس فتره ماتزيدش عن ٢ شهرين ورجع يضربني تاني ويشتمني عند حدوث اي خلاف … وبعد ماعدي خمس شهور علي اليوم اللي غلطنا فيه اتقدملي واتخطبنا بس مكنش مهتم بيا وكان بيقلل مني كتير ف افعاله انو مبيجيش يزورني غير لما اطلب منه .. مبيعاملس مع اهلي بود وكان كتير لما يكلموه ميردش عليهم اصلا ومن هنا بدات المشاكل وفي يوم انا وهو كنا بنتخانق عادي هو شتمني. فانا قلتله الموضوع انتهي مش هفضل استحمل قالي خلي حد من عندك يكلمني يقولي الموضوع خلص فانا من غضبي خليت والدتي تكلمه تقوله كدا وهو بعدها راح حكي لوالده ونهوا الموضوع بالفعل وانا لما هديت لقيتني ضيعت كل حاجة فضلت اكلمه واتحايل عليه وهو مكنش راضي يكلمني ولما كان بيرد عليا كان بيسبني ويقولي الفاظ وحشه وقدام اصحابه وانا اتذللتله كتير وبعدين فضل يعاملني وحش عشان كرامته وعشان اردهاله اجيب اهلي ليهم او اهلي يكلمه باباه واردله كرامته وانا اهلي رفضوا عشان شافوا انو مش شاريني واني انا البنت وانا اللي المفروض هما يجولي حتا لو الغلط من عندنا والموضوع اتفركش وبعد ماتفركش هو مسبنيش وكان زعلان وفضل يعيط ويقولي اوعدك هدخل بيتك تاني انا مش هسيبك وفعلا فضلنا سوا ومسبناش بعض وبعد فتره رجعنا بنتخانق تاني وهو اتغير ورجع يكلم بنت كنت انا منعاه يكلمها من ورايا وانا عرفت وبعد قتره لقيت صوره ليه مع بنت ميعرفهاش بس خرج معاها وانصوروا رجليهم علي رجل بعض ! وانا سبته وكنت مستنياه يجي يراضيني ومكنش بيحصل وكان سببه انه تعبان وتعب من علاقتنا ولازم نبعد عشان نرجع كويسين مع بعض و اتخلي عني و اول مره يقولي عرفي الناس انك فركشتيً وانا قلعتله الدبلة وفعلا عرفت الناس اني خلاص الموضوع انتهي ! بس انا ضايعه مش عارفه هكمل ازاي وازاي هو اتخلي عني وبعد ماسبته اكتشفت من ولد كان عنده ف المكتب انه بيحكيلي خناقات كانت بينا وانو كان بيشتمني قدامه في المره دي وان الولد دا كان بيلاحظ ان خطيبي كان دايما بيحرجني قدام اي حد .. انا سيته خلاص ومبقتش اتكلم معاه بس انا كرامتي موجوعه اوي .. حاسة اني مينفعش اكمل معاه ابدا ولو رجع فلأ مرجعلوش بس ف الحلة دي معرفش ازاي هتجوز اصلا ؟ وحاسه اني ممكن اسامحه بعد فتره كبيره وموافقش عليه لما يرجعلي بسهولة بس مش عارفه ازاي هيبقي ليا وشً ابفقي علي اسمه بعد ماشتمني وقلل مني كدا قدام معظم الناس اللي ف حياته ؟! ياريت تقولولي اعمل ايه حاشه اني ضايعه هلا فعلا لو بعدنا فتره طويله ممكن مبقي كويسين مع العلم اني متأكدة انو هيرجعلي ؟.
يابنتى الزواج الناجح اساسه الاحترام المتبادل من الطرفين وبقصتك هو لا يحترمك ولا يحترم اهلك ده بسبب تمسك به لانه افقدتك العذرية ما بنى ع خطأ يستمر خطأ و بخبرتى لايمكن هذا الزواج هيستمر او هيدوم سيبك منه وانسيه خالص ده لا ينفع خالص اعملى عملية ترقيع وارتبطى بشخص يحترمك ويقدرك وانسى الموضوع وابداى صح بدون اى علاقات جنسية
للاسف دي نهاية المشي البطال ارخصت نفسك لهذا الكلب الواطي وفرطت في شرفكي وجلبت لاهلك العار والفضيحة باعمالك السوداء كلدا ليه يابنت الناس مافيش خوف من ربنا عزوجل ولارادع من دين ولاتانيب ضمير لازم تعرفي انك زانية في نظر الدين ولابد من التوبة لله عزوجل والندم عل ماحصل منك وعدم العودة اليه نهايا وربنا غفوررحيم يقبل توبة عباده المذنبيين واقطع علاقتك بهذا الكلب السافل الحقير نهاية وللابد واياك ان ترجعي له ثانية واستري نفسك ولاتخبري احد بماحصل منك فالله يحب الستر على عباده فلاتفضح ستره عليك وارجع لربنا وتقربي منه اكثر من الاول واستغفريه وحافظي على صلاتك وقراءة القران وكثرة الصوم والالتزام بالحجاب وعدم التبرج والسفور والاختلاط بالشباب وتتعلمي من كل ماحصل لك وتاخذي العبروالعظة طوال حياتك ولاتامني لحدا من الشباب او تثق فيه وربي يصلح حالك ويهديك ويسترعليك ويحميك من كل سؤء ويكرمك بابن الحلال الصالح اللي يستاهلك ويقدرك ويقدرمشاعرك ويسعدك معه طوال العمر