الغيرة بين الاصحاب حلها ايه

احنا تلاتة اصحاب بنحب بعض اوى ومتمسكين ببعض جدا بس الغيرة دايما بينا يعنى اصحابى مش عايزينى اصاحب غيرهم وبيغيروا برده على بعض اوى وانا كمان بغير عليهم بس مش غيره عميا يعنى عمرى مهقول لحد منهم انهم ميكلموش ديه او ميصحبوش ديه لأنى مقتنعة جدا ان لو واحده منهم اختارت غيرى تكون صاحبتها هتمنالها كل خير على الرغم من انه هيبقى صعب الا انه مش مستحيل ابدا،والمشكلة الاساسية هى ان واحده من اصحابى دول صاحبت بنت تانية انا معرفهاش ولكن صاحبتنا التالتة تعرفها والله انا حتى الان مش عارفة هى صاحبه ليها ولا زميله ولا ايه بس كل اللى اعرفه ان هى بتكلمها كتير واحيانا بحس انها بتقول انها بتكلمها كتير وبتحبها قوى علشان تخلينى اغير عليها بس انا كنت مش بغير جايز علشان حسيت ان كلامها ده مبالغ فيه اوى وبعدين صاحبتى ديه قالتلى انها زعلانه اوى لان مامتها مش راضية تخليها تروح عند البنت ديه فى البيت لان مامتها تعرفنى وتعرف صاحبتنا التالتة لكن متعرفش البنت ديه كويس وصاحبتى ديه قررت انها تكدب على مامتها وتقولها انها رايحة تشترى شوية حاجات مع صاحبتنا التالتة وقالتلنا اننا منتصلش بيها فى البيت اليوم ده علشان مامتها متعرفش انها رايحة للبنت ديه فى البيت وعلى الرغم من انى متأكده من اخلاق صاحبتى جدا وانها فعلا انسانه محترمة وانها عمرها مهتختار بنت مش كويسة يعنى اكيد صاحبتها ديه كويسة زيها الا انى حاسة بالذنب جدا ومتضايقة اوى وكان نفسى ان طول مااحنا اصحاب محدش مننا يكدب على البيت ابدا وعشان كده كلمت صاحبتى وقلتلها ان الحكاية ديه بجد هيبقى فيها زعل بينا وقلتلها مترحش عندها غير لما مامتها توافق وهى افتكرت ان ده من باب الغيره عليها وقلتلها تانى ان طول ما احنا اصحاب محدش فينا يكدب على البيت لكن هى قالتلى ان بجد زعلى يفرق معاها كتير بس قالتلى برده انها هتروح انا بجد مش عارفة اعمل ايه وهى عيد ميلادها بعد كام يوم والمفروض انى اروحلها انا عايزة اعرف انا صح ولا غلط ولا مكبرة الموضوع وهو ميستاهلش وكمان عايزاكم تقولولى أخلى الموقف ده يأثرعلينا ولا لأ مع العلم انها بنت مؤدبة جدا ومحترمة اوى أرجو انكم تردوا عليا ..وبجد اسفة انى طولت عليكم

مشاكل وحلول ذات صلة

• انا وصاحبتى الانتيم متخاصمين
• لا استطيع التعبير او تكوين صداقات جديدة
• صديقتي تغار علي من صديقة اخرى لنا
• اصدقائى يعاملوننى بطريقة سيئة ولا تعجبنى
• صاحبتي بدات تهتم باصدقائها الاخرين وتركتنى
• صاحبتى خاينه
• صاحبتي بتحبني بس بعاملها وحش