تعرفت على شاب احبيته حبا لم احبه لاحدا من قبل كنت اتمنى لحظه لقائى به ويرجف قلبى عندما اراه ظلت احبه لمده سبع سنوات لم يحدث بييننا غير النظرات ولكنه فقير وانا اغنى منه بكثير عندما شعر اهلى بالامر حاولو ان يبعدونى عنه لكن ظل قلبى متمسكا به و حاولت ان اراه عده مرات ولكن لم يحدث اى حوار بيننا بسبب الفرق بينى وبينه اريد الان ان ارضى والدى ولكنى اعشقه ولا يممكنى الاستغناء عنه ماذا افعل
عاوزه رائي هانى معاه حق لوبتحبيه وهو بيحبك وشايفه انه طيب ومحترم وابن ناس مش تسيبيه عشان لو هو بيحبك بجد اكيد بيتعذب وعمر الفقر ماكان عيب او حرام بس اهم حاجه يكون شريف
ممكن كلامي يرفضه ناس كتير
لكن من رأيي إنه لو كان شاب محترم ومتدين وموثوق في أمانته وأخلاقه فالأفضل إنك تعرفيه بإنك قابلاه زوج. لأن فقره هيمنعه عنك. إنما لو شخص سيء فلا تخبريه لأنه هيفضحك في كل حتة
اختى هنصحك لله حاولى تنسيه
حتى لو اتقدملك هيحس طول عمره انك اغنى منه
ممكن ميعرفش يلبي متطلبات الزواج ويحس ان كرامته اتهانت
ممكن هو متعود على حاجات وانتى حاجات بحكم اختلاف الطبقه
ليكي مشاعر صحيح بس ممكن جرحه يزيد لما ميعرفش يوصلك
وساعتها بردو هتتجرحي اكتر لانك الحلم اللى هتبداى تحلميه هتلاقي نفسك خسرتيه حتى قبل ماتلحقي تشوفي ملامحه وهيبقى جرح على جرح اكبر
واقسم بالله بنصحك بجد لازم يبقى في تكافؤ
لانى مريت بظروف مشابهة ليكي وبجد خديها نصيحه مني متبصيلوش ولا حاجه
ولو اتجرح دلوقتي لانك اتغيرتي احسن ماكرامته تتجرح بعد كدا حتى بدون قصد منك
وممكن رايي يكون غلط بردو استخيري واتاكدى من مشاعره او ابعتي حد يجس نبضه من ناحيتك وانا بتمنالك الخير يارب ياخد باديكو ويحققلك امنيتك ياعسل
متقدريش تعملي اي حاجه قبل ماتعرفي هو شعوره نحيتك ايه
تعادي اهلك وتعانديهم ويطلع في الاخر هو مش بيحبك او ممكن بيحبك بس مش كويس او طمعان فيكي او اطباعه مش ترتاحي ليها .. بصي قبل اي حاجه اعترفي ليه بحبك او لمحي ليه وشوفي هو حابك ولا وبعدها لو بيحبك اتفقوا علي الارتباط يمكن لما الموضوع يدخل جد اهلك يغيروا نظرتهم