انا بنت عمرى 20سنه ونص ليا اختين من عمر وانا كنت ف تالته اعدادى كنت ديما بقف مع ماما واتعلم منها شغل البيت اتعلمت كل حاجه الاكل كله وتنظيف الشقه يعنى اصبحت ست بيت وانا عندى 14سنه شلت مسئوليه مش قدها لحد ما بقيت ف 3جامعه امى بقت تقول كل حاجه اعملى انتى اشتغلى انتى واما اجى اقولها خلى اخواتى يعملوا تقولى لا انتى الى تعملى ولو قولتلها اشمعنا تقولى انتى بتبوصى لخواتك اقولها زى ماهما ولادك انا بنتك تقولى لا انتى مش بنتى انا بكرهك ولو شدينا مع بعض شويه تقولى انا مخلفتش غير بنتين بس وتقعد تكرهم ف اخواتى وهما والله مش بيشيلوا طبق من مكانهم انا شايله مسئوليه 8 افراد وانا عندى 14سنه بس بجد انا مبقتش قادره استحمل لدرجه ببقى تعبانه وبموت من شده التعب امى تحكم عليا انى اقوم امسح العماره كلها لدرجه ان ف يوم صابح عليا امتحان ومذكرتش حكمت عليا امسح العماره قولتلها طب خلى اختى تمسح السلم تقولى اختك بتذاكر مع العلم ان اختى كان وراها امتحان بعد اسبوع ديما احط جوايا واعيط ديما تحسسنى انى اقل واحده فيهم لو بناكل تدى اخواتى ف بوقهم وانا لا تقولى اما تتجوزى مش عاوزه اشوف وشك تانى ولا تدخلى البيت ده تانى اخواتى بيحبوا يقعدوا معايا ويتكلموا معايا وهى اول مابتشفهم قاعدين معايا بتتغاظ وتقومهم وتقعد تدعى عليا ليل ونهار وتقولى احنا جايبينك هنا خدامه وبس وانا بحط جوايا واسكت ديما تدعى عليا بالسرطان وان ربنا مايرزقنيش باطفال اما اتجوز وتدعى عليا بان جوزى يخونى ويعرف واحده عليا انا كتير فكرت انى اسبلها البيت وامشى بس برجع واقول هروح فين واجى منين حتى قرايبى كل واحد ف حاله بيحب نفسه وبس حتى اخواتى بيعرفونى ويحبونى اما يحتاجوا منى حاجه وبس حتى ابويا ديما يدعى عليا بالشلل لدرجه انى فكرت انى مش بنتهم بجد بس الشبه كبير اوووى انا استحملت كتير ومش قادره استحمل تانى وانا مرتبطه بشاب اكبر منى بسنه فيه كل حاجه حلوه بس عيبه مش بيعرف يعبر عن احساسه لبنت بيعاملنى كانى ولد صحابه عشان هو بس اول مره يتعامل مع بنت هو بيحبنى وانا بحبه اكتر نفسى الاقى حد بيحبنى اكتر منا بحبه نفسى حد يشلنى جوا عنيه نفسى استريح حتى الحاجه الوحيده الى اختارتها بمزاجى تعبانى وديما مبكيانى معلش انا والله قصرت ف التفاصيل عشان ف حاجات اكتر من كده بكتير بس بجد انا تعبت ونفسى الاقى حل بجد يريحنى
مشاكل عائلية
امى بتكرهنى وبتقول انى مش بنتها
اضيف بتاريخ: Sunday, July 17th, 2011 في 15:50
كلمات مشاكل وحلول: بنت, مشاكل اجتماعية, مشاكل عائلية
ربنا يفكها عليا وعليكي وينتقم من كل ام قاسيه وظالمه
ابنتي العزيزة هذامن الجهل والامية ان تكون الام بهذةالشدةوالقساوة المبالغ فيهامعك دون اخواتك الاخرين اصبري وتحملي تنالي الاجروالثواب من الخالق عزوجل -وبشرالصابرين الذين اذااصابتهم مصيبة قالواانالله واناليه راجعون -وقالتعالى -انمايوفى الصابرون اجرهم بغيرحساب- وتاكدي ان الله معك وناصرك وحاميك من كل سوءوانه بيبارك فيك وبيعوض صبرك هذاخير اهتمي في نفسك وفي دينك واخلاقك وادبك مع الجميع ودوامي على صلاتك وقراءةالقران يجعل لك الله بهم مخرجا ويفك ويفرج عنك من الهم والضيق اللي انتي فيه ويرزقك بابن الحلال اللي يخلصك من العيشةدي وتكوني اسعدانسانة في الحياةويقدريسعدك ويكن لك الزوج والاب والام والولد والاهل وكل شي في حياتك اللهم استجب دعاي لهذةالبنت المغلوبةعلى امرهاوالمظلومةفي حياتهاوحقق لهاكل ماترجوه يااكرم الاكرمين
ابنتي كان الله في عونك ورزقك الثبات على الحق ونصرك على من ظلمك واحسني لامك مهماشفتي منهاو بريهاوقومي على خدمتها تنالين رضارب العالمين وتفتح لك ابواب الجنة تدخل حيث تشاين واعلمي ان الله معك دامك في صبر واحتساب واسال الله ان يهدي امك ويصلحها
وانا كمان فاقدة حنان الام والاب وناس كتيييير غيرك وغيرى بس انتى حاولى تشيلى عن نفسك الهموم ازاى؟
انك تتفسحى مع اصدقائك تخرجى مع حبيبك وحاولى تفهمى انك انت محتاجة الحنان وتحاولى تفهمى مامتك انك تعبانة وحاولى كمان تروحى عند دكتور نفسى او حلى مشكلتك مع نفسك او استشيرى حد عندة نفس المشكلة دية وحلها وانا بدعيلك بالهدايه وبجد انا حاسة بيكى يااارب تحلى المشكلة
الي اختي شهد انا قلقان عليكي والله وزعلان لاكن عاوز اقولك احنا فقدنا الحوار مع اهلنا بس انتي متزعليش دي هيا دغوط الحياه واكيد امك لها نظره مختلفه عن نظرتك للدنيا وانتي ممكن تحلي المشكله دي بنفسك تقعدي مع والدتك وتقوليلها انا بحبك وماليش غيرك وعاوزه اسمع كلامك بس انا مش عارفه افهمك لاني صغيره لسه وعيطلها واترمي في حضنها وبوسي علي ايدها
يا جماعة متستغربوش انا عندي 14 سنة و انا بعمل كل حاجة امي عمرها ما حسستني بان انا بنتها و لسه دلوقتي متخانقة معايا و ضربتني و انا بعيط و بقولها اضربيني كمان و قعدت امسكها من ايديها و اقولها اضربيني اكتر اللي ميعرفهوش اهلي ان انا عندي قلق نفسي و بكلم نفسي كتير اوي و الحالة دي من زمان انا مريضة نفسيا بسبب اهلي قلت لماما و هي بتضربني انا خلاص مبقتش اخاف منكم خلاص و انتو بتستغربوا على ايه يا جماعة كلهم بيكرهونا مادام مبيحبوناش و بيكرهونا اوي خلفونا ليه و ظلمونا ليه انا لما سالت ماما و قلتلها خلفتيني ليه قالتلي امر ربنا عليا هعمل ايه يعني انا نفسي اقولهم من لا يرحم لا يرحم ارحمونا شوية و عيشونا زي بقيت خلق الله انا بصراحة مش عارفة اقولك ايه انا و انتي زي بعضنا مش عارفة اساعدك
الله يعينك على أمك مع إنها مش ام و لا عندها إحساس الأمومة الله يعينك
السلام عليكم…….احنا عايشين فين ياناس؟معقول ام تعامل بنتها بالطريقه دي والله ربنا سيحاسبها حسب شديد وتاتي يوم القيامة مائلة بشقها لانها فرقت بين اولادها ماعليكي الا الصبر واحتسبي وبعدين الشغل ماراح يموتك او ينقص من عمرك شئ بس هي اللي راح تجني مافعلته بتفريقها والامر لله واجب علينا طاعتهم امتثال لامر الله
حاولى تقربى من امك ممكن تكون مش من النوع اللى بيظهر مشاعره زى حبيبك كده وكمان جواز باباكى عليها جعلها تحس انها مسئوله عنكو اكتر وخلى نفسيتها سيئه وده طبعا بيعود عليكم انتو لازم تستحمليها مفيش ام بتكره عيلها
وبالنسبه للشخص الى هترتبطى بيه
مدام ااانتى حاسيتى ان الشخص ده بيحبك خلاص المهم انو يكون بيعبر عن حبه بافعال مش بكلام
السلام عليكم
واحده واحده فى حاجه غريبه انتى مقولتيهاش . انتى بتقولى انك شايله البيت من 6 سنين تقريبا طيب باقى اخواتك ليه مش بيساعدوكى انتى غلطتى فى شئ لما اتنازلتى لحد ماصبح ده حق ليهم . حاولى انك تتمالكى نفسك شويه وممكن بينك وبين اخواتك تقسموا الشغل وبكده الحمل هيقل شويه اما انها بتدعى عليكى ف كبرى دماغك طالما بتراعى ربنا فيهم ربنا هيعوضك ان شاء الله خير فى حياتك وهانت اهى العيد الكبير قرب ربنا يكرمك ويوفقك ويهديها ويحنن قلبها عليكى
ربنايعينك ويعينى على ما ابتلانابه والله ياختى كلها دى مشاكل فى المصلحه يعنى ممامتك عايزة مصلحتك فى الاول والاخر وكل ام بتدعى على ولادها ساعة الغضب وتقول اكتر من اللى امك بتقوله فاستحملى لعلا الله يجعل لكى هذا اختبار وبعد كده يرزقك انشاء الله بابن الحلال اللى يعوضك عن ده كله واول وحده امك هتفرحللك ادعى لها ولكى بالهداياواستحملى الى الاخر وادى ديما الكلمة الحلوه وربنا هيهديها وترجع من اللى هى فيه بس يارب متبقاش زى ماما حتى بعد الجواز مش سيبانى فحالى ربنا يهديهم جميعا ويقدرنا احنا على طاعتهم يارب يهدى مماتك واخوتك وبباكى والناس اجمعين عليكى قولى امين
و بالنسبة لخطوبتك فكلام الحب قبل الزواج حرااااااااام
اتقى الله فرضا لم يتم الزواج فما فائدة هذا الكلام ؟!!
انتظرى فيما بعد الزواج الحب ليس كلاما يقال انما احساس نشعر به يدعمه أفعالنا التى تؤكد هذا الحب و تقويه
لا تتبعى الشيطان فانه يريد أن يحرمكى من السعادة و التى لن تحصلى عليها الا برضا الله
كلميها قولى لها ازاى يعنى مش بتتك و لو أنت مش بنتها فعلا تسيبك بقى فى حالك انتى مش شغالة عندها
بس فكرى شويه يمكن انتى اللى حساسة زيادة عن اللزوم أنا كمان كنت كده و مفكرة ان الناس بتعاملنى بأسوأ ما يمكن لكن أدركت ان أنا غلطانة و كان بيتهيأ لى حاجات غلط
ممكن كمان تكلمى مامتك يمكن يكون فى حاجة مضايقاها فغصب عنها بتعمل كده من الضغوط اللى عليها استحمليها_ لو كانت مامتك _ و أكيد ليكى خير الجزاء عند الله الذى لا يغفل و لا ينام فما هناك من ليل الا و يغقبه فجر فلقد حملتكى فى بطنها 9 أشهر و كم استحملتكى هى و انتى ضعيفة فى اللفة رضيعة ليس بيدكى شئ حتى كبرت و بلغت 14 سنة
كان الله فى عونكى و أعانكى على ما أنتى فيه و فرج كربتكى عزيزتى
من الممكن أيضا أن تتحدثى الى والدك عن ما أنتى فيه و تشكى اليه حتى يتكلم مع والدتك أو حتى تحدثى مع صديقة أمك المقربة عندها و أشكى اليها حتى تفهم من أمك لماذا هذه القسوة
و فى النهاية قال تعالى ” أشكو بثى و حزنى الى الله ” فهو الأقرب اليكى و الأحن عليكى فتوجهى اليه بالدعاء
فكرى بعقل شوية ازاى بعد كل السنين دية انتى مش بنتها
ربما انت بالفعل لست ابنتها قومي يتحليل DNA
بس قسوه الام اذا زادت عن الحد مضره جداا وتأثر نفسيا ع انسان كما تدخل الام ف كل شئ غلط لانها مستقبلا هتلغي شخصيه انسان ده ولن يستطيع ان يتعامل مع مشاكله الخاصه يجب الاعتدال ف التعامل
وانتي بجدد ربنا يعينك ويصبرك معلش استحملي حاولي ع اد ماتقدري تقربي منها وفهميها انك لو اتجوزتي مستقبلا هتحتجيها جدا وتحتاجي عطفها وحنانها اما عن حبيبك اول حاجه كلام الحب كتيرررر ولكن قليلا ما يعبر عن حقيقه المشاعر انا مش بقول مش مهم كلام الحب بس الاهم المعامله وانه يقدر يحافظ عليكي ويسعدك
الحمد لله انك حتخطبى على العيد يعنى خلاص هانت بكرة تتجوزى ويبقى ليكى بيت وولاد بس اكيد عصبيتك هى اللى مضايقه ممتك وانتى قولتى كده بنفسك اما انك متقبليش الاهانه فدى يا اختى امك مش حد غريب علشان تقبلى او متقبليش حتى لو ضربتك بردوا امك حاولى تكون ابنه مطيعه علشان ربنا يرضى عنك وكمان ولادك يعملوكى احسن معامله تخيلى نفسك اتجوزتى وخلفتى وجبتى بنت بتعاملك ذى ما بتعملى مامتك تخيلى ان بتك تتعصب عليكى وتتنرفز وتصصرف ذى ما انتى بتتصرى حيكون ايه شعورك
لا اياجماعه مشكلتى بجد من ناحيه ماما انى بتنرفز جدا انا من النوع العصبى يعنى محبش الاهانه ابدا وبابا متزوج امى بس وانا البنت التانيه يعنى ليا بنت اكبر منى ولا بتخليها تشيل حاجه من مكانها وانا لما ارتبطت بالشاب ده امى واخواتى وامه واخواته عارفين كلهم باننا مرتبطين لانه كلم ماما وقالها انا ظروفى ايه وكده وهو اتفق معاها انشاء الله انه هيجى يتقدم ف العيد الكبير عشان ليه اخ اكبر منه وبيخطب حاليا وماما مش ممانعه ع كده طب انا بقالى 6سنين ونص اتعلمت كل حاجه عن شغل البيت وانا عارفه ان ده ف مصلحتى بس انا عندى اختين تانين امى ليه مش بترضى تقولهم يعملوا او حتى يتعلموا ماهما بنات برضه يعنى هيكونوا مسئولين عن بيت وزوج امى مشكلتها انها جامده وقويه شويه بتحب تلغى شخصيه ولادها وشخصيتها هى الى تمشى انا مش ممانعه ف كده بس اختى الكبيره اهى امى فضلت تلغى شخصيتها لحد الان لدرجه ان اختى مش عارفه تتعامل مع جوزها ولا حتى عارفه تفهمه وف مشاكل كتير اوى مابينهم وانا مش عاوزه اكون كده وباباه حتى زهق من خناقها معايا كل يوم بنتخانق مع بعض لدرجه مبقاش حابب يجى البيت بس هى اول ما بابا يدخل البيت تقعد تعيط وتقوله بنتك عملت وتقول حاجات محصلتش بابا يصدقها ويقعد يزعقلى وانا ساعات بسكت وساعات بحكيله بس اكيد مش هيجى ع ماما علشانى حتى الشاب الى مرتبطه هو بيحبنى جدااااا بس مش بيعرف يتعامل معايا عشان انا اول حب ف حياته ديما معتقد ان الكلام الرومانسى مابين اى اتنين بيحبوا بعض او حتى متزوجين بيسميه كلام تانفه وكلام عيال مراهقه حاولت كتير اغير فيه الفكره دى بس هو مصمم ع كده بجد ده اخر امل ف حياتى عشان انا الدنيا كلها سوده ف وشى مبشفش يوم حلو كل يوم اهانه وتوبيخ وبقول بكره يمكن تتعدل بس مش باينلها كده
كمان بدلها امك يعنى لازم تسمعى كلامها ومش لازم تعارى كلا معها
طيب يعنى بباكي متزوج 2 وانتى من الاوله ومرات ابوكى بتعاملك كدة فسرى اوضح ليش انتى عاملة جريمه عاملة شغله مش منيحة لسمح الله مثلن الرجاء الرد
ياحبيبه قلبي بجدوالله اتعاطفت معاكي وحسيت بمهانه مشكلتي مع ماما مع مشكلتك انا فعلا فاقده حب الام وحنانها بس خلاص نويت اعمل كل حاجه كويسه عشان ابقي ادام ربنا مغلطتش ف حاجه وادعيلها بالهدايه ديما
لو بتعملى اى حاجة تزعلهم بلاش تعمليها وحاولى تقربى من مامتك وتكلمى معاها وتساليها عن سبب معاملتها ليكى كده وحاولى تعرفى ده وتعملى به وتغيرى من نفسك وهى لو غلطانة هتحس بغلطها ده ولو استمرت على طبعها شوفى مين اكتر حد ممكن ياثر فيها ويعرف يكلمها وتكون بتسمع كلامه ولو استمرت قربى من ربنا وادعى يكمن ربنا بيعاقبك بكدا وفى الاول والاخر دى امك ومهما تعمل اكيد بتحبك بس هى كدا دا طبع فيها
انا كنت متعاطفه معاكى جدا فى بدايه المشكله لكن لما قرات اخرها لم اتعاطف معكى لنك عملتى علاقه عاطفيه مع انسان غريب عنك وده حرام ولو بيحبك بصحيح كان اتقدملك فورا لكن واضح انك حتخوضى تجربه اسوا من تجربتك مع امك وعلى فكرة مفيش ام بتكرة بتها ابدا مهما كان واذا كانت بتخليكى تعملى شغل البيت فده لمصلحتك علشان لما تتزوجى تعرفى تديرى بيتك ويمكن تكونى البنت الكبيرة لاخوتك علشان كده امك حاسه بالمسؤليه تجاهك داما الام تقسو شويه على ابنتها او ابنها الكبير لشعورها انه من تحمل المسؤليه بعدها ربنلا يهديكى ويهدينا ويهديلك العاصى