انا بحب خطيبى بس فى حاجات نفسى اقنعه بيها زى موضوع الجنس .. وهو بيحب يعمل كده دايما معايا .. و هو بيعمل معايا كده بحاول اقنعه يبطل وهو رافض وبيزعل وانا مش بحبه يزعل اعمل ايه ساعدونى
انا بحب خطيبى بس فى حاجات نفسى اقنعه بيها زى موضوع الجنس .. وهو بيحب يعمل كده دايما معايا .. و هو بيعمل معايا كده بحاول اقنعه يبطل وهو رافض وبيزعل وانا مش بحبه يزعل اعمل ايه ساعدونى
اضيف بتاريخ: Thursday, September 16th, 2010 في 11:54
كلمات مشاكل وحلول: الجنس, حب, خطوبة, خطيب
بس انتى لو شايفة انوا بيحبك وفعلا ناوى يتجوزك اعمل اللى انتى حساة معاة
انا راى اوعى تسلميله نفسك لانه لسه خطيبك ولو سلمتى هتصغرى ف نظره اوى انما لو صدتيه هيحبك اكتر وهيتمسك بيكى ويبقى عنده ثقه كبيره اوى فيكى وربنا يسعدك ويوفقك
بصى يابنتى لو يتحبى خطيبك حافظى عليه واصبروا شويه هانت وهتتلموا فى بيت واحد
على فكره انا مخطوبه بس بصراحه انا بعشق خطيبى وبموت فيه وهو لمسنى بس قبل الخطوبه والحمد لله خطبنى ومع بعض من 4 سنين والفرح بعد 5 شهور والوقتى بنعمل كا حاجه بس الا الشرف وبرده بيحبنى
لو واثقه من حبه وده طبعا حاجه انتى ال تعرفيها بس سلمى نفسك ليه بس الا انه يوصل للشرف
ده مش كويس وبعدين ليه متقوليش انه بيختبرك
ده في الاخر بعد الجواز هيعايرك بكل ده
بصى الواد ده بيتسلة بيكى واول مايخد اللى هو عايزة هيسيبك وشوف غيرك بس لو انت حاسة من شخصيتة ان هو مش ممكن يسيبك وبيحبك بجد فامنعية بس منغير مايخد باله يعنى حولية بدل متصدية فى وشة كدة صدية بالحيلة ده لو وثقة فى بجد يعنى مثالا اول ميقرب منك كلمية فى مشكلة تكون جامدة شوية علشان يصرف نظر عن موضوع الجنس ده
اعتقد انه عايز يستمع بيكي لحد ما تجيبي اخرك معاه وبعدها يرميكي زي علبة السجاير لما بتخلص بيروح يجيب غيرها .
السلام عليكم
انا مش هاقولك نصيحه
لكن هاحكيلك حكاية واحدة جارتي
هي كانت مكتوب كتابها علي شخص كانوا بيحبوا بعض من 4 سنوات
وكانت قبل الفرح بيومين وهما بيفرشوا الشقه دخلوا غرفة النوم وحصل اللي حصل
وكانت المفاجأة بعد ما خرجوا من الغرفة
طلقها وقال طالما سلمتلي قبل الفرح ممكن تسلم لغيري
انا والله العظيم مش بكذب عليكي في اي كلمة
هو ده اللي حصل بالضبط
وكان قصاد الكل
الحقي نفسك علشان ماتبقيش زيها
وانا اتمنالك السعادة
اولا هو مش بيحس انك رفضة وانك موافقة وده غلط كل شيئ له وقت وده وقته بدري اوي
على فكره هو مش بيزعل منك هو بيعمل نفسه زعلان عشان بضغط عليكى و ياخد اللى هو عاوزه منك
انما انتى لى رفضتى هو اللى هيجى و يبوس دماغك عشان ببساطه الواحد مش ممكن يزعل ان خطيبته شريفه سيبك منه و خليه يفى الحيط و هو هبرجع هيرجع
هو مش بيحبك هو بحب نفسه لانه لو بحبك هيخاف يخصرك بالي بعمله ويخاف لصورته تهتز في نظرك وانتى الي عارفه اكتر مننا ربنا معاكي
السلام عليكم ورحمة الله وبركاته
اسمعى نصيحتى دا لو حتى انزوجك مش هيحترمك وهيدور على واحدة يحترمها
انتى كدة وقعتى وهو اول واحد مش هيرحمك بس بعد الجواز
عن تجربة شخصية صدقينى الراجل عمره مايحب ولا يحترم اللى تسلمله نفسها
هنى لو سابك انتى الكسبانه لانه كدة زى اللص اللى بياخد حاجة مش ملكه وانتى حتى الان مش ملكه
اللى تفرط فى شى مع اى شخص عمره ما هيحترمك بعد كده ويمكن يعمل اللى هو عايزه ويسيبك اسمعى الكلام وصديه حتى لو على رقبتك قوليله انا ملك لزوجى مش لخطيبى وصونى نفسك عشان ما تقعيش وتوصلى لشى انتى مش عايزاه وطريق مسدود خطيبك ده لو فكر يلمسك لو هتسبيه عشان الموضوع ده سبيه وصدقينى انتى الكسبانه وصدقينى كمان لما اقولك انك لما تصديه هيتمسك بيكى اكتر وتكبرى فى نظره اكتر مهما حاول يقنعك بخلاف ده الراجل عمره ما بيحترم الواحده اللى بتعطيه شى حتى لو خطيبته وده ممكن يخليه يشك فيكى بعد الزواج يقول هي ممكن تكون عملت ده مع حد قبلى او لو هى كانت مخطوبه لحد تانى كانت هتعمل معاه نفس الشى اوعى تديله فرصه انه يلمسك قفلى كل باب حتى لو وصلت انكم تسيبو بعض هو اللى هيرجعلك تانى وهيتمسك بيكى تانى انا راجل وافهم الراجل اللى زيى ودى نصيحه عشان ارضى ضميرى قدام ربنا وربنا يوفقك ويسعدك
السلام عليكم ورحمة الله وبركاته
أختى الكريمة
لابد أن تعلمى أن فترة الخظوبة ما هى إلا فتره تعارف ومع كامل احترامى لمشاعرك تجاه لكن هذا لا يعطيه ولا يعطيكى الحق فى مثل تلك التجاوزات لان ذلك حرام شرعا لانه مازال لاتوجد اى صفه شرعية لفعل مثل تلك الأمور فعليكى وعلى الفور صده وعدم السماح له وتذكرى بأنه من الممكن ان يحدث انفصال قبل الزواج فى هذة اللحظه لا ينفع الندم وعليكى الا تخشى من زعله وغضبه لانه ان كان يحبك بصدق فإن الاولى ان يراعى الله فيكى وتذكرى بانه لا طاعة لمخلوق فى معصية الخالق احب ان أذكرك بشىء يحدث كثيرا من بعض الشباب عندما تسلم له خطيبته بأسم الحب والخطوبه يوسوس له شيطانه بأنها مادامت فعلت ذلك معك قبل الزواج فمن الممكن ان تفعل ذلك مع أى شخص ويفقد الثقه فيها وعليكى بأن تذكرية بأن ذلك فيه معصيه لله سبحانه وتعالى.
منتظر ردك واستفساراتك