للاسف انا مش بحب المذاكرة وفشلت فى اعدادى جبت مجموع مش كبير ودخلت مدرسة ثانوى خاصة وبعد كده برضة فشلت فى ثانوى وجبت مجموع مش حلوة رغم انى كنت ناوية اعمل معادلة عشان اكمل وللاسف برضة مجبتش مجموع المعادلة المهم دخلت كلية تجارة مفتوحة وكان فى ناس كتير مش عاوزنى اكمل وكانوا بيتمنولى الفشل بس ماما كان عاوزانى اكمل وفى البيت كانوا موافقين ودخلت الكلية وكنت مستهترها اوى يعنى بروح الكلية مش بحضر محاضرات وبضيع وقتى ومكنتش بذاكر وفى الترم الاول جبت تقديرات مش حلوة بس كنت نجاحه فى كل المواد وكنت ناوية الترم التانى انى اذاكر واجيب تقديرات عاليه وللاسف برضة مذكرتش المهم انى النتيجة بتعتى ظهرت وانا بدرس فى الترم 7 مواد وطلعت 4 مواد يعنى نجحت فى 3 مواد بس انا مخنوقة اوى ومش عارفة اعمل ايه لحد دلوقتى مقلتش فى البيت على النتيجة وبفكر اكمل ولا اسيب الكلية رغم انى مش عاوز اسيبه بس خايفة اوى مش الفشل قولولى اعمل ايه انا محتارة اووووووووووووى
انا كمان عندى نفس المشكله
انا ف هندسه وشيلت 4 مواد ومش عارفه اعمل ايه اكمل فيها ولا اسيبها وادخل اى كليه تانيه
لانى خايفه صراحه اكمل وبعد الشر اعيد السنه تانى
اعمل ايه يارت تفيدونى
كملي ولازم يكون عندك إصرار إنك مش فاشلة زي ماكانوا الناس إللي أنتي بتقولي عليهم بيقولوا دي شهادتك لازم تكون هي هدفك والدافع ليها إصرارك والعمل للوصول ليها هو مذااكرتك أومال عايزة تبقي ناجحة غزاي في حياتك إذا كنتي مجرد المذاكرة من إعدادي مش عايزة ورافضه ومش متفوقه ومش حقول حاجة تانيه
العيب فيكي ومادام عرفتي عيبك يبقا في إيدك تغيره ومش عيب إن الواحد يغلط العيب إنه يكرر غلطه وأنتي لو مصممه بقا علي غلطك وأنتي عارفاه كويس يبقا فعلا الناس كان عندها حق
ماتزعليش من كلامي يا أستاذه أنا زي أختك وبجد أتمنالك كل التوفيق بس لازم تنجحي علشان تحققي كيانك ولازم تعترفي بيه الأول
السلام عليكم ورحمة الله وبركاته
المشكلة عندك هى عدم وجود دافع
المهم دلوقتى متقوليش لحد فى البيت ذى مانتى ـ حاولى تعطى لنفسك دافع بانك لازم تجيبي درجات عالية فى الترم القادم وتعوضى اللى فات ساعاتها ممكن تقولى لاهلك فى البيت بقلب جامد انا جبت مواد السنة اللى فاتت بس ده كان بسبب ظروف عندى المهم هما لما يشوفوا نتيجتك وارتفاع مستواكى فى الدراسة هيقدروا ذلك وكمان هيساعدوكى واطلبى انتى كذلك منهم المساعدة ..فقط بمرور ذلك الفترة ووجود الدافع..لكى تحافظى على هذاالدافع لابد وان تندمجى مع باقى الطالبات معك ومشاركتهم فى امور كليتك ومناقشة المحاضرات معهم الاندماج ده هيدخلك فى جو المنافسة مع اصحابك فى الكلية
نصيحة منى تحاولى تاخذى كورسات خارجية مش بس عشان ترفع مستواكى ولكن عشان موضوع المنافسة وده اكبر دافع للمذاكرة والتركيز فى دراستك
طبعا لازم تعرفيهم في البيت أو تقولي لأقرب واحد ليكي في البيت وهو هيقول للباقيين
وكمان لازم تكملي دراسة وكويس انك نجحتي في التيرم الاول يبقى مع اهتمام زيادة شوية تقدري تعدي كل السنين اللي جاية…
عارفه يا اختي امتي تكون مشكلتك كبيره ؟ دا لو انتي مش عارفه غلطك او مش مش معترفه بتقصيرك
لكن انتي عارفه كويس ان غلطت زي ما قلتي ب
عدم حضور المحاضرات – عدم المذاكره
وخليني اصرحك كلنا كنا ما بنحبش المذكره بس كنا والحمد لله بننجح
عارفه ليه؟
اولا عن نفسي كنت لازم احضر المحاضرات ولو اني ما كنتش اذاكر الا اخر
شهر الا ان حضور المحاضرات كان بيساعدني جدا في لم المنهج
وبعدين لازم تحطي هدف قدامك وتكوني وثقه تماماانك مش فاشله بس انتي
كسلانه
وان اللي بينجحو دول مش احسن منك في حاجه بس هما بيجو علي نفسهم
شويه علشان مستقبلهم_وانك لازم تنجحي علشان تسعدي بابا وماما وعلشان
وعلشان متديش فرصه للي بيتمنولك الفشل انهم يفرحو فيكي
اتمني اون افدتك بشئ ((كل تمنياتي بالنجاح والتوفيق جعلهما الله من
نصيبك ))
بصي يا اختي انتي لازم لازم تكملي تعليمك (( طلب العلم فريضة )) و متقوليش انا مش بحب المذاكرة او انا مش بعرف اذاكر او او لان ده كله كلام يحبطك و يخليكي متذاكريش فعلا
و ادعي ربنا يسهل عليكي المذاكرة و خلي عندك حسن ظن فيه و اتاكدي انه هيساعدك و صارحي مامتك هي اكتر واحدة هتفهمك و قبلهم كلهم ربنا طبعا
استخيريه و قوليله يا رب اكمل و لالا و اللي فيه الخير ليكي ربنا هيقدمه
ربنا يوفقك يا رب
اختك راجية
اكيد تكملى لان انتى لو فكرتى فى نفسك من غير شهاده هاتلاقى انها حاجه صعبه اوى مش هاتقدرى انك تتحمليها يعنى فيما معناه هاتحسى انك …………مش مهم المهم تبصى للجاى و تبصى لنص الكوبايه المليان
تكملي طبعا وامك تعرف مصلتك و هي مش عيشالك طول العمر!! لازم يكون عندك شهادة تحتمي بيها من الزمان ,, اسمعي كلامي عن تجربة والشهادة احسن واقوى سلاح تشيليه للزمن
مع تحياتي بالتوفيق وكفاية ركزي وانجحي