انا وامي ونضافة البيت

اولا كده السلام عليكم ورحمة الله وبركاته انا بنت عندى ٢٠ سنه امي مدرسه وبابا ظابط شرطه من صغرى وانا متعقده من نظافة البيت كنت بتشتم واتهزق ع النضافه من وانا عندى ٦او ٧ سنين كنت شايله البيت بللي فيه لحد دلوقتي المشكله بأه ان ماما مش مهتمه بأي حاااجه نهائيا مش مهتمه بالأكل ولا نظافة البيت ولا نظافة اخواتي الصغيرين وكل اما كانت تعمل حاجه غلط وبابا كان يبا مخاصماها كان يزعقلي ويضربني بسببها كانوا صحباتي يجوا عندي البيت مره يبئا نضيف و١٠٠ لا فكانوا يقولولي بصراحه مامتك مش مهتميه ببيتها خالص لازم تنضف والكلام ده كله لحد مابقت حاجه مقرفه ف حياتي انا بحب النضافه جدا بحب النظام اووى مش بعرف اذاكر ولا اعمل حاجه طالما بيتي مش نضيف بابا كان بيسافر شهر ويرجع يقعد ١٥ يوم معانا ف في مره رجع البيت لاقي ماما مربيه فراخ وبط ف منور الشقه قعد يزعقلي ويشتمني ويضربني ع اللي موجود ف المنور وقالي انا هطلع مشوار ارجع الاقيكي شيلتي الفراخ ونضفتي تحتيهم المهم ف اليوم ده كان اسود ايام حياتي شيلت كمية طين بسبب الفراخ لحد ماضهرى وجعني وقعدت اعيط وكان نفسي اهرب من البيت باي شكل لاني كنت بعمل كل حاجه بدراستي وماما تيجي من المدرسه وتنام او تقعد ع النت وتسيبني مطحونه ف شغل البيت المهم روحت عند دكتور عشان اكشف ع ضهري خلاني اعمل اشعه وقالي انك عندك غضاريف بسيطه وتشنجات ف العمود الفقري والموضوع ده بقاله ٧ سنين لحد دلوقتي باخد حقن وادوىه عشان ضهرى وده كله بسبب النظافه وابويا وامي كل يوم يتخانقوا ويشتموا ف بعض بسبب نظافة البيت وكل مره احاول اكلم ماما عشان تعمل اي حاجه ف البيت ماتتفهمش معايا وتقولي هو انتي اللي هتقوليلي اعمل ايه وماعملش ايه واعيط كل يوم بسبب الموضوع ده لان كل الناس وكل قرايبنا عارفين ان مشكلتنا هي النظافه وان بابا وماما انفصلوا بسبب كد ه وامي بدل ماتحاول تساعدني لا بتحاول تبهدل الشقه اكتر وهي مش حاسه بتيجي عليا اوقات بنهار من العياط عشان مش بعرف اذاكر ولا اشوف مستقبلي بسبب كده حد يشوفلي حل انا خلاص قربت اتجنن من اللي انا فيه

مشاكل وحلول ذات صلة

• بنت صورتها اتنشرت واتفضحت وانا حاسس بالذنب
• كيف ارجع ثقه اهلي فيا من غير ما اسيب حبيبي
• حبي الاول من ع النت
• بدعي على زوجي ليل نهار ربنا ياخده
• مش عايزة اروح المدرسة متعقدة من النتيجة
• كيف أخليه يرجعلي من غير ما اقل من قيمتي
• رافضين ارتباطنا لاني لسه صغيرة