انا بنت عمرى 20 سنة عايشة فى اسرة غير هادئة خناقات بابا و ماما كتير و ممتى بتشتغل من و انا فى ابتدائى كانت بتسبنى لوحدى المهم قصتى انا بدأت من تالتة اعدادى مع الحب حبيت 5 سنين و الاخر طلع بيتسلى و خطب واحدة غيري دخلت الكلية و محبتش خالص غير و انا فى تالتة اتعرفت على حد على الانترنت و كان ليا الاب و الاخ و الحبيب حسيت انه الاب الروحى ليا حبينا بعض سنتين شوفته مرة كان مختلف عنى تماما انا بنت شكلى حلو و طويلة و ستايل و هوا شخص تانى هو اكبر منى بكتير المهم اننا كنا عارفين اننا عمرنا مهنكون لبعض علشان اهلى عايزين عريس غنى و مناسب و اتفقنا انا و هوا على كده لكن مقدرتش ابعد عنه لان اى مشكلة كان هوا اللى بيحلهالى و ظهر فى حياتى ولد تانى كان من على النت برده و كان صاحبه كنا بنتكلم فى الاول اننا صحاب و اخوات و طلب يقابلنى فى الوقت اللى كنت بعيدة عن حبيبي و فيه بينا مشاكل و لما اتقابلنا شوفت فيه فارس احلامى بجد حبيته لدرجة الجنون خلاص لكن المشكلة كانت فى الاولانى انى مسبتهوش برده مكنتش عارفة اقولوا ازاى لانى كان كل حياتى و مقصرش معايا فى حاجة المهم كل واحد عرف انى بكلم التانى و بقيت فى نظرهم البنت اللى مش كويسة بس رغم ده كله الاتنين بيحبونى و انا مش عارفة بحب مين الاب الروحى ام الشاب فارس احلامى و على فكرة انا بعد المشاكل دى عملت عملية و تعبت نفسيا بامراض وحشة بس الحمد لله و الله اعلم جوايا ايه دلوقتى اتجرحت بكلام كتير و على فكرة اهلى خطبونى بالعافية و انا فرحى بعد شهر و موش عارفة اعمل ايه ارجو الحل سريع و ياريت محدش يجرحنى بكلام ارجوكم ساعدونى
للاسف انت بنت مستهترةومش متربية اهلك ماعرفوش يربوك خالص ماتتزوج الاتنين وتخلصي لوكنت عاوزه تبقى محترمةوبنت ناس اقطع كل علاقاتك كلها واحترمت اهلك ونفسك مش المسخرةاللي انت فيها
طلامك حلو يا طيار يارايق بس خديها بصراحة انتى لو مش عارفة تحبي خطيبك دلوقتى مش هتعرفى تحبية بعد كدة لان قلبك مشغول بغيرة انما لو حاسة انك هتقدرى تعدى المرحلة دى وتحبي خطيبك مفيش مانع انك تكملى معاة وربنا يوفقك
انما راي رغم انو حدش هيعجبو سيبهم وسيبي خطيب لانو مش ملي عينك وحبي بجد مش لعب عيال اثنين مرة وحدة؟؟
سيبيهم كلهم لانك بالشكل ده محبتيش حد خالص وقربى من ربنا واهتمى بمستقبلك ودراستك وهتلاقى الحب الحقيقى فيوم متستعجليش
ولو قرررتى تنفذى راى اهلك وتتجوزى بعد شهر لازم تنسى كل اللى فات وتغيرى رقمك ومترجعيش تانى لاى حاجة من دى واوعى تظلمى
حبيتى فى الاول وطلع بيتسلى ربنا يكون فى عونك …
اتخطبتى غصب عنك بتحصل ربنا يسرلك ….
حبيتى من على النت ودا مش كويس بس بتحصل كتير….
لكن تحبى اثنين دا اللى مش ممكن .ليه؟
اولا حضرتكىمحبتيش ولا واحد فيم انتى بس اعجبتى بصفات معينه فى كل واحد فيهم
الاول كنت لسه طالعه من ازمة اللى كان بيتسلى وطبعا الخنقات وجو البيت خلاكى بتتشدى بسرعه لاى حد يحن بكلمه او موقف كويس وبتقولى انه هو اكبر منك فى السن يعنى لقيتى فيه حنان الابوه اللى انت محرومه منه…
الثانى لقتيه فارس احلامك لانك لقيتى فيه شوية صفات شبابيه كويسه شدتك بعد مالقيتى الاولانى اللى عوضك عن حنان الابوه فدا سد فاغ الابوه بعد كده جيه الثانى سدالفراغ العاطفى …
وافتكر انى حضرتك لو قعتى مع نفسك وفكرتى كويس ممكن تلاقى حل مناسب ليكى وياريت لو لقيتى نفسك بتفكرى اوى فى حد غير خطيبك متتخطبيش ليه عشان متخدعيهوش وتحسى انك مش كويسه ..
وربنا يهديكى ويسرلك الحال وتستقرى على الراى الصحيح ………….
بصي انا شايفه انك ولا بتحبي ده ولا بتحبي ده كل القصه ان ظروف اهلك والظروف الغير هاديه هيه اللي ماثره عليكي ومخلياكي بتدوري علي حنان وجو هادي بس ده مينفعش مفروض تفصلي اولا لازم تبعدي عن الاثنين دول وتعالي بقي لخطيبك شوفي مميزاته ايه ادي لنفسك فرصه تحبيه مع اني مش عارفه ازاي وافقتي عليه غصب عنك المهم اجلي الجواز فتره ولغايه متستقري تشوفي خطيبك ده حيعوضك عن الحنان ويحسسك بالامان ولا لا لو طلع لا يبقي ابعدي عنه بدلا ما تتجوزوا وتندمي بعدين وياريت زي مقولتلك تبعدي عن الانثين دول وتتفرغي لخطيبك وبس وقربي من ربنا اووووووووووووي وربنا يوفقك يارب
صباح الخير اتجوزى واتلمى فى بيتك افضل وغيرى رقم موبيلك والغى اميلك واهتمى بيبتك الجديد وابدئى حياه سعيده وكويسه وفصليها على زوقك وراحتك مه زوجكك وربنا يوفقك واهتدى وصلى واقربى من ربنا بالتوفيق/ المحامى
طيب انا مش فاهمة انتى عاوزة تكملى مع خطيبك ولا عاوزة اللى بتحبيهم ؟
وعلى فكرة يا حببتى ده كده مش حب مينفعش انك تحبى اتنين فى نفس الوقت القلب بيدق لواحد بس مش لاتنين