مشاكل الشباب قبل الزواج

اهلي رافضين ارتباطي بحبيبتي لاني عرفتها من النت

انا عمرى 23 سنة لسة متخرج من الكلية ومستنى الجيش اتعرفت على بنت من على النت وحبتها بقالنا سنة بنتقابل كل اسبوعين او تلاتة او يمكن ف الشهر مرة المهم عايز اتقدملها بس ف البيت عندى مش موافقين (وهما مش يعرفو ان هيا من على النت عارفين انى اتعرفت عليها بالصدفة )علشان هيا من بلد وانا من بلد وعشان المؤهل التعليمى وعشان ……وعشان……. قالو شعر وقصايد وهما قبل مايعرفوها ولا اتكلمو معاها ولا يعرفو عيلتها ولا اى حاجة عنها غير ان هما شافو صورتها بس وراافضيين تماما جربت كل الطرق وعرفت حبيبتى بكل حاجة حصلت فالبيت وانا مش عايز اظلمها معايا بانى اخليها تستنانى لما اشتغل واقف على رجلى وف الاخر برضو هايرفضو قلتلها كدا قالتلى انا هاستناك وافضل معاك ومش هاسيبك وهاقف جمبك ……ف البيت الموضوع بيتفتح كل شوية وبفضل اتكلم معاهم ومش بوصل لحاجة طريق مسدود ف كل مرة رفضينها كلها على بعضها حتى سيرتها وقالولى زى ماكلمتك واتعرفت عليك هاتكلم غيرك وانا اصلا مش بسيبها الا على النووووم بنفضل نتكلم مع بعض طول اليوم ولما بتعمل اى حاجة بتقولى عليها وبتاخد راى فيها هما مش قادرين يفهمو كدا اتكلمت معاهم ف ان العصر متغير والدنيا اتغيرت مفيش فايدة اللى ف دماغهم ف دماغهم بيقوللى انت عارفها بتعمل اية لغاية مافى اوقات بيوصل بيا التفكير انى اروح لوحدى اتقدملها بس كدا هابقى خسرت ابويا وامى وهايزعلو منى جدا وانا مش ليا غير رضاهم عنى ف الدنيا دى علشان ربنا يبقى راضى عنى …… وبرضو عايزها ومش عايز اعذبها معايا وانا محتار اعمل اية مش عاااارف الموضوع دة هايجننى

مشاكل وحلول ذات صلة

اضيف بتاريخ: Friday, August 16th, 2019 في 12:33

كلمات مشاكل وحلول: , , , , , ,

2 رد to “اهلي رافضين ارتباطي بحبيبتي لاني عرفتها من النت”

  1. LM200
    17/08/2019 at 10:10

    سوف يعطلو حياتك ولن يوافقو لك على أي شيء، لكن تصرف في كل شيء بمسئولية واحترم كل شيء من حقوق الناس وشئونهم ، الناس يريدو لابنائهم افضل شيء بالدنيا ولا يرضو حتى يصيب ابنائهم هم للحظة او حزن ، الظالمين لم يهلكهم اعمال كبيرة، فعلوهأ بل بامورر حقيرة استصغروها

  2. البرنس
    16/08/2019 at 13:18

    اخي العزيز السلام عليكم ورحمة الله وبركاته انت قلتها رضا الوالدين من رضا الله عزوجل واهلك مش موافقين على البنت دي اللي عرفتها من النت فخلاص اتركها واسمع كلام ابوك وامك واكسب رضاهم ولا عايز تخسرهم عشان وحدة بنت اتقي الله في نفسك وفي اهلك واياك ان تعصي وتغضب اهلك فربنا عزوجل لن يرضى عليك ولن يؤفقك طوال حياتك دامهم غضبانين منك وهتلاقي احسن منها مليون مرة والزواج قسمة ونصيب وكلام اهلك صح ولاغبار عليه البنت اللي تعرفت عليها من النت لاتصلح زوجة لك وتلاقيها تتكلم مع غيرك وتعرف شباب قبلك بعدد شعرراسك اتركها واقطع علاقتك بها نهاية وربنا بيكرمك بخيرمنها طالما انك عايز ترضى والديك

اترك رداً أو حلاً لهذه المشكلة