انا بنت متخرجه من الكليه اتعرفت على شاب بقالنا سنتين وشويه بنحب بعض جدا وهو بيحبنى للدرجه اللى ممكن يموت عشانى صحيح عصبي ومختلفين وعلى طول ف مشاكل بس بنحب بعض ومش بنقدر نستغنى عن بعض
المهم الولد ده لما جه اتقدملى بابا اتعرف على ظروفه واهله وكده هو اهله كلهم صنايعيه وعمال وطبعا اعلى حد فيهم دبلوم والمنطقه اللى هما منها وحشه وطبعا انتوا فاهمين الباقي معرفش هما ناس طيبين ولا لا بس بابا بيقول الناس ديه ممكن يمدوا ايدهم على مراتتهم ويشتموهم والحورات ديه يعنى وعيلتنا معظمها دكاتره ومهندسين ومراكز كبيره واقل حد فيهم بكالريوس ومستوى اجتماعى كويس جدا ومادى كمان
كل بنات العيله واخدين ناس مناسبين انا مش عارفه اقدمه للعيله ازاى ولا لمعارفنا ولا لاصحابي وكمان وف البيت بنام واصحى على كلمه سيبيه مينفعش مش مستوانا ولا عقلنا ولا تفكيرنا
انا بمر بحاله نفسيه زى الزفت عمرى بيعدى وانا كمان مليش اى اصدقاء ولاد ولا بروح ف حته يعنى مفيش حد غيره يعتبر ويوم ما بييجى غيره بحس انى مش عارفه اتجوز حد غيره انا تعبت بجد لو بتحبوا ربنا قولوا اعمل ايه وبلاش تحسبوها بالورقه والقلم ولا تبقوا رومانسيين والحب بيعمل المعجزات وكده قولوا حلول منطقيه عشان مليش حد اتكلم معاه غيركوا
مشاكل الحب والزواج
اهلي لا يعجبهم حبيبي بسبب مستواه الاجتماعي
اضيف بتاريخ: Thursday, September 20th, 2012 في 13:58
كلمات مشاكل وحلول: الحب, الزواج, بنت, شاب
انا خضت هذه التجربه وتزوجت من هو اقل مني اجتماعيا واهله. صنايعية وعمال وهو كان يعمل بهذه الاعمال حتى عمل عتال حتى يكمل تعليمه ومعه شهادة دراسات عليا ومثقف جدا وانيق بلبسه ومتدين جدا ومع كل هذا بداخلي ابقى احس انه اقل مني واخاف ان اكون يوما معه في مكان واقابل احد اقاربه ممكن يكون عامل او منظف عند احد قاربي او معارفي حتى اخاف ان اقابل احد يكون زوجي عمل عامل عندهم سابقا صحيح تزوجته عن حب ومازلت احبه لاخلاقه وطيبة قلبه لكني مازلت بداخلي لاارتاح لهذا الزواج واحتاج من ينصحني ويهديني كل يوم
عائلتي كلهم اغنياء ومتعلمين جدا بينما هو الوحيد بكل عشيرته المتعلم
اولاالشاب دا مش حيعيشك الحياة اللي كنت عايشتهاعند اهلك ثانيا دايم الاحساس منو بانك افضل منه في كل شي ويجعله يلجا للسرقة اوتجارة المخدرات عشان يوفرلك مطالبك ولايجعل منو ناقص عنك في شي ثالثا المنطقةالشعبية اللي عايش فيهاتجبره يعاملك بقسوة شديدة ممكن توذيك وتجعل منك زوجة منحرفة تتعاطى الحشيش والمخدرات اوتمشي في الدعارة رابعا اولادك ذنبهم ايه يعيشو في بىية كهذة وابناء خالهم اوخالتهم عايشين في رفاهية من العيش ومستوى تعليمي ممتاز فكري بالعقل وانظري للعواقب من زواج غير متكافي ولامنطقي
شوفي يااختي مسالةالمستوى الاجتماعي مهم جداوبماانك من عيلةمثقفة ومتعلمة جدافيهم دكاترةومهندسين ووضعكم المعيشي ممتاز صعب التوافق والاندماج بين الشاب اللي تحبيه وعيلتك وهذاالشي يخلق عدةمشاكل بينكماومصيرالحياةالزوجية مهددبالفشل لذا انصحك بتحكيم عقلك مش قلبك اولا والاستماع لاهلك لانهم ادرا بمصلحتك اكتر منك والمثل يقول اللي خرج من داره قل مقداره
انا انصحك اذا كان متعلم و بيخاف الله اتزوجي مهما كانت حالة ألاجتماعية لان بيحبك وهذا اهم شي بل زواج وانتي اكيد ماتقدري طلعي من بالك اذا متزوجتي
انا بنصحك اتمسكي بحبيبك لانوا الحب مبيتقاس لا بالفلوس ولا بالمستوي الاجتماعي ودي حياتك مو حياة اهلك وطوا ما انتوا ايد واحدة مع بعض وبتحاربو مشان بعض اكيد الله بيفرجا لانو هو القادر علي كل شي
يعنى اجمل ما فى رسالتك بكل صراحه الجمله دى ( وبلاش تحسبوها بالورقه والقلم ولا تبقوا رومانسيين والحب بيعمل المعجزات وكده قولوا حلول منطقيه عشان مليش حد اتكلم معاه غيركوا ) وده يخلينى اتكلم معاكى بكل موضوعيه وشفافيه وهو ان الفرق بين الحب والزواج ان الحب علاقه متجدده اما الزواج علاقه راسخه وثابته _ الفشل فى الحب بالنسبه للبنت ليس نهاية المطاف _ اما الفشل فى الزواج للبنت بدايه لنظره المجتمع نظره مختلفه لكون المراه مطلقه _ الحب ينشا عن الفراغ العاطفى _ اما الزواج ينشا بالتكافؤ _ الحب وسيله اما الزواج غايه _ الحب من بعض اهدافو الارتباط _ اما الزواج من اهدافو الاستقرار الاسري التضحيه الثبات عند الشدائد _ بعد كل ده لازم تفهمى نقطه مهمه انو لازم عند الاختيار تفصلى الحب عن الزواج علشان تقدرى تختارى الزواج المناسب لو قدرتى تفصلى بين الاتنين هتقدرى تختارى صح لاكن لو عايزه رايي فى الجوازه دى اكيد هقول لا لان مفيش اى تكافؤ للفرص لان بكل بساطه كده ممكن ولد ثرى جدا يتجوز بنت فقيره جدا ده عادى اما العكس لا لانو هيعيش حياتو كلها يحس ان مستواه اقل منك وقتها هتدور المشاكل وباتمنالك التوفيق وانتى صاحبة الاختيار فى الاول وفى الاخر
اسمعى انا مش هتكلم في حاجه انتى عارفاها كويس و هو فرق التفكير الموجود بينكم … بس نصيحه من أخت أوعى تتجوزيه … هيروح الحب و اللهفه و هيتبقي الخلافات و الفروق الى بينكم و هتكرهى نفسك على سوء اختيارك .. انتى بتختارى اب لولادك و عيله هتكون عيلتك … الشغل مش عيب و مش العيب انهم صنايعيه … العيب انهم يكونو مختلفين تماما عن بيتك و اهلك … اسمعى كلام بباكى محدش هيحبك قد الراجل ده في الدنيا كلها انتى حته منه … انا جربت قابلك علشان كده بقولك اوعى تتجوزيه
لو كان هو كويس متدين ويعرف ربنا وهيتقى ربنا فيكى واهله ناس طيبين فتوكلى على الله . ومحدش فينا بيختار اهله ولا قرايبه ولا مستواه الاجتماعى. انتى ممكن تتجوزى انسان غنى بس يطلع عينك وتعيشى تعيسه معاه ساعتها فلوسه ولا مركزه هينفعوكى .
عارفة المشكلة في ايه؟
المشكلة إنك علقتيه بيكي واتعلقتي بيه رغم إنك عارفة إنه ميصلحش ليكي خالص
هو عصبي، والشخص العصبي سهل يضرب مراته
مش متعلم يعني مش هتلاقيه بيتفاهم بالعقل
أنتي مش عارفة هتقدميه لأهلك ازاي
يعني مش هتكوني سعيدة معاه
أنا آسف إن أقول إنك غلطتي غلطة كبيرة
عارفة لو كان هادي ومحترم ومؤدب وخلوق، أنا مكنتش اعترضت حتى لو كان معاه ابتدائية.
الاخت الغاليه:-
الزواج هو اندماج العائلتين مع بعض ولكن من الواضح الاختلافا الكبير في المستوي الثقافي وفي النشأه والبيئه والمنطقه وانتي معترفه بخجلك من اقربائك لان جوزاتهم من نفس المستوي وحتي من اصدقائك يبقي ازاي تغامري وترتبطي بيه انتي في غفله لانك حاسه ان الوقت بيمر ومافيش حد مناسب اتقدملك ،انتي من بيئه وهو من بيئه مختلفه وليس عيبا فيه ولكن اختلاف الطبع والتفكير لازم تتنازلي عن مخك وتفكري بطريقتهم عشان تندمجي معاهم ،ولاه مفكرتيش انه عاوز يرتبط بيكي عشان يرفع من مستواه وبتقولي انكم دايما مختلفين يبقي فين الزواج الناجح ،صلي واطلبي من ربنا يهديكي للصواب
هنا في حاجه اسمها تكافوء اجتماعي ماينفعش حضرتك تتجوزيه لانك من دلواقتي مستعره منه قدام اهله وعلي العموم الحب ده قبل الزواج بس بعد الزواج مفيش حب فا اختاري واحد من مستواكي علي شان مايحصلش مشاكل وومكن تعيريه بعد كده
الاخ الفاضل ش.م
رحم الله امرءا أهدي الي عيوبي
وانا شاكر ليك ردك و اهتمامك بما كتبت و ان كان هنا خلاف كبير في الرؤى و الاحكام
بداية و قبل اي كلام انا لم اقصدك سيدي العزيز بأي زم او جهت اي كلمات لشخصكم الكريم بكلامي
و يبدوا أني لا اجيد ترتيب الاجابة كما تفضلت و عذرا ان كنت اصبتك بأي ضيق
ايضا انا لم اقصد الانتقاص من شخص الرجل الذي تتحدث عنه الاخت العزيزة ولكن كنت اتكلم عن ماذا يحدث لو ؟ بمعنى ان التغيير يحدث و ان التجارب السابقة تدفعنا الى هذا الظن
أخي و اختي انا فعلا اعتذر عن ادائي و ليس عن رأيي
سيدي معيار الدين هو الاساس صحيح انما يبقى التعقيدات الاجتماعية او شديدة التعقيد التي طرأت على مجتمعاتنا توجب علينا الى النظر الى الدين واشياء اخرى
لان كما تفضلتم من الصعب وضع معيار لكلمة الدين في هذا الزمن و من الحكم عليه
الاخ الفاضل … كلمة مروءة تشمل ماقلتة و كان السابقون من العرب يضعونها في معاني كثيرة … مثلا كانوا يصفون بمن يأكل في الطريق بعدم المروءة …و هكذا
فلا تلم علي استعمالي لها ان انا وصفت من يتزوج بمن تعلوة او يظن انها او اسرتها سينظرون الية بدونية بهذا الوصغ
وهذا ليس تجريح لة
ببساطة جدا …لو اني تزوجت ممن هي اعلى مني فبالتأكيد سوف يحدث لي هذا حتى و ان كنت في علا الطبقات
لم استطع ان الم بكل ماذكرتة عني من عيوب و لكن اعدك بتكرار قراءة ما رأيتة في من عيوب وانا واثق اني اكيد لي منها نصيب
الاخت الفاضلة … ارجوا منك قراءة العديد من الرسايل المرسلة على هذا الموقع و مشابهة لما رويتية و لكن بعد سنوات ..وأظنها رؤية مستقبلية
لازلت عند رأيي
الزواج أسر تترابط و كيانات تبنى و اجواء اجتماعية محيطة (كما تفضلت الاخت -أنا مين عرفتوا)
بمعنى ابحثي عن عوامل النجاح …
و أرجوا لك السعادة و الرضا ايا ماكان
آسف على الاطالة
السلام عليكم الى الاخ المهذب (احمد )احيك على ردك وكنت هصوب عليه بالايجاب بس مش عشان الحل بارع للاخت صاحبة المشكله وانما ردك بارع فى نقضك الذى يتدرج من كل اساليب الزوق والادب
هناك نقض حميد ونقد مزموم طبعا فى نقضك واضح جدا الزم والعصبيه العنصريه عذرا قبل ما اسئ الظن بك فى جملة ( و هيفضل هو و عيلتة عندهم عقد نقص كتييير) تنسيق الكلام غير واضح هل تقصدنى انا ام تقصد الاخ الذى على علاقه بصاحبة المشكله ,,,,ان كنت تقصدنى انا فجزاك الله خيرا بيئتى وتربيتى واخلاقى لن يسمحوا لى ان اسيئ الادب الى اى شخص لم اعرفه تكاد تكون اكبر منى فى السن فتجبرنى اخلاقى ان احترم الكبير وان كنت اصغر سنا منى فعلى التعاطف معك
فانا الحمد لله صعيدى ومن عائله ثريه واصحاب املاك ومناصب ولها كلمه مسموعه ولم اتكلم اكثر من ذالك عن نفسى والكل يعلم قيمة عائلات الصعيد الكبيره فمن مبادئ اهلينا التى تربينا عليها احترام الكبير والعطف على الصغير وعدم الخطا فى اى شخص لم نعرفه وعلمونا اللا نتعالى على احد وان نؤمن بمن هناك من معه اكثر منا مالا ولكنه ليس افضل منا
اما عن نقضك لبعض الامور ,,,,
فالحديث الشريف الذى استدليت به عندما قاله النبى لم يحدد محله ولم ينظر النبى الى فارق الطبقات او الى اى نوع من العنصريه
اما عن عدم درايتها بدينه فهى تقول انها على علاقه به منذ سنتين فكيف طول هذه الفتره لم تتاكد من دينه خصوصا انها كما ذكرت لنا بعض محاسنه ذكرت ايضا بعض مساؤه له مثل انه عصبى ,,
اما عن اتهامك لهذا الشخص بانه ليس عنده مرؤه لانه نظر الى واحده مش من مستواه واضح جدا انى حضرتك متعرفش معنى كلمة المرؤه اصلا ,,, سيدى الفاضل الحب ليس بيد احد واكيد اللى خلاه يستمر فى حبه لها عنما وجد منها قبول (وقال النى اللهم لاتؤاخذنى فيما ليس ملك يدى)
اما موضوع الطبقات احسنت فى عرضها وأخطأت فى تفسيرها خلقنا الله طبقاق ليكمل بعضنا البعض وليس ليتعالى بعضنا على بعض ,,,,
واما عن تجربتك التى تزعم انك رايتها فشلت عشان حضرتك ركزت عليها بس وشايف فيها انتصار لتعصبك ولطبقتك ولريئك ولكن لو نظرت من حولك زى مافى تجارب فشلت فى كمان تجارب نجحت مفيش قاعده ثابته 100%
اخى الكريم اذا تكلمت فاحسن الكلام او لتصمت
اذا نصحت فاحسن النصح واتقى الله لا
واذا نقضت فاحمد نقضك نصحك
اسلوبك هذا !!! ان دل فانما يدل عليه ,,,,, وكل ايناء ينضح بما فيه ….
اغلب الردود ايدت تكأف الطبقات فى الزواج ولم يزموا الشخص ف
بمناسبة انك جى زياده على هذا الشخص عاوز اسئلك على الجمله الاخيره اللى حضرتك قولتها
ايه اللى عرف حضرتك انها (اتبهدلت كتير )
الاخت الغالية
الوضع الاجتماعي مهم و يمكن لو دورتي هتلاقي سيدات متزوجات لنفس السبب اللي بتحكي عنة (هنا في نفس الموقع) يبكون حيث لا ينفع الندم
الاخت العزيزة ليس فقط مايقولة اهلك و لكن عن تجربة رأيتها فرق الاسر و البيئة و مع نفس الشهادات و النتيجة كانت اسوأ مما تتخيلي
هو لسة في عينيك زي الافلام فتى الاحلام
انما في المستقبل القريب سيكون كابوس عمرك
حتى و ان كانت اخلاقة جيدة
الاخت او الاخ ش.م
كلامها غير صحيح تماما و هيفضل هو و عيلتة عندهم عقد نقص كتييير
الاهم من كدة استشهادها بالحديث الصحيح في غير محلة لان من اين لها معرفة دينة او دين اسرتة و مين يحكم على درجة تدينة
و الاهم من كدة هو لو صاحب مروءة مكانش يفكر يتقد لوحدة مش من مستواة
و انا ابعد ما اكون عن العنصرية و الطبقية لكن يا عزيزتي او عزيزي ربنا خلقنا طبقات
صدقيني في ايامنا دي انا متأكد ان جزء كبير من اللي جواة ليكي انتصار لنفسة واسرتة من الطبقات الاعلى ….
نعم هناك زيجات من نفس الطبقات و فاشلة زي ش.م مابتحكي لكن دة ادعى و اوجب انك ما تزوديش احتمالات الفشل بعيوب انت شايفاها اصلا … بمعنى ان اللمش باين عيوبها بتفشل فمابالك باللي اسباب فشلها واضحة من الاول
باين من كلامك انك زيي من عشرين سنة
فيا صغيرتي …. من أجل عمرك بأكملة تحملي و لو سنوات
لكن عيشيها صح ارجوكي اسمعي كلامي … انتا اتبهدلت كتير و صعبان علية انك تمشي الطريق من اولة
آسف للاطالة
علي فكره انتي دلوقتي بتحبيه ومش عايزه غيره صح
بس تخيلي حياتك
بطبع البنات بيغيروا من بعض يعني لو كل بنات العيله زي ما بتقولي مستوي تقدري متبصيش لحياه حد وحترضي بعيشتك لو تقدري يبقا صممي علي موقفك
لكن لو فكرتي في الموضوع لقيتي نفسك مش حتقدري تعيشي في بيئه غير بيئتك يبقى بلاش من الموضوع
عشان حياتك حتبقي غم اصل مينفعش تحسسي زوجك بانه مش قادر يسعدك وحتبتدي المشاكل
وربنا يوفقك
يقول النبى صلى الله عليه وسلم اذا جأكم من ترضون دينه فزوجوه
لا احد منا له يد فى اختيار ابيه او امه ومستواه الطبقى يعنى
تخيلى انك انتى اللى مستواكى على اده وهو مستواه عالى كان رد فعلك هيكون ايه
انت مخترتيش تكونى كده برغبتك ولا هو اختار كده
وياما بنات تزوجوا من طبقات عاليه وفى نفس مستواهم ولم يسعدوا ولم يرتاحوا وافتكر انى دى ظاهره مشهوره فى مصر عندنا الواحد يكون غنى جدا وتعجبه واحده حلوه عشان خاطر مستواه وفلوسه محدش يرفضه وتكون هى معندهاش قبول ليه ويحسدوها على اللى هى فيه وهى تقول ايه الفايده كل طلباتى مجابه وفلوس ومستوى راقى عالى بس مش حاسه بسعاده
والنظر للمظاهر فى امور الزواج عذرا اكبر دليل على التفاهه ممكن بكره يجيلك حد مستواه كويس ومرموق واهلك يشوفوا ان دى فرصه متتعوضش عشان مظهرهم ويتباهو ان بنتهم واخدها فلان وانت متكونيش سعيده والله مافى حد حيحس بيكى
انت بقالك فتره عارفاه كويس اكيد انت اكتر واحده متاكده من معاملته ليكى بعدين
اى نعم الزواج مطلوب فيه التوافق بين الطبقات وانا شايف انه مفيش فرق كبير مستوى اهلك كويس ماشى بس هو لمؤخذه لهو بيشتغل شغله عيب او بيعمل حاجه غلط دا بيكسب من عرق جبينه ذى مبيقولواوهو مش جاهل خالص معاه دبلوم يعنى الفرق بينك وبينه بسيط وانت لو ملقتيش تفاهم معاه مكنتيش حبتيه الفتره دى كلها حطى قواعد معينه فى زواجك منه مثلا كسكن فى مكان غير المنطقه اللى هما ساكنين فيها وانك تسكنى لوحدك لو وفرلك كده يبقى كده كويس واهم حاجه انك انت بالذات تشيلى فكرةالمستوى
واهم حاجه انك تصلى صلاة استخاره لو فى قبول توكلى على الله انا عارف انى راى هيكون مخالف لناس كتير بس اللى انا متاكد منه انك لو تزوجتى حد تانى مش هتكونى سعيده اوى حتى لوحبتى اللى هتتجوزيه عشان كان ليكى ماضى
وربنا يوفقك الى مافيه الصلاح والخير لكى ان شاء الله وان كان هو من نصيبك ربنا يسعدك معاه وتكونوا عند حسن ظن اهلك وان مش من نصيبك ربنا يرزقك بابن الحلال وربنا يرزقه هو كمان ببنت الحلال عذرا اطلت عليكى
الحل المنطقى جدا ان اانتى تسبيه طبعا من غير تفكير دلوقتى مرحلة حب وكلام جميل وغيره بس لازم تبصى للمستقبل انتى من دلوقتى خايفه او مكسوفة تقدميه على انه ايه او على اى اساس وبعدين بصى لى اولاديك فى المستقبل ولازم يكون مستوى تفكير كويس مش شرط مستوى اجتماعى وربنا يقدم اللى فيه الخير
يا اختي انا بنت يجوز ان اكون اقل منك في العمر و لاكن انا انصحك ان تبتعدي نهائيا عن فكره الزواج من غير الطبقات انا كنت هتخطب لشاب اقل مني في المستوي بكتير جدا و كان بيحبني و الله فعلا من قلبه و اخلاقه زي الفل ماشاء الله عليه و لاكن متفقناش نهائي في وقت ما كنت بقعد اتكلم معاه و اتكلم عن حاجات مثلا زي المكياج و طريقه اكلي بره و في البيت حتي الاكل كان بيقولي ايه القرف ده طريقه السهرات مع الاهل و الاقارب سواء كان في نادي او مطعم محترم كان بيقولي ده كتير متقعدوا في الصاله او تفرشو كراسي قدام الفيلا لا فعلا صعب انتي هتلاقي كلامي صعب و تحسيه في مواضيع تافهه و لاكن هتلاقيه كمان بيتعمم علي المواضيع الاكبر زي حريتك المستوي ده من الناس و طبعا ليهم كل الاحترام الست عندهم الخروج ممنوع الا بحساب و الكلام بحساب و كل حاجه اي كلام و بحساب هتلاقي زوقه في اللعفش و الشبكه و الحاجات ديه غيرك بالمره و هيقولك ده الي حلو و لا هي فلوس و خلاص اسمعي كلامي يا اختي في الله و الله انا بنصحك و كمان انتي بتقولي انا مش عارفه اقدموا للناس ازاي انتي نفسك بداتي انك تقلقي تظهري بيه اومال ازاي هتتفاهمي معاه احسيبها عقليا سعاده الحب هتزول لان النوع ده المستويات لا يقدم تنازلات و حاولي تفكري و عقيلها
الأخت العزيزة….عدم اتفاق العائلتين مهما كانت الأسباب هو بداية فشل الزواج…. و يجب ان يكون هناك توافق بينكما لأن من المستحيل أن يغيير ما تربي عليه و انت كذلك… النصيحة مازال امامك الوقت و ربنا سيوعوضك خيرا ان شاء الله…. أما موضوع ماليش حد غيره حله انك تتعرفي علي أصدقاء جدد و في اقرب وقت ستخرجي من الحالو النفسية السيئة